berriak

Amurrioko Udalak, Ingurumena Kudeatzeko Europar Batasuneko EMAS Sistema du ezarrita 2003. urteaz geroztik. 2023an berritu egin du ziurtagiri hori, eta bere Ingurumen-Adierazpena eskuragarri dago jada. AENORek ikuskatu eta balioztatu du dokumentua, eta herritar eta alde interesatu guztiek Amurrioko Udalak 2022an gauzatutako ingurumen-jarduera ikus dezakete.

https://udala.amurrio.eus/cas/servicios/medio-ambiente-y-cambio-climatico/emas

Amurrioko Udalaren Lurralde Eremuan Ingurumena Kudeatzeko Sistemaren jarraipena egiteko gauzatu zen kanpo-auditoretzan ez zen sistemarekin bat ez zetorren ezer antzeman. Auditoretza-enpresaren txostenean sistemaren indargune hauek nabarmentzen dira:

• Zuzendaritzaren eta bere taldearen konpromisoa Ingurumenarekin eta Ingurumena Kudeatzeko Sistemarekin.
• Garapen jasangarrirako Nazio Batuen 2030 Agenda eta estrategian, kudeaketa-sisteman eta arloko jarduera eta zerbitzuetan GJHak hartzen dira kontuan.
• Ingurumen-Adierazpena: helburuaren, jomugen eta ekintzen trazabilitatea GJHekin, DRSen (Herri Administrazioa, Nekazaritza eta Hondakinen Kudeaketa) berariazko adierazleekin eta ingurumen arloko jardunbide hobeekin.
• Udal-baratzak kudeatzeko tresna informatikoen (GIS) erabilera, operazio-kontrola eta ingurumen-kudeaketa hobetzeko

Eta hobetzeko aukerak:

• Kudeaketa-Sistema beste udal-kokaleku batzuetara zabaltzea.

Erakundearen etengabeko hobekuntzaren eta ingurumen-portaeraren ebaluazioari dagokionez, hurrengoa nabarmendu behar da:

• 2023an jasotako Ingurumen-Adierazpenean jasotzen diren 15 adierazleetatik, soilik adierazle zuzen bat eta zeharkako hiru bilakatu dira negatiboki 2022ko Ingurumen-Adierazpenarekin alderatuta.
• Azpimarratzekoa da, bere ingurumen-portaera hobetzeko, erakundeak Administrazio Publikoaren, Nekazaritzaren eta Hondakinen Kudeaketaren DRSetatik ateratako adierazle espezifiko asko (konparazio-parametroekin) eta ingurumen-jardunbide hobeak hartu dituela kontuan.

2022-2023 ikasturtean, Amurrioko ikastetxeak Energia eskuragarria, fidagarria, iraunkorra eta modernoa bermatzea guztiontzat lantzea erabaki dute 7. Garapen Iraunkorrerako Helburura. Beraz, ikasleak energiarekiko dugun egoera ezagutzen eta aztertzen lan egiten ari dira.

Amurrioko Udala ere lanean ari da bere instalazioetan energiaren kudeaketa hobetzeko. Horretarako, Energia Informazioko Sistema bat ezarri du, energia-kontsumoak kontrolatu eta optimizatzeko, eta energia-atari bat egin du, herritar guztiek Udalaren energia-kontsumoaren bilakaerari buruzko informazioa kontsultatzeko aukera izan dezaten, argiteria publikoko ekipamenduei eta zerbitzuei dagokienez.

https://portalenergia.herokuapp.com/es/Amurrio/

Atari horretan, udalak kontsumitzen duen energia guztia kontsultatu ahal izango da, bai eta aurreko urteekiko eta antzeko beste udalerri batzuekiko kontsumoaren bilakaera ere. Halaber, egiaztatu ahal izango da zein eraikinek kontsumitzen duten gehien, zein diren eraginkorrenak eta zein diren aurreztaileenak aurreko urteekiko.

Denon lana da kontsumoa murriztea eta energia-eraginkortasuna handitzea. Beraz, aurten denok batera lan egingo dugu, eskolek, herritarrek eta udalak batera, helburu komun batekin: gero eta eraginkorragoak izatea eta energia gutxiago kontsumitzea.

Amurrioko Udalak, Eusko Jaurlaritzak finantzatuta, ‘Konpondu.amurrio’ proiektua jarri du abian. Proiektuaren helburua udalerriko egungo kontsumo-eredua aldatzea da, jasangarriagoa izan dadin. Webguneak lau gune nagusi ditu: auto-konponketa sustatzeko, ordezko piezak erosteko, konponketa-establezimenduak bilatzeko eta esteka interesgarriak.

http://konpondu.amurrio.eus - http://amurriorepara.amurio.eus webguneak gure produktuen bizitza luzatzeko informazioa, aholkuak eta tresnak eman nahi ditu. Horren barruan, Amurrion konponketan jarduten duten establezimenduen bilatzaile bat dago, hainbat kategoriatan banatuta eta udalerriko konponketa-negozio guztiak ikus daitezkeen maparekin.

“Webgune horren oinarria konponketa lanak egiten dituzten udalerriko negozioen bilatzailea da. Bertan, konpondu nahi dugun produktua tekleatuz, zein kategoria bilatu nahi dugun aukeratuz edo udalerriaren mapan zuzenean, produktu hori konpontzen duten establezimenduak bilatu ahal izango ditugu. Hor agertuko dira establezimenduak, horien informazio orokorra, ze produktu konpontzen dituen, non dagoen, ordutegia eta kontaktua” azaldu du Txerra Molinuevo Amurrioko alkateak.

Proiektu honekin hainbat helburu lortu nahi dira:

• Herritarrei berrerabilerarako aukera praktikoa eskaintzea.
• Herritarrei prebentzioaren eta jasangarritasunaren aldeko ohiturak helaraztea.
• Bigarren eskuko objektuen trukea duintzea.
• Hondakinak tokian-tokian eta egunero sortzea prebenitzea.
• Kontsumo jasangarria
• Produktuen balio-bizitza luzatzea.
• Lehengaien eta energiaren kontsumoa murriztea.
• Konponketa- eta autokontratazio-zerbitzuak eskaintzen dituzten tokiko negozioak ikusaraztea eta horien erabilera sustatzea.

“Alferrik galtzearen kultura nagusi den munduan bizi gara.  Zerbait apurtzen denean, bota eta gauza batzuen ordez beste batzuk eskuratzen ditugu, estreinatzeko eta kontsumitzeko dugun beharra asetzeko. Gaur egun bizi dugun klima-krisi egoeran, beharrezkoa da gure kontsumo-eredua aldatzea eta bota baino lehen konpontzen duen beste eredu arduratsuagoa ezartzea. Hori dela eta, ‘Konpondu.amurrio’ proiektua funtsezkoa da produktuei bigarren bizitza emateko eta mundu jasangarriagoaren, bidezkoagoaren eta solidarioagoaren alde egiteko”, adierazi du Molinuevok.

Muskerrak elkarteak, Amurrioko Udalarekin lankidetzan, biodibertsitatea eta zientzia zabaltzeko hainbat jarduera antolatu ditu urriko azken astean.

Inoiz galdetu diozu zeure buruari azken aldian telebistan hainbeste ateratzen diren ikertzaileak nolakoak diren? Beste planetako jendea da, dibertigarriak dira, gu bezala pentsatzen dute? Euskadin primerako ikertzaileak ditugu, mundo mailako garrantzia duten galdereei erantzuna ematen. Hala nola, nola funtzionatzen du giza garunak? edota, zein da hausnarkarien eragin klima-aldaketaren arintzean? Zatoz Amurrioko Albizabalera urriaren 28an, ostirala, 19:30etan. Zientziaren hainbat alderdiri buruzko hitzaldi labur eta atseginez betetako gaua izango dugu han, garagardo eta pintxo batez gozatzen dugun bitartean.

Urriaren 25an eta 28an gainera Amurrioko eskolak bisitatuko ditugu animalia polinizatzaileen garrantziari buruz hitz egiteko. LH 4. Mailako ikasleekin intsektuentzako hotelak eraikiko ditugu, hain beharrezkoak ditugun polinizatzileak erakartzeko. Intsektuen biodibertsitatea eta ugaritasuna asko murriztu da azken urteetan, batez ere aldaketa klimatikoa, poluzioa eta habitat suntsiketa direla eta. Beraz, ekintza honekin animalia polit eta ezinbesteko hauentzako habitata berreskuratzen lagunduko dugu.

Amaitzeko, urriaren 30an, igandean, jarduera ireki bat egingo dugu interesa duen edozein pertsona edo familiarentzat. Aurreko ikasturtean Elkargunean lan egin zuten haurrek hala eskatuta, bertaratzen garen guztion artean biodibertsitatearen babesleku bat sortuko dugu San Rokeko putzu batean.

Bertan, txorientzako habiak ipiniko ditugu, anfibio eta narrastientzako aterpeak eraikiko ditugu eta intsektuentzako babes lekuak sortuko ditugu bertako landareak landatuz. Goiz osoa emango dugu geroz eta urriagoak diren animalientzako mehatxurik gabeko etxea sortzen.

Amurrioko San Jose tabernan geratuko gara goizeko 10etan eta bertatik oinez igoko gara San Rokeko putzura. Bidean, ikusten ditugun animalia eta landareei buruz hitz egingo dugu.

Amurrioko Udalak energia-kudeaketan eta klima-aldaketan teknikari bat izango du datorren urtarrilean, administrazio publikoetan lehen esperientzia profesionala izateko programaren bidez. Izena emateko epea abenduaren 30era arte dago zabalik Lanbiden-Euskal Enplegu Zerbitzuan.

Teknikaria praktiketako prestakuntza-kontratu baten bidez sartuko da. Kontratua 2023ko urtarrilaren 31n hasiko da, 12 hilabeteko iraupena izango du, eta Amurrioko Udalaren jarduera-eremuetan energiaren, klimaren eta ingurumen-jasangarritasunaren arloko ekintzak eta neurriak garatzen lagunduko du.

Kontratatzen den pertsonak zenbait baldintza bete beharko ditu kontratuaren hasieran:

• Unibertsitate-gradua izatea ezagutza teknikoen arloan: ingurumen-zientziak, kimika, biologia, geologia, geografia, arkitektura, arkitektura teknikoa, industria-ingeniaritza, ingurumenekoa, energetikoa, energia berriztagarrietakoa, elektrikoa, elektronikoa, meatzeetakoa, kimikoa.
• Langabezian eta Lanbide-Euskal Enplegu Zerbitzuan izena emanda eta enplegu-eskatzaile gisa alta emanda egotea.
• 16 urtetik gorako eta 30 urtetik beherako gaztea izatea.
• Ikasketak amaitu zirenetik 3 urte baino gehiago igaro ez izana.

Amurrioko Udalak 32.108,92 euroko diru-laguntza jaso du, 54.750,32 euroko inbertsioa eskatuko duen praktiketako kontratuaren modalitatean energia-kudeaketan eta klima-aldaketan Teknikari baten kontratazioa finantzatzeko. Diru-laguntza, Lanbideren Administrazio Kontseiluak 2021eko abenduaren 13an onartutako Europar Batasuna-Next-GenerationEU-k finantzatutako Suspertze, Eraldaketa eta Erresilientzia Planaren barruan sartzen da.

Jarraian, irailaren 18an Artzain Eguna ospatzeko deitutako lehiaketetan parte hartzeko oinarriak kontsulta daitezke. Eskabideak aurkezteko epea irailaren 1ean hasiko da, eta irailaren 8ko 13: 00ak baino lehen, Amurrioko Udaleko herritarren arretarako zerbitzuan.

Attachments:

File	Description	File size	Created
Oinarriak	Oinarriak	49 kB	16-08-22 11:19