Zerbitzu hau udalaren eskumenekoa da, eta Oinarrizko Gizarte Zerbitzuan ematen da;  gizarte zerbitzuen sistemara sartzeko lehen atean. Amurrion udaletxean kokatua dago.

Zerbitzu honetan pertsonaren behar eta gaitasunen hasierako balorazioa egingo da, testuingurua aintzat hartuta; eta beharrezkoa balitz jarraipena behar duen interbentzioren bat, diagnostiko soziala egingo da, horretarako, ahal den heinean, pertsona horren babes sare eta senide zein lagunen parte hartzearekin.

Zerbitzu horretan erreferentziako profesional bat zehaztuko da pertsona bakoitzarentzat (gizarte langilea), eta profesional horrek aholkatu, baloratu eta orientatuko du bere beharretarako egokienak diren programa, zerbitzu edo baliabideetara.

Zerbitzu honek herritarren arteko berdintasuna sustatzen du dauden gizarte eskubide eta baliabideen ezagutzari dagokienez; horrela, ezezagutzagatiko gizarte kalteberatasuneko egoerak aurreikusiz.