Amurrioko Udal Dantza Eskola irakaskuntza eremu ez-formala da, ikasleak dantza teknikaren ezagutzan eta jabekuntzan sartu nahi dituena, euren sormen gaitasunetatik ahalik eta gehien ateraz. Helburua da ikasleen gaitasun artistikoak garatzea, haien gaitasunak ezagutzea; eta ikaskuntza, hobekuntza, adierazpena eta sormena garatzea dantzaren esparruan.

Ikasketa programa New Yorkeko American Ballet Theatre National Training  Kurrikulumaren gidalerroetan oinarritzen da. Bere zuzendaria, Jon Ugarriza, koreografia eta dantzaren interpretazio tekniketan titulatua da New Yorkeko American Ballet Theatre erakundean, eta gaur egun Ballet Master eta Swedish National Ballet Schooleko koreografo gisa dihardu.

Udal dantza eskolak prestakuntza maila hauek eskaintzen ditu:

Dantza hastapena 0: 0-4 urteko haurrei zuzenduta dago. Astean gutxienez eskola bat ematen da, berrogeita bost minutukoa, eta gehienez 9 pertsona daude taldean. 

0ko hastapen taldea proposatutako prestakuntza-ibilbidearen "aurretikotzat" hartzen da, eta hortik dator eskolen iraupenaren eta maiztasunaren arteko aldea  gainerako mailekiko. Talde horri esker, dantzaren mundura "adeitsu" sar daiteke, diziplina horrekin lotu ohi den eskakizun sentsaziorik gabe, ikasleek eta familiek jarduera ezagutu eta honek erakarri ditzan, prestakuntza proposamenean behin betiko sartzea errazteko. Izen-ematea doakoa da.

Dantza hastapena, 1. eta 2. mailak: 4 eta 6 urte bitarteko haurrentzako da, eta astean gutxienez 2 eskola eskaintzen dira, berrogeita bost minutukoak.

Dantza hastapena, 3. eta 4. mailak: 4 eta 6 urte bitarteko haurrentzat ere zuzendua dago, nahiz eta gaitasun handiagorekin jardun. Astean bi eskola ematen dira, bakoitza hirurogei minutukoa.

Dantza, 1-A, 1-B eta 2 mailak: 7 urtetik gorako haurrei zuzenduta dago, eta astean laurogeita hamar minutuko bi eskola ematen dira.

Koreografia tailerra: goi mailako prestakuntza duten dantza ikasleei zuzenduta dago, eta astean 90 minutuko eskola ematen da.