Eraikin baten Ikuskapen Teknikoa (EIT) txosten tekniko bat da, zeinetan eraikinaren ikuskapen bisuala egin ondoren, eraikinaren kontserbazio egoera, akatsak eta balizko kausak deskribatzen diren.

Txostenean, halaber, antzemandako akatsak konpontzeko beharrezkoak diren obren proposamena jasotzen da.

Ildo beretik, Irisgarritasun unibertsalaren oinarrizko baldintzei buruzko txosten batekin osatzen da, higiezinaren eraginkortasun energetikoaren ziurtagiriarekin batera.

EIT araudi autonomikoak arautzen du, eta 50 urtetik gorako etxebizitza guztiek zein katalogatutako gainontzekoek egin behar dute, erabilera edozein dela ere. Udalek finkatuko dute aurkezteko epea, eta gero Eusko Jaurlaritzari bidaliko diote.

Intereseko esteka: https://www.euskadi.eus/acceso-portal-inspeccion-tecnica-edificios/web01-a2etxebi/es/