Mugiamurriok urrian ekingo die berriro bizimodu osasungarria sustatzeko jarduerei

Urriko lehen astean, Amurriok berriro jarriko ditu abian jarduera fisikorako eta osasunerako “Bizi Zaitez Bizi” eta “Vida Activa para la salud 55+” programen bitartez Mugiamurriotik bultzatutako jarduerak. Parte hartu nahi duten guztiek bizi-proiektu osasungarri honekin bat egin dezaten aldi berria ireki da. Bi programa horiekin batera, Kultur Etxean orientazio-zerbitzua ematen jarraituko da ostegunetan, aldez aurretik hitzordua eskatuta, 16:00etatik 18:00etara, eta ostiraletan, 11:00etatik 13:00etara, interesdunek aholkularitza jaso ahal dezaten.

“Bizi Zaitez Bizi” programa ostegunetan izango da (urriaren 6an hasiko da) Nagusi Etxean, eta bi talde izango ditu, 10:30ean eta 12:00etan. Programa horren helburua Amurrioko adinekoen ongizatea, bizi-kalitatea eta garapen pertsonala sustatzea da. Saioetan, modu aktiboan eta gogobetegarrian zahartzeko moduari buruzko ezagutzak transmitituko dira, bizimodu aktibo eta osasungarriak sustatuko dira, eta jarduera funtzionala konpentsatzeko eta funtzionamendu emozionala, motibaziozkoa eta soziala hobetzeko estrategiak irakatsi eta entrenatuko dira.

Bestalde, “Vida Activa para la salud 55+” programa asteazkenetan egingo da (urriaren 5ean hasiko da) Refor-en, eta 3 talde izango ditu, 9:30ean, 10:30ean eta 11:30ean. Jarduera horren bitartez, zahartze aktiboa eta osasungarria sustatu nahi da udalerriko 55 urtetik gorako biztanleen artean, ohitura osasungarriak irakatsiz eta entrenatuz, jarduera fisikoa, besteak beste. Jarduera funtzionala konpentsatzeko estrategiak landuko dira, baita bizi-estilo aktibo eta osasungarria lortzeko motibazio-funtzionamendua hobetzeko estrategiak ere.

Programan parte hartu nahi dutenek Mugiamurrioko bulegoan, Kultur Etxeko lehen solairuan, izena eman ahal izango dute, ostegunetan 16:00etatik 18:00etara eta ostiraletan 11:00etatik 13:00etara, edo telefonoz, 619411732 telefono-zenbakira deituta.

Ibilaldi osasungarriak

Urrian 6 ibilaldi osasungarri egingo dira ibiltzeko ohitura hobetu nahi dutenentzat. Ibilaldiak errazak izango dira eta erritmo moderatuan egingo dira. Irteerak 11:30ean izango dira egunero udalerriko puntu batetik:

  • Urriaren 3an Goikolarratik.
  • Urriaren 10ean, Lexarraga plazatik.
  • Urriaren 17an, anbulatorio zaharretik.
  • Urriaren 24an, Abiagabarri plazatik.
  • Azaroaren 3an, Juan de Urrutia plazatik.

Orientazio zerbitzua

Orientazio zerbitzua Mugiamurrioko funtsezko pieza da, eta Kultur Etxean egiten jarraitzen da ostegunetan, 16:00etatik 18:00etara, eta ostiraletan, 11:00etatik 13:00etara, interesa duten pertsonek aholkularitza jaso dezaten. Orientazio-zerbitzura joateko, aldez aurretik hitzordua hartu beharko da 619411732 telefono-zenbakira deituz edo  Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera idatziz.

Amurrioko Udalak skatepark bat diseinatzeko proiektua esleitu du

Amurrioko Udalak beste pauso bat eman du herriko gazteei zuzendutako aisialdirako azpiegitura berri bat izateko. Bowl motako skatepark bat diseinatzeko proiektua Soulparks enpresari esleitu zaio, ondoren gauzatzeko.

Amurrioko Udalak 50.000 euroko partida gorde du instalazio berri hori egiteko. Bowl erako skatepark bat eraikitzeak, batez ere gazteen artean eskaera handia duen aisialdi-espazio bat sortzea dakar.

Azpiegitura berria udalerriak Abiaga kalean duen skate-pistaren ondoan egongo da, eta hainbat formatako eta altueratako kaxoi ugari izango ditu, eta baita arrapalak, eskailerak eta jaisteko barra bat ere.

 

Amurrioko udako igerilekuak ekainaren 15etik irailaren 15era irekiko dira

Amurrioko udal igerilekuak ekainaren 15ean, asteazkenean, irekiko dira eta irailaren 15era, ostegunera, arte egongo dira zabalik. Covid-19aren pandemiak eragindako bi urteko murrizketen ondoren, aurten ez da mugarik egongo eta instalazio guztiak erabili ahal izango dira. Aurten abonatutako pertsonen eguneraketa egingo da eta, beraz, beharrezkoa izango da interesa duten pertsona guztiek izen-emate berria egitea.

Aire zabaleko udako igerilekuen denboraldia ekainaren 15ean hasiko da Amurrion eta irailaren 15era arte iraungo du. Hau izango da ordutegia: astelehenetik igandera, 10:30etik 20:30era ekainean eta irailean, eta 10:30etik 21:00etara uztailean eta abuztuan.

Uda honetan, abonatutako pertsonen eguneraketa egingo da programa informatiko berri batean sartzeko, eta, beraz, abonatu zaharrek zein berriek beste inskripzio bat egin beharko dute udal-igerilekuetan, helbideratzeak ez baitira pasatuko. Abonatuen altak egiteko udal igerilekuen harrera hilaren 6, 7, 8, 9, 10, 13 eta 14an egongo da irekita, 10:00etatik 13:00etara.

Bestalde, Bañueta Kiroldegian 2022ko urtarrilaren 31 baino lehen abonatutako pertsonek, ondoren baja hartu ez badute, doan sartu ahal izango dira udal-igerilekuetara.

Informazioa behar duten pertsona guztiek 945390668 zenbakira deitu beharko dute, edo, bestela, helbide elektroniko honetara idatzi: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Matrikula doan ekainean

Ekainean, Bañueta Kiroldegiak doako matrikula kanpaina egingo du udan instalazioak erabili nahi dituzten guztientzat. Horretarako, interesdunek gutxienez hiru hilabetez egon beharko dute abonatuta, ekainetik abuztura, eta hilabete horiengatik ordainketa bakarra egingo dute ekainean.

Gainera, uztailean udako kanpaina egingo da, eta, bertan, besteak beste, haurrentzako igeriketa, multikirolak eta aquazumba jarduerak eskainiko dira.

Amurrioko Udako Udal Igerilekuak ekainaren 19an irekiko dira

  • Joan den udan bezala, segurtasun-distantziak gordetzeko neurriak hartu eta instalazioko higiene-neurriak zorroztu egingo dira.
  •  Udako igerilekuetarako abonuak, altak, bajak eta horien aldaketak igerilekuetan bertan egingo dira, 10:00etatik 13:30era, ekainaren 9, 10, 11, 14 eta 15ean; abonu horiek ekainaren 15ean bertan kobratuko dira; aurten, eguneko sarrerak erosteko aukera ere egongo da.

 Amurrioko udal-igerilekuak ekainaren 19an, larunbatean, irekiko dira, irailaren 12ra, igandera, arte, Eusko Jaurlaritzako Osasun Sailak ezarritako neurriak betez. Iazko udan egin zen bezala, erabiltzaileen segurtasuna indartu egingo da segurtasun-distantziak gordez eta instalazioko higiene-neurriak zorroztu egingo dira.

Amurrioko udal-igerilekuetan agintariek ezarritako jarraibideak betetzeko hartutako neurriak iazkoen antzekoak izango dira. Horien artean edukierari dagokiona dago, % 50ekoa izatea aurreikusten da, hau da, 1.000 laguneko edukiera gaindituz gero, normalean lortzen ez den zifra, instalaziora sartzeko beharrezkoa izango da, barrutik jendeak irtetea.

Instalazioak dituen 7.000 m²ko berdeguneak hainbat lurzatitan banatuta egongo dira, horietako bakoitza dagokion edukierarekin markatuta eta mugatuta, eta horri esker erabiltzaileen arteko 1,5 metroko distantzia gorde ahal izango da. Gainera, egun osoan zehar, pertsona bat, distantziak gordetzen direla kontrolatzeaz eta segurtasun-neurriak gogoratzeaz arduratuko da.

 Eremu komunak garbitzea eta desinfektatzea

Uda honetan ere higiene- eta desinfekzio-neurriak indartu egingo dira. Eremu komunetan garbitasuna areagotuko da, batez ere gehien ukitzen diren elementuetan, heldulekuetan, barandetan edo eserlekuetan, eta komunetan, besteak beste. Gainera, erabilerari dagozkion gomendioak jasotzen dituzten kartelak jarriko dira. Ezingo dira aldagelak, dutxak eta armairuak erabili.

Igerilekuetako uraren kontrola ere zorrotza izango da, uraren kalitatea kontrolatzeko ohiko analisiak areagotu egingo dira eta ura eguneko 24 orduetan iragaziko da eta birzirkulatzen egongo da.

 Aldez aurreko hitzordurik gabe sartzea

Igerilekuetara joateko ez da beharrezkoa izango aurretik hitzordua izatea. Ohiko sarbidearekin jarraituko da, baina edozein objektu fisikorekin kontakturik ez izateko, ateak kendu egin dira eta hurbiltasun-txartel baten bidez sartuko da. Horrela, kontaktua hutsera murriztuko da. Gainera, sarreran tenperatura kontrolatuko da eta desinfektatzailea duten banagailuak egongo dira.

 Abonatuen kanpaina eta banakako sarrerak

Abonuak, altak, bajak eta horien aldaketak udal igerilekuetan bertan egin ahal izango dira ekainaren 9, 10, 11, 14 eta 15ean, 10:00etatik 13:30era. Ekainaren 15ean kobratuko dira eta 12 egun egongo dira itzulketak egiteko. 2021eko urtarriletik Bañueta kiroldegiko bazkide direnek dohainik izango dute instalazioetarako sarrera. Aurtengo berrikuntzarik nagusia, iazko udarekin alderatuta, egunero txartelak erosteko aukera egongo dela da, eta horietarako hainbat prezio aurreikusten dira:

 

Lanegunak

Larunbatak, igandeak eta jaiegunak

18 urtetik gorakoak

3,5€

6€

14-17 urte bitartekoak

2,5€

4€

6-13 urte bitartekoak

2€

3€

65 urtetik gorakoak eta aniztasun funtzionala duten pertsonak

1€

2,5€

 

 

 

Amurriok amaitu ditu Abiaga kalean skatepark-a eraikitzeko lanak

Amurriok Abiaga kaleko skate gunea osatzen duen aisialdirako azpiegitura berria du. Bowl motako skatepark berriak diziplina berri batez gozatzeko aukera emango die kirol horren zaleei.

Azpiegitura berria Abiaga kalean lehendik dagoen skate-pistaren ondoan dago, eta hainbat forma eta altuerako kaxoiak ditu, baita arrapalak, eskailerak eta jaisteko barra bat ere.

Inaugurazioa

Bowl motako skatepark bat eraikitzea, gazteek batez ere asko erabiltzen duten aisialdirako gunea sortzeko eskaeratik etorri da. Hori dela eta, maiatzaren 21ean azpiegitura berriaren inaugurazioa egingo da 16:00etatik aurrera, eta bertan egongo dira Teresa Fernandez eta Sergio Layos, BMXko munduko txapeldunak, Danny Leon, olinpiadetan parte hartu duen skaterra eta, azkenik, Ian Ponciano skater bermeotarra. Gainera, emanaldia Ruben Alvarez speakerrak gidatuko du.

 

Amurrio Trail Taldeak 2021eko Urrezko Guk Saria jasoko du bihar

  • Saria banatzeko gala 19:00etan hasiko da, Amurrio Antzokian. Bertara joateko gonbidapena beharko da, eta egunean bertan eskuratu ahal izango da antzokiko leihatilan, edukiera bete arte.

Amurrio Trail Taldeak 2021eko Urrezko Guk saria jasoko du bihar. Gala 19:00etan hasiko da, Amurrio Antzokian. Urtarrilean adostasunez erabaki zen saria trail taldeari ematea; izan ere, kirol-arloan egiten duten guztiaz gain, lan solidario handia ere egiten dute. Bereziki aipatzekoa da konfinamenduan zehar egin zuten lan paregabea, laguntzarako sare solidarioa sustatu baitzuten.

Kirol-arloan, Amurrio Trail Taldeak 8 urte baino gehiago daramatza Amurrio Trail Lasterketa antolatzen. Urtero, batez besteko 400 pertsonak ematen dute izena proba horretan, eta ezagun bihurtu da euskal txapelketen artean. Batzuetan, probak Euskal Herriko trail txapelketetarako puntuak ere eman izan ditu.

Iaz, Euskal Mendizaletasunaren Gala antolatzeaz arduratu ziren, zeinetan Euskal Herri mailako kirolari garrantzitsuenak saritzen baitira. Ekitaldi hori, beste asko bezala, ezin izan zen egin, Covid-19ak eragindako konfinamenduaren ondorioz.

Espiritu solidarioa

  1. urte zail honetan, eta zehazki konfinamendu-aldian, taldea oso modu aktiboan aritu zen lanean, eta sare solidario bat osatu zuten, Amurrioko herritar askorentzat oso lagungarria izan zena. Ekimen horren bidez, elikagaiak eta beharrezko beste izangai batzuk eraman zizkieten egoera okerrenean zeuden pertsonei. Horrez gain, arratsaldeko 20:00etan, gazteak eta helduak animatzen zituzten kalejira batekin.

Aurtengo Gabonak ere ezohikoak izan dira, eta hor ere Olentzeroren laguntzaile leial bihurtu dira. Hain zuzen, mendi-irteera bat antolatu dute, ikazkinaren kartoizko irudiarekin argazki bat ateratzeko eta Amurrioko haurren gutunak bertan uzteko.

 

Alabaina, Amurrio Trail Taldearen espiritu solidarioa ez da oraingo kontua. Duela lau urtetik antolatzen dute Babio mendirako igoera, eta duela bi urtetik Babio Non Stop proba. Bi ekimen solidario horiek Gabonetan egiten dira, eta garrantzi handikoak dira herritarrentzat. Babio Non Stop probarekin biltzen den dirua elkarte bati ematen zaio eta, gainera, Montes Solidarios elkartearen laguntzarekin –zeinarekin askotan aritzen baitira lankidetzan–, haurrak eta adinekoak Babio mendira igotzen dituzte abenduaren 24an, Olentzerorekin egon daitezen.

Cookien politika

Webgune honek bere cookieak eta hirugarrenenak erabiltzen ditu esperientzia eta zerbitzu hobea eskaintzeko. Nabigatzean edo gure zerbitzuak erabiltzean, onartu cookien erabilera. Hala ere, cookieak sortzea eta ezabatzea eragozteko aukera duzu, zure nabigatzailean dagokion aukera aukeratuta. Zure nabigatzailean cookie-en erabilera blokeatuz gero, litekeena da webguneko zerbitzu edo funtzionalitate batzuk eskuragarri ez egotea.