berriak

• Joan den udan bezala, segurtasun-distantziak gordetzeko neurriak hartu eta instalazioko higiene-neurriak zorroztu egingo dira.
•  Udako igerilekuetarako abonuak, altak, bajak eta horien aldaketak igerilekuetan bertan egingo dira, 10:00etatik 13:30era, ekainaren 9, 10, 11, 14 eta 15ean; abonu horiek ekainaren 15ean bertan kobratuko dira; aurten, eguneko sarrerak erosteko aukera ere egongo da.

 Amurrioko udal-igerilekuak ekainaren 19an, larunbatean, irekiko dira, irailaren 12ra, igandera, arte, Eusko Jaurlaritzako Osasun Sailak ezarritako neurriak betez. Iazko udan egin zen bezala, erabiltzaileen segurtasuna indartu egingo da segurtasun-distantziak gordez eta instalazioko higiene-neurriak zorroztu egingo dira.

Amurrioko udal-igerilekuetan agintariek ezarritako jarraibideak betetzeko hartutako neurriak iazkoen antzekoak izango dira. Horien artean edukierari dagokiona dago, % 50ekoa izatea aurreikusten da, hau da, 1.000 laguneko edukiera gaindituz gero, normalean lortzen ez den zifra, instalaziora sartzeko beharrezkoa izango da, barrutik jendeak irtetea.

Instalazioak dituen 7.000 m²ko berdeguneak hainbat lurzatitan banatuta egongo dira, horietako bakoitza dagokion edukierarekin markatuta eta mugatuta, eta horri esker erabiltzaileen arteko 1,5 metroko distantzia gorde ahal izango da. Gainera, egun osoan zehar, pertsona bat, distantziak gordetzen direla kontrolatzeaz eta segurtasun-neurriak gogoratzeaz arduratuko da.

 Eremu komunak garbitzea eta desinfektatzea

Uda honetan ere higiene- eta desinfekzio-neurriak indartu egingo dira. Eremu komunetan garbitasuna areagotuko da, batez ere gehien ukitzen diren elementuetan, heldulekuetan, barandetan edo eserlekuetan, eta komunetan, besteak beste. Gainera, erabilerari dagozkion gomendioak jasotzen dituzten kartelak jarriko dira. Ezingo dira aldagelak, dutxak eta armairuak erabili.

Igerilekuetako uraren kontrola ere zorrotza izango da, uraren kalitatea kontrolatzeko ohiko analisiak areagotu egingo dira eta ura eguneko 24 orduetan iragaziko da eta birzirkulatzen egongo da.

 Aldez aurreko hitzordurik gabe sartzea

Igerilekuetara joateko ez da beharrezkoa izango aurretik hitzordua izatea. Ohiko sarbidearekin jarraituko da, baina edozein objektu fisikorekin kontakturik ez izateko, ateak kendu egin dira eta hurbiltasun-txartel baten bidez sartuko da. Horrela, kontaktua hutsera murriztuko da. Gainera, sarreran tenperatura kontrolatuko da eta desinfektatzailea duten banagailuak egongo dira.

 Abonatuen kanpaina eta banakako sarrerak

Abonuak, altak, bajak eta horien aldaketak udal igerilekuetan bertan egin ahal izango dira ekainaren 9, 10, 11, 14 eta 15ean, 10:00etatik 13:30era. Ekainaren 15ean kobratuko dira eta 12 egun egongo dira itzulketak egiteko. 2021eko urtarriletik Bañueta kiroldegiko bazkide direnek dohainik izango dute instalazioetarako sarrera. Aurtengo berrikuntzarik nagusia, iazko udarekin alderatuta, egunero txartelak erosteko aukera egongo dela da, eta horietarako hainbat prezio aurreikusten dira:

• Gaur egun abonatuta daudenei eta alta berriei % 25eko deskontua egingo zaie hileko kuotan; gainera, alta berriek ez dute matrikula ordaindu beharko.
• Kanpaina sei hilabetez luzatuko da, otsailetik uztailera, eta bat egiteko epea otsailaren 28ra arte luzatuko da.

Amurrioko Bañueta kiroldegiak abonatuak fidelizatzeko eta erakartzeko kanpaina abiarazi du, hileko kuoten prezioan % 25eko deskontua aplikatuz. Gainera, alta berriek ez dute matrikula ordaindu beharko. Kanpaina sei hilabetez luzatuko da, otsailetik uztailera, eta bat egiteko epea otsailaren 28ra arte luzatuko da.

Kanpaina gaur egun kiroldegiko abonatu direnei eta alta berriei zuzenduta dago. Azken horiek matrikula ordaintzetik salbuetsita ere egongo dira, baina sei hilabeteko iraupenerako konpromisoa izango dute. Hileko kuotek % 25eko deskontua izango dute, bai Amurrion erroldatutako pertsonentzat, bai erroldatu gabeentzat. Dagoeneko Bañueta kiroldegian abonatuta daudenei izapiderik egin gabe aplikatuko zaie deskontua.

Kanpainarekin bat egiteko epea otsailaren 28an amaituko da. Kuoten ordainagiriak banku-helbideratze bitartez pasatuko dira hilero, hileko lehen astean.

• Saria banatzeko gala 19:00etan hasiko da, Amurrio Antzokian. Bertara joateko gonbidapena beharko da, eta egunean bertan eskuratu ahal izango da antzokiko leihatilan, edukiera bete arte.

Amurrio Trail Taldeak 2021eko Urrezko Guk saria jasoko du bihar. Gala 19:00etan hasiko da, Amurrio Antzokian. Urtarrilean adostasunez erabaki zen saria trail taldeari ematea; izan ere, kirol-arloan egiten duten guztiaz gain, lan solidario handia ere egiten dute. Bereziki aipatzekoa da konfinamenduan zehar egin zuten lan paregabea, laguntzarako sare solidarioa sustatu baitzuten.

Kirol-arloan, Amurrio Trail Taldeak 8 urte baino gehiago daramatza Amurrio Trail Lasterketa antolatzen. Urtero, batez besteko 400 pertsonak ematen dute izena proba horretan, eta ezagun bihurtu da euskal txapelketen artean. Batzuetan, probak Euskal Herriko trail txapelketetarako puntuak ere eman izan ditu.

Iaz, Euskal Mendizaletasunaren Gala antolatzeaz arduratu ziren, zeinetan Euskal Herri mailako kirolari garrantzitsuenak saritzen baitira. Ekitaldi hori, beste asko bezala, ezin izan zen egin, Covid-19ak eragindako konfinamenduaren ondorioz.

Espiritu solidarioa

2020. urte zail honetan, eta zehazki konfinamendu-aldian, taldea oso modu aktiboan aritu zen lanean, eta sare solidario bat osatu zuten, Amurrioko herritar askorentzat oso lagungarria izan zena. Ekimen horren bidez, elikagaiak eta beharrezko beste izangai batzuk eraman zizkieten egoera okerrenean zeuden pertsonei. Horrez gain, arratsaldeko 20:00etan, gazteak eta helduak animatzen zituzten kalejira batekin.

Aurtengo Gabonak ere ezohikoak izan dira, eta hor ere Olentzeroren laguntzaile leial bihurtu dira. Hain zuzen, mendi-irteera bat antolatu dute, ikazkinaren kartoizko irudiarekin argazki bat ateratzeko eta Amurrioko haurren gutunak bertan uzteko.

Alabaina, Amurrio Trail Taldearen espiritu solidarioa ez da oraingo kontua. Duela lau urtetik antolatzen dute Babio mendirako igoera, eta duela bi urtetik Babio Non Stop proba. Bi ekimen solidario horiek Gabonetan egiten dira, eta garrantzi handikoak dira herritarrentzat. Babio Non Stop probarekin biltzen den dirua elkarte bati ematen zaio eta, gainera, Montes Solidarios elkartearen laguntzarekin –zeinarekin askotan aritzen baitira lankidetzan–, haurrak eta adinekoak Babio mendira igotzen dituzte abenduaren 24an, Olentzerorekin egon daitezen.

• “Bizi Zaitez Bizi” eta “55+ Bizitza Aktiboa Osasunerako” programetan izena emateko epea astelehenean hasi eta otsailaren 26an amaituko da; izena emateko 619411732 telefonora deitu edo ostegunetan 16:00etatik 18:00etara eta ostiraletan 10:30etik 12:30era Kultur Etxean dagoen Mugiamurrioren bulegora joan beharko da.
• Programek beren taldeak egokitu dituzte indarrean dagoen araudia betetzeko, eta orientazio-zerbitzuak normaltasunez jarraitzen du.

Mugiamurrioko “Bizi Zaitez Bizi” eta “55+ Bizitza Aktiboa Osasunerako” programetan izena emateko epea astelehenean irekiko da. Martxoko lehen astean hasi eta ekainaren erdialdean bukatuko diren bi programek jarduera fisikoa eta osasuna sustatzea dute helburu. Orientazio-zerbitzua Kultur Etxean ematen jarraituko da ostegunetan, 16:00etatik 18:00etara, eta ostiraletan, 11:00etatik 13:00etara, interesdunek aholkularitza jaso dezaten.

Mugiamurrio ekimenaren helburua udalerri aktiboa lortzea da. Horregatik “azaroan, Covid-19ak sortutako egoera eta erakundeek hartutako neurriak zirela eta, bertako zerbitzu batzuk egokitu behar izan ziren. Ohiko jardueren artean txango osasuntsuak bertan behera utzi behar izan ziren, eta osasun egoerak aukera ematen duen bezain laster ekingo zaie berriro”, azaldu du Txerra Molinuevo Amurrioko alkateak.

Jarduera fisikorako eta osasunerako programak

“Bizi Zaitez Bizi” saioa astelehenetan egingo da Nagusi Etxean eta 3 talde izango dira, 9:30ean, 10:30ean eta 11:30ean. Programa honen helburua Amurrioko adinekoen ongizatea, bizi-kalitatea eta garapen pertsonala sustatzea da. Saioetan zahartze aktiboari eta egokiari buruzko oinarrizko ezagutzak transmitituko dira, bizimodu aktiboa eta osasungarria sustatuko da eta jarduera funtzionala orekatzeko eta funtzionamendu emozionala, motibazionala eta soziala optimizatzeko estrategiak irakatsi eta entrenatuko dira.

Bestalde, “55+ Bizitza Aktiboa Osasunerako” programa asteazkenetan gauzatuko da, Reforren, eta 3 talde izango ditu, 9:30ean, 10:30ean eta 11:30ean. Jarduera honen bitartez, udalerriko 55 urtetik gorako biztanleen zahartze aktiboa eta osasungarria sustatu nahi da, ohitura osasungarriak irakastearen eta trebatzearen bidez, jarduera fisikoa, besteak beste. Jarduera funtzionala konpentsatzeko estrategiak eta motibaziozko funtzionamendua optimizatzeko estrategiak landuko dira, bizimodu aktiboa eta osasungarria lortzeko.

Izen-emateak

Bi programetarako izen-ematea otsailaren 15etik, astelehenetik, 26ra bitartean egin ahal izango da Mugiamurrioren bulegoan, Kultur Etxeko lehen solairuan, ostegunetan 16:00etatik 18:00etara, eta ostiraletan 10:30etik 12:30era. 619411732 telefono-zenbakira deituta ere eman ahal izango da izena.

Dauden plazak baino eskari handiagoa badago, irizpide hauek erabiliko dira parte-hartzaileak hautatzeko: lehenik, Jarduera Fisikorako Orientazio Zerbitzutik (SOAF) bideratutako pertsonak; ondoren, orain arte programen aurreko edizioetan parte hartu ez duten pertsonak, eta, azkenik, programen aurreko edizioetan parte hartu dutenak.

Orientazio-zerbitzua

Orientazio zerbitzuak Mugiamurrioren funtsezko pieza izaten jarraitzen du, eta normaltasunez egiten da Kultur Etxean, ostegunetan 16:00etatik 18:00etara, eta ostiraletan 11:00etatik 13:00etara, interesdunek aholkularitza jaso ahal izan dezaten. Orientazio zerbitzura joateko aldez aurretik hitzordua eskatu beharko da 619411732 telefono-zenbakira deituz edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera idatziz.

• Kirol-instalazioak eskaintza handitu du, bakoitzak 3 hilabeteko iraupena izango du 12 jarduerarekin.
• Izen-ematea martxoaren 3tik 10era bitartean egongo da zabalik, eta kiroldegian bertan egin ahal izango da.

Bañueta kiroldegia martxoaren 15etik aurrera hasiko da taldeko kirol jardueren eskaintzarekin, COVID-19aren ondorioz indarrean dagoen araudia betez. Izen-ematea asteazken honetan hasiko da, martxoaren 3an, eta martxoaren 10era arte iraungo du.

Bañuetak, kirol eskaintza 12 jarduerarekin zabalduz hasi du martxoa: Aquagym, Haur Igeriketa, Zumba, HIIT, Tonifikazioa, Mantentze gimnasia, Bizkarrekoa eta Progresiboa, Hipopresiboak, Pilates, Yoga, Spinning eta Nordic Walk. Eskainitako jarduera bakoitzak 3 hilabete iraungo ditu.

Martxoa erdialdean hasiko dira jarduerak, eta gutxieneko parte hartzaile kopuru bat beharko dute, gauzatu ahal izateko. Aldez aurretik izena eman beharko da, martxoaren 3tik 10era bitartean, kiroldegian bertan, astelehenetik larunbatera 9:00etatik 13:30era, astelehenetik ostiralera 16:00etatik 20:00etara eta larunbatetan 16:00etatik 19:30era.

Igerilekua, muskulazio eta jarduketa kardiobaskularreko gelak

Bestalde, Bañueta kiroldegiak martxan jarraitzen du urtarriletik igerilekuarekin eta muskulazio eta jarduketa kardiobaskularreko gelekin. Espazio horietara guztietara joan ahal izateko aldez aurretik erreserba egin beharko da.

Igerilekuen erreserba 60 minutukoa izango da gehienez, eta muskulazio eta jarduketa kardiobaskularreko kasuan, 90 minutukoa gehienez hitzordu bakoitzeko. 45 minutu erreserbatu ahal izango dira eremu bakoitzean, edo 90 minutu gune bakar batean. Egun berean, igerilekura eta muskulazio gelara edo igerilekura eta jarduketa kardiobaskularreko gelara joateko erreserba ere egin ahal izango da.

Osasun-murrizketak direla eta, kirol-instalazioaren edukierak ere aldatu egin dira. Igerileku handia 6 kaletan banatuko da, eta kale bakoitza 2 pertsonak erabili ahal izango dute; igerileku txikiaren kasuan, bi gunetan banatuko da, eta gune bakoitza 2 familia unitatek edo 2 erabiltzailek erabili ahal izango dute. Bestalde, muskulazio gelak gehienez ere 12 pertsonako edukiera izango du txanda bakoitzeko, eta igerilekuko harmailetan egongo den jarduketa kardiobaskularreko gelak ere, gehienez 12 pertsonako edukiera izango du txanda bakoitzeko.

Aurretiko hitzordua

Kiroldegira joateko hitzordua aurrez aurre zein telefonoz har daiteke, 945 393 642 telefono-zenbakira deituta. Erreserbak aste bakoitzaren aurreko ostiraletik aurrera jasoko dira eta gehienez astean 2-3 egunetarako egin ahal izango dira, eskariaren arabera. Txanda bakoitzean, 65 urtetik gorako pertsonentzat, haurdunentzat eta mugikortasun urriko pertsonentzat erreserbatutako plazak egongo dira.

• Saria emateko ekitaldia martxoaren 13an, larunbatean, izango da, Amurrio Antzokian; erakundeek une horretan ezarritako neurriak betez egingo da.

Amurrio Trail Taldeak 2021eko Urrezko Guk saria jasoko du martxoaren 13an, larunbatean, Amurrio Antzokian egingo den ekitaldian, betiere erakundeek hartutako neurriek horretarako aukera ematen badute. Adostasunez aukeratu den trail taldeak, kirol munduan egiten duen lanaz, bere elkartasun-lanarengatik ere jasoko du aintzatespen hori. Bereziki nabarmentzekoa da etxeko konfinamenduan bultzatu zuten laguntza-sare solidarioaren bitartez egin zuten ezinbesteko lana.

Kirol arloan, Amurrio Trail Taldeak 8 urte baino gehiago daramatza batez beste 400 izen-emate jasotzen dituen Amurrio Trail Lasterketa antolatzen. Euskadiko lehiaketen barruan lekua egitea lortu du. Batzuetan Euskal Herriko trail txapelketetarako baliozkoa izan da.

Iaz, Euskal Herri mailan nabarmentzen diren kirolariak saritzen dituen euskal mendizaletasunaren gala antolatzeko arduradunak izan ziren. Ekitaldi hori, beste asko bezala, ezin izan zen egin, Covid-19ak eragindako konfinamenduaren ondorioz.

Espiritu solidarioa

2020. urte zail horretan, konfinamenduan zehar, oso talde aktiboa izan ziren, Amurrioko herritar askorentzat oso lagungarria izan zen sare solidarioa bultzatuz. Ekimen horren bitartez, elikagaiak eta beharrezko guztia eraman zizkieten egoera okerrenean zeudenei. Horrekin batera, arratsaldeetan, 20:00etan, kalejira batekin gazteak eta adinekoak animatzen zituzten.

Ezohiko Gabon jai hauetan ere Olentzeroren laguntzaile leialak izan dira, eta mendira igotzea bultzatu dute, ikazkinaren kartoizko irudiarekin argazkia ateratzeko eta Amurrioko umeek nahi zutena jasotzen zuen karta bertan uzteko.

Amurrio Trail Taldearen espiritu solidarioak ibilbide luzeagoa izan du denboran zehar. Lau urte daramatzate Babioko igoera, eta bi urte Babio Non Stop izenekoa antolatzen, Gabonetan herritarrek gorriz markatuta dituzten bi hitzordu solidario. Babio Non Stop ekimenarekin bildutakoa elkarte batera bideratzen da, eta, gainera, sarritan eurekin elkarlanean aritzen den Mendi solidarioak elkartearekin batera, abenduaren 24an umeak eta adinekoak Babio mendira igotzen dituzte. Olentzero han egoten da, euren zain.