berriak

Amurrioko merkataritza egitasmoaren barruan, sei hilabeterik behin berritzen dugu euskararen mapa izenez ezagutzen dena. Mapa honek berebiziko garrantzia du, herrian dauden establezimendu eta persona euskaldunen identifikazioa ahalbidetzen duelako. Mapak bi alde ditu: batetik, establezimendu euskaldunen planoa sektoreka eta koloretan berezituta euskararen ezagutza mailaren arabera. Bestetik, Amurrioko merkatari/ostalari eta empresa zerbitzuetako langile euskaldunen mosaikoa. Uztailean eguneratu den honetan 49 argazki eta 99 establezimendu topatuko dituzue, eta helburua da urtetik urtera establezimenduen zein pertsona euskaldunen kopurua handiagotuz joatea.

Udal webgunean eskuragarri nahi duenarentzat: https://labur.eus/YZMOA

Larunbat honetan hasiko da Amurrioko Udalak eta AHIZEk bultzatutako “Eskatu euskaraz eta saria irabazi” kanpaina, Amurrioko denda, zerbitzu-enpresa eta tabernetan euskararen erabilera sustatzeko helburuarekin. Kanpainak maiatzaren 29ra arte iraungo du.

Aurten 28 parte-hartzaile batu dira ekimenera, iaz baino 3 gehiago, eta ehun sari baino gehiago banatuko dira establezimenduetako bezeroei emango zaizkien 3.357 txartelen artean. Parte hartzea oso erraza da, txartelak kanpainarekin bat egin duten establezimenduetan euskara erabiltzen duten bezeroen artean banatuko dira.

Txartel batzuek zuzeneko sariak izango dituzte, beherapenak edo opariak, baina saririk jaso ez dutenek 300 euroko bonu baten zozketan parte hartzeko aukera izango dute, euskara planean parte hartzen duten saltokietan gastatzeko. Txarteletan saritutako ‘Irabazi euskararekin’ poltsak Kultur Etxean jaso beharko dira astelehenetik ostiralera 9:00etatik 13:30era eta 16:00etatik 20:00etara, eta larunbatetan 10:00etatik 14:00etara. Kanpaina maiatzaren 29an amaituko da, eta zozketa hurrengo egunean egingo da.

Establezimendu parte-hartzaileak: Maritierra Ellikagaiak, Arregi Argazkiak, Arkune, Batzokia, Adigrafik, Aiala II logelak, Burutxaga Harategia (Mendiko kalea), Autsiki Albaitaritza Zentroa, Basualdo Kirolak, El Rinconcito, Selene Fruta-denda, Gancedo moda denda, Lur Belar-denda, La Rana Turquesa puerikultura, Lilura haurrentzako moda, Josu Optika, Luyando Optika, Goxoa Okindegia, Otarte Okindegia, Marta Gozotegia, Albizabal Taberna, Guk Taberna, Frontoi Taberna, Txoko Gorri Taberna, Txotis Taberna, Aranoa Zapata-denda eta Amurrioko Udala.

Larunbat honetan Amurrion Euskaraz Bizi Nahi Dut Eguna ospatuko da. Horretarako, kirol-, kultura- eta aisialdi-jarduerak antolatu dira, 10:30ean hasi eta arratsaldera arte luzatuko direnak.
Larunbaterako programazio osoa:

10:30-13:00 Krosfita euskaraz, “Gorobel Crossfit”-en eskutik. Izen ematea kultura etxean eta egunean bertan 10:00-10:30 bitartean.

11:00 Euskaraldiaren photocall-a

10:00-11:00 Ipar martxa, hastapena, herriko plazatik, Izaskun Bengoaren eskutik. Izen ematea kultura etxean.

11:00-13:00 Ipar martxa, herriko plazatik.

11:00-13:30 Kalakaren egurrezko jolasak.

11:30-13:30 Bubble puxika erraldoien barruan ibiltzeko tailerra.

12:00 Txistularien emanaldia, Amurrioko txistuzaleen eskutik.

13:30-15:00 Kantukalejira tabernetatik, KARRAKAN taldearen eskutik.

15:00 Herri bazkaria (marmitakoa, barazki lasaña eta pantxineta). Tiketak 12€, kultura etxean.

16:30-18:30 Kontzertu partehartzailea, GURASOLEKU eta BERBALAGUNen eskutik.

16:30-18:30 Bubble puxika erraldoien barruan ibiltzeko tailerra.

18:30 MALEN ATXAren kontzertua.

Pirritx, Porrotx eta Marimototsek emanaldia eskainiko dute datorren ostiralean, martxoaren 4an, Bañueta Kiroldegian. Emanaldi hori, joan den azaroan egitekoa zen baina bertan behera utzi behar izan zen, osasun-egoera zela eta. Datorren asteko hitzordurako, Amurrioko Udalak bi emanaldi egitea erabaki du, 17:30ean eta 19:30ean, pilaketak saihesteko eta osasun-segurtasuneko irizpide eta protokolo guztiak betetzeko.

Azarorako aurreikusita zegoen emanaldiaren sarrera gordetzen duten pertsonek emanaldiaren egunean aurkeztu beharko dute. Ekitaldira joaterik ez dutenek, berriz, Kultur Etxeko sarreran itzuli ahal izango dute martxoaren 4ra arte, eta ordaindutako dirua berreskuratu.

17:30ean izango den Ikuskizunaren lehen pasera, edo 19:30ean izango den bigarrenera sartzeko ezarritako protokoloa pertsona bakoitzaren sarrera-zenbakiaren araberakoa izango da.

LEHENENGO PASEA (17:30) Zenbaki hauek dituzten sarrerak:

Sarrera zuriak (pistak): 001-650

Sarrera horiak (harmailak): 001-140

Sarrera urdinak (harmailak): 001-120

BIGARREN PASEA (19:30) Zenbaki hauek dituzten sarrerak:

Sarrera zuriak (pistak): 651-1300

Sarrera horiak (harmailak): 141-239

Sarrera urdinak (harmailak): 121-200

Sarreren salmenta

Agintariek ezarritako neurriak malgutu egin direnez, eta horrek azaroan aurreikusitakoa baino edukiera handiagoa ekarriko duenez, sarrera berriak jarriko dira salgai datorren astelehen arratsaldetik, otsailaren 28tik, aurrera, eta Kultur Etxean eskuratu ahal izango dira.

Amurrioko Udalak euskara ikasten lagunduko du aurten ere, urrian eska daitezkeen bi bekaren bidez. Udalak 25.050 euro bideratuko ditu euskara ikasteko edo aisialdiko begirale edo zuzendari titulua euskaraz eskuratzeko. Eskaerak Herritarrentzako Arreta Zerbitzuan aurkeztu beharko dira urriaren 31 baino lehen.

Beka deialdi horren helburua Amurrioko bizilagunen artean euskara sustatzea da. 2021-2022 ikasturtean 23.000 euroko partida duen hizkuntza ikasteagatiko bekaren kasuan, ordaindutako matrikularen % 75erainoko diru-laguntza emango da. Eskatzaileek 16 urtetik gorakoak izan eta Amurrion erroldatuta egon beharko dute. Gainera, gutxienez %80ko asistentzia egiaztatu beharko dute HABEk homologatutako zentro batek emandako ziurtagiriaren bidez.

Aisialdiko begirale edo zuzendari titulua euskaraz ikasteko bekaren kasuan, 2.050 euroko partida bideratuko da, eta ordaindutako matrikularen eta egonaldi-gastuen % 50 lagunduko da diruz.

Eskatzaileek Amurrion erroldatuta egon beharko dute, eta ikastaroa amaituta eta titulua 2022an, urriaren 1a baino lehen, lortuta izan beharko dute. Era berean, ikastaro osoa euskaraz egin beharko da, eta gutxienez 150 ordu jaso beharko dira alde teorikoan. Laguntza eskatzeko, eskabide-orriarekin batera, egindako ordainketaren egiaztagiria eta aisialdi-eskolak emandako bertaratze-ziurtagiria aurkeztu beharko dira.

Attachments:

File	Description	File size	Created
Begirale/Zuzendari ikastaroko beka	Begirale/Zuzendari ikastaroko beka	293 kB	04-10-22 10:26
Euskara beka	Euskara beka	304 kB	04-10-22 10:25

Amurrioko Udalak, urtero bezala, egitarau berezia prestatu du abenduaren 3an Euskararen Eguna ospatzeko. Udala lanean ari da Amurrioko herritarren artean euskararen erabilera sustatzeko asmoz eta, horretarako, hainbat jarduera antolatu dira egun horren inguruan.

Abenduak 2

Grafiti tailerra ikastetxeekin Juan Urrutia plazan. Euria egiten badu, San Antonen egingo da.

10:15-11:00 Mendiko

11:00-11:45 Aresketa

11:45-12:30 Amaurre

12:30-13:15 Zabaleko

13:30 Zaraobe

Abenduak 3, Euskararen Eguna

Literatura-irakurketa Guk pasealekuan. Euria egiten badu, Udalbatza Aretoan egingo da.

10:15-11:00 Mendiko

11:00-11:45 Aresketa

11:45-12:30 Amaurre

12:30-13:15 Zabaleko

13:30 Zaraobe

18:30 Adierazpena kandelen argipean

19:00 Txokolate-jana

“Eskatu euskaraz eta saria irabazi” kanpaina

Amaitu da herriko merkataritzan eta ostalaritzan euskara sustatzeko “Eskatu euskaraz eta saria irabazi” kanpaina. Kanpaina horretan 24 establezimenduk hartu dute parte. Aurtengo edizioko kanpaina oso positibotzat jo dute parte-hartzaileek, kanpainan zehar euskararen erabilera nabarmen igo baita establezimendu gehienetan.

Ekimena gauzatu den aldian, hainbat sari zuzen banatu dira, botilatxoak, poltsak eta deskontu-kupoiak, besteak beste. Gainera, parte-hartzaile guztien artean zozketa bat egin ondoren kanpainako sari nagusia banatu da. Zozketa Sandra Berganek irabazi du eta “Amurrion gehiago irabazi euskararekin” ekimenean parte hartzen duten dendetan gastatzeko 300 euroko bonoa jaso du.