berriak

Berdintasun, Justizia eta Gizarte Politiketako Sailak sustatu eta Matia Fundazioak abian jarritako Euskadi Lagunkoia ekimenaren kuboa Amurriora iritsi da.

Udalerriko alkate Txerra Molinuevok adierazi duen bezala, “Amurrio 2016an atxiki zitzaion Euskadi Lagunkoiari, eta ordutik etengabe egin dugu bidea elkarrekin. Gure konpromisoa sendotu dugu udalerri atseginagoa, eskuragarriagoa eta pertsonen beharretara egokituagoa lortzeko. Gainera, adinekoen parte-hartzea sustatu da, Amurrioko Adinekoen Kontseilua sortuz. Kontseiluak aktiboki egiten du lan udalerriaren alde eta udalerriarentzat.”

Euskadi Lagunkoiaren helburua adinekoen eta, oro har, herritarren parte-hartzea sustatzea da, euskal auzoak, herriak eta udalerriak hobetzeko hainbat arlotan, hala nola garraioan, etxebizitzan, gizarte- eta osasun-zerbitzuetan, eraikinetan edo aire zabaleko espazioetan.

Kuboa inguratzen duen alfonbra plastikoak, halaber, QR kode bat du, bisitariei web orri monografiko bat (https://euskadilagunkoia.net/10urte/index-es.html) helarazten diena. Kode horretan zehaztasun handiagoz jasotzen dira Euskadi Lagunkoiari buruzko informazio guztia, haren ezaugarri definitzaileak eta lehen hamar urteetako lorpenak.

Urte berria hastearekin batera, Amurriok berriro ekingo die Mugiamurriotik bultzatutako jarduerei, ariketa fisikorako eta osasunerako “Bizi Zaitez Bizi” eta “Osasunerako Bizitza Aktiboa 55+” programen bitartez. Dagoeneko hasi dira, baina oraindik leku libreak dituzte. Bestalde, orientazio-zerbitzua ostegunetan egiten jarraitzen da, aldez aurretik hitzordua eskatuta, 16:00etatik 18:00etara, eta ostiraletan, 11:00etatik 13:00etara, interesdunek aholkularitza jaso ahal izan dezaten.

“Bizi Zaitez Bizi” programa ostegunetan izango da Nagusi Etxean, eta 3 talde izango ditu, 9:30ean, 10:30ean eta 11:30ean. Programa horren helburua Amurrioko adinekoen ongizatea, bizi-kalitatea eta garapen pertsonala sustatzea da. Saioetan, modu aktiboan eta gogobetetzailean zahartzeko moduari buruzko oinarrizko ezagutzak transmitituko dira, bizimodu aktibo eta osasungarriak sustatuko dira, eta jarduera funtzionala konpentsatzeko eta funtzionamendu emozionala, motibaziozkoa eta soziala optimizatzeko estrategiak irakatsi eta entrenatuko dira.

Bestalde, “Osasunerako Bizitza Aktiboa 55+” programa astearteetan egingo da Reforren, eta horrek ere 3 talde izango ditu, 9:30ean, 10:30ean eta 11:30ean. Jarduera horren bidez, zahartze aktiboa eta osasungarria sustatu nahi da 55 urtetik gorako udalerriko biztanleen artean, ohitura osasungarriak irakatsiz eta entrenatuz, jarduera fisikoa, besteak beste. Jarduera funtzionala konpentsatzeko estrategiak landuko dira, baita bizi-estilo aktibo eta osasungarria lortzeko motibazio-funtzionamendua optimizatzeko estrategiak ere.

Programetan parte hartu nahi dutenek Mugiamurrioko bulegoan eman ahal izango dute izena, Kultur Etxeko lehen solairuan, ostegunetan 17:00etatik 18:00etara eta ostiraletan 10:30etik 11:30era, eta baita 619411732 telefono zenbakira deituta ere.

Orientazio-zerbitzua

Orientazio zerbitzua, Mugiamurrioko funtsezko pieza, Kultur Etxean egiten jarraitzen da ostegunetan, 16:00etatik 18:00etara, eta ostiraletan, 11:00etatik 13:00etara, interesa duten pertsonek aholkularitza jaso dezaten. Orientazio-zerbitzura joateko, aldez aurretik hitzordua hartu beharko da 619411732 telefono zenbakira deituz edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera idatziz.

Amurriok maiatzaren 4an jarri zituen martxan berriro ere Mugiamurriotik bultzatutako jarduerak, ariketa fisikorako eta osasunerako “Bizi Zaitez Bizi” eta “Osasunerako Bizitza Aktiboa 55+” programen bitartez. Aldi berria ireki da, parte hartu nahi duten pertsona guztiek bizi-proiektu osasungarri honekin bat egin dezaten. Bi programa horiekin batera, Kultur Etxean orientazio-zerbitzua ematen jarraituko da, aldez aurretik hitzordua eskatuta, ostegunetan 16:00etatik 18:00etara, eta ostiraletan, 11:00etatik 13:00etara, interesdunek aholkularitza jaso ahal izan dezaten.

“Bizi Zaitez Bizi” programa asteazkenetan izango da Nagusi Etxean, eta 3 talde izango ditu, 9:30ean, 10:30ean eta 11:30ean. Programa horren helburua Amurrioko adinekoen ongizatea, bizi-kalitatea eta garapen pertsonala sustatzea da. Saioetan, modu aktiboan eta gogobetetzailean zahartzeko moduari buruzko oinarrizko ezagutzak transmitituko dira, bizimodu aktibo eta osasungarriak sustatuko dira, eta jarduera funtzionala konpentsatzeko eta funtzionamendu emozionala, motibaziozkoa eta soziala optimizatzeko estrategiak irakatsi eta entrenatuko dira.

Bestalde, “Osasunerako Bizitza Aktiboa 55+” programa ostegunetan egingo da Reforren, eta horrek ere 3 talde izango ditu, 9:30ean, 10:30ean eta 11:30ean. Jarduera horren bidez, zahartze aktiboa eta osasungarria sustatu nahi da 55 urtetik gorako udalerriko biztanleen artean, ohitura osasungarriak irakatsiz eta entrenatuz, jarduera fisikoa, besteak beste. Jarduera funtzionala konpentsatzeko estrategiak landuko dira, baita bizi-estilo aktibo eta osasungarria lortzeko motibazio-funtzionamendua optimizatzeko estrategiak ere.

Programetan parte hartu nahi dutenek Mugiamurrioko bulegoan eman ahal izango dute izena, Kultur Etxeko lehen solairuan, ostegunetan 16:00etatik 18:00etara eta ostiraletan 11:00etatik 13:00etara, eta baita 619411732 telefono zenbakira deituta ere.

Orientazio-zerbitzua

Orientazio zerbitzua, Mugiamurrioko funtsezko pieza, Kultur Etxean egiten jarraituko da ostegunetan, 16:00etatik 18:00etara, eta ostiraletan, 11:00etatik 13:00etara, interesa duten pertsonek aholkularitza jaso dezaten. Orientazio-zerbitzura joateko, aldez aurretik hitzordua hartu beharko da 619411732 telefono zenbakira deituz edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera idatziz.

• Aldez aurreko hitzorduak modu telematikoan eskatzen ikasteko aholkularitza da, eta baita Zoom edo Skype, besteak beste, erabiltzeko oinarrizko ezagutzak emateko ere.
• Aholkularitza Adinekoen Kontseiluak Nagusi Etxean duen bulegoan emango da, maiatzeko astelehen guztietan.

Amurrioko Udalak ekimen bat jarri du abian, udalerriko adinekoen artean gailu elektronikoen erabilera errazteko, hainbat kudeaketa egiteko eta zenbait aplikazio, Zoom edo Skype besteak beste, erabiltzeko. Aholkularitza herrilaguntzaileen bitartez emango da maiatzeko astelehenetan Nagusi Etxean.

Adinekoentzako aholkularitza, Osakidetzarekin (erizaina edo medikua) aldez aurretik hitzorduak eskatzeko, txertaketarako, Gizarte Segurantzarekin harremanetan jartzeko, errenta-aitorpenerako edo Lanbiderekin aritzeko laguntza ematera egongo da zuzenduta. Gainera, interesa duten pertsonentzat, Zoom, Skype edo Facetime bezalako aplikazioak erabiltzeko oinarrizko kontzeptuak ere azalduko dira.

Ekimenak “aipatutako gestioak zelan egin azaldu nahi die, eta egiten dituzten bitartean beraiekin egon. Aholkularitza hori behar duen pertsona bakoitzak bere gailu mugikorrean edo tabletean egingo du, eta hori ezinezkoa balitz, herrilaguntzaileak berak egingo luke Nagusi Etxeko ordenagailuan”, azaldu du Txerra Molinuevo Amurrioko alkateak.

Aholkularitza zerbitzua maiatzeko astelehen guztietan emango da, Adinekoen Kontseiluaren bulegoan. 10, 17 eta 24an 16:00etatik 18:00etara izango da, eta maiatzaren 31n 11:00etatik 13:00etara. Ez da aldez aurretik hitzordurik eskatu beharko, nahikoa izango da ezarritako ordutegian Nagusi Etxera joatea. Ekimen horri buruzko informazio gehiago nahi izanez gero, jarri harremanetan Amurrioko Udaleko herritarren partaidetzarako sailarekin, 945891161 telefono-zenbakira deituta.

Amurrioko Udalak eta adinekoen kontseilu sektorialak, merkatari txiki eta ertainen Izan Amurrio elkartearekin lankidetzan, “Establezimendu Lagunkoia” programa abian jartzeko lehenengo urratsa eman zuten joan den astean. Hezkuntza-kanpaina horrek, saltokiei, ostalaritzari eta zerbitzu pertsonalei adineko bezeroak erakartzen laguntzeko jardunbideak eskaintzen ditu.

Guztira, merkataritza, zerbitzu pertsonal eta ostalaritza alorretako udalerriko 19 establezimenduk hartu zuten parte joan den ostegunean Nagusin egindako prestakuntza-jardunaldian. Jardunaldi horri esker, udalerria adinekoentzat lagunkoiagoa izan dadin gauzatu beharreko jardunbideak ezagutu ahal izan zituzten parte-hartzaileek.

Prestakuntzak, besteak beste, pertsona guztiei, eta batez ere adinekoei, kalitatezko zerbitzua emateko jarraibideak eta gomendioak erakutsi zituen, hainbat arlotan izan ditzaketen beharrizanak konpentsatzeko, hala nola mugikortasun, ikusmen eta entzumen gutxiago izatea eta narriadura kognitiboak.

“Ekimen horren helburu nagusia establezimenduak bezeroentzat lagunkoiagoak izatea da, eta emandako jardunbideei esker, adinekoen beharretara egokitu ahal izango dira, euren bizitza euren ohiko ingurunean eta ahalik eta modu autonomoenean gauzatzen jarrai dezaten”, azaldu du Txerra Molinuevo Amurrioko alkateak.

Ostegunean egindako bilkuran, datozen asteetan euren lokaletan ikusi ahal izango den “Lagunkoiak gara” zigilua dagoeneko duten establezimendu hauek hartu zuten parte: Calzados Urrutia, Instalaciones Castro, Artomaña Txakolina, Karisma, Robledos, La Norteñita, Izamara ileapaindegia, hermanos Otegui arrandegia, Garoa, Sera ileapaindegia, Batzoki, Atxubi, Cola de Gallo, Frontón Taberna, Nagusi, Guk, Hostal Ayala eta Arkune. Gainera, aurrez aurreko jardunaldira joaterik izan ez zuten beste establezimendu batzuek online prestakuntza egingo dute.

“Lagunkoiak gara”

“Establezimendu Lagunkoiak” ekimena Euskadi Lagunkoiatik sortu da; izan ere, gaur egun, Euskadin 10 pertsonatik 2 65 urtetik gorakoak dira, eta 2029an, 10etik 3 izango dira. Gainera, adineko pertsona horiek hurbileko saltoki txikietan ibiltzen dira, eta zerbitzu ona fideltasunaz eta leialtasunaz saritzen dute; beraz, arreta pertsonalizatua eskatzen duen eta konfiantzazko harremana bilatzen duen kolektiboa da.

• Herritarrek eskura dituzten baliabideei eta zerbitzuei buruzko informazio erabilgarria biltzen duen dokumentua amurrioarren etxeetan banatzen ari da.
• Gida Amurrioko Adinekoen Kontseiluarekin elkarlanean egin da.

Amurrioko Udalak “Adinekoentzako baliabide, zerbitzu eta ekipamendu gida” bidali du udalerriko bizilagun guztien etxeetara. Bertan, aipatutako baliabide eta ekipamenduei buruzko beharrezko informazioa jartzen da herritarren esku. Gida honek informazio erabilgarria du, eta Amurrioko adinekoen bizitza duina, promozioa eta erabateko garapena lortzea du helburu.

Gidan modu errazean azaltzen dira herritarren eskura dauden baliabideak eta zerbitzuak, pertsonei arreta emateko zerbitzuak, kirol-zerbitzuak, kultura- eta aisia-zerbitzuak eta larrialdi- eta osasun-zerbitzuak, besteak beste. Bertan, zerbitzu horien guztien helbideak, telefono-zenbakiak, ordutegiak eta informazio praktikoa ematen dira.

 “Amurrioko Adinekoen Kontseiluak egindako hausnarketaren barruan sortu zen gida hau egiteko ideia. Bertan ikusi zenez, beharrezkoa zen informazio mota hori ematea udal-baliabideak oraindik eskuratu ez dituztenei eta, baliabide horien bidez, beren bizi-kalitatea eta familiena hobetu dezaketenik ez dakitenei”, azaldu du Txerra Molinuevo Amurrioko alkateak.

Gida, Amurrioko Adinekoen Kontseiluarekin elkarlanean egin da. Kontseiluak, informazio-premiei buruzko ikuspegia eman, eta nabarmendu beharreko baliabideak eta ekipamenduak kontrastatu ditu, baita horiek aurkezteko modua ere.