Abian dira jarduera fisikoa eta osasuna sustatzeko Mugiamurrioren programak

Urte berria hastearekin batera, Amurriok berriro ekingo die Mugiamurriotik bultzatutako jarduerei, ariketa fisikorako eta osasunerako “Bizi Zaitez Bizi” eta “Osasunerako Bizitza Aktiboa 55+” programen bitartez. Dagoeneko hasi dira, baina oraindik leku libreak dituzte. Bestalde, orientazio-zerbitzua ostegunetan egiten jarraitzen da, aldez aurretik hitzordua eskatuta, 16:00etatik 18:00etara, eta ostiraletan, 11:00etatik 13:00etara, interesdunek aholkularitza jaso ahal izan dezaten.

“Bizi Zaitez Bizi” programa ostegunetan izango da Nagusi Etxean, eta 3 talde izango ditu, 9:30ean, 10:30ean eta 11:30ean. Programa horren helburua Amurrioko adinekoen ongizatea, bizi-kalitatea eta garapen pertsonala sustatzea da. Saioetan, modu aktiboan eta gogobetetzailean zahartzeko moduari buruzko oinarrizko ezagutzak transmitituko dira, bizimodu aktibo eta osasungarriak sustatuko dira, eta jarduera funtzionala konpentsatzeko eta funtzionamendu emozionala, motibaziozkoa eta soziala optimizatzeko estrategiak irakatsi eta entrenatuko dira.

Bestalde, “Osasunerako Bizitza Aktiboa 55+” programa astearteetan egingo da Reforren, eta horrek ere 3 talde izango ditu, 9:30ean, 10:30ean eta 11:30ean. Jarduera horren bidez, zahartze aktiboa eta osasungarria sustatu nahi da 55 urtetik gorako udalerriko biztanleen artean, ohitura osasungarriak irakatsiz eta entrenatuz, jarduera fisikoa, besteak beste. Jarduera funtzionala konpentsatzeko estrategiak landuko dira, baita bizi-estilo aktibo eta osasungarria lortzeko motibazio-funtzionamendua optimizatzeko estrategiak ere.

Programetan parte hartu nahi dutenek Mugiamurrioko bulegoan eman ahal izango dute izena, Kultur Etxeko lehen solairuan, ostegunetan 17:00etatik 18:00etara eta ostiraletan 10:30etik 11:30era, eta baita 619411732 telefono zenbakira deituta ere.

Orientazio-zerbitzua

Orientazio zerbitzua, Mugiamurrioko funtsezko pieza, Kultur Etxean egiten jarraitzen da ostegunetan, 16:00etatik 18:00etara, eta ostiraletan, 11:00etatik 13:00etara, interesa duten pertsonek aholkularitza jaso dezaten. Orientazio-zerbitzura joateko, aldez aurretik hitzordua hartu beharko da 619411732 telefono zenbakira deituz edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera idatziz.

2018ko eta 2019ko lan-eskaintza publikoetako lanpostuen deialdiaren oinarriak

Deialdia arautzen duten iragarkia eta oinarri orokorrak eta espezifikoak ALHAOn argitaratu ondoren, horren laburpen bat argitaratu beharko da Estatuko Aldizkari Ofizialean, eta horrek zehaztuko du eskabideak aurkezteko epearen hasiera. BOEn argitaratu ondoren, prozesuaren instantzia espezifiko bat igoko da Amurrioko Udalaren webgunera.

Joan den abenduaren 29an ALHAOn argitaratu ziren Amurrioko Udaleko funtzionarioen eskala eta azpieskaletara sartzeko hautaproben deialdi desberdinak arautzen dituzten oinarri orokorrak eta espezifikoak. Argitalpen hau honako lanpostu hauek betetzeko prozesuaren deialdia da:

Administrari laguntzaileen 3 plaza, Administrazio Orokorreko eskalakoak, Laguntzaile azpieskala, C2 taldea, txanda librean (bi sarbide orokorrean eta beste bat desgaitasuna duten pertsonei erreserbatuta)

Ofizioen ofizial plaza bat, igeltseroa, Administrazio Bereziko eskalakoa, Zerbitzu Bereziko eskala, C2 taldea, txanda librean.

Gizarte langile plaza bat, Administrazio Bereziko eskalakoa, Azpieskala Teknikoa, A2 taldea, txanda librean.

Udaltzain lehenaren plaza bat, Administrazio Bereziko eskalakoa, Zerbitzu Bereziko eskala, C1 taldea, barne sustapena.

Administrari plaza bat, Administrazio Orokorra eskalakoa, Administrazio azpieskala, C1 taldea, barne sustapena.

 

Amurrioko Udalak oinezkoentzako ibilbideak egokitu ditu San Roken, Zabalibarren eta San Josen

Amurrioko Udalak oinezkoentzako hiru ibilbide egokituko ditu San Roken, Zabalibarren eta San Josen, oinezkoen irisgarritasun eta segurtasun baldintzak hobetzeko asmoz. Lanak hilabete batez luzatuko dira eta 26.810 euroko inbertsioa eskatuko dute.

Auzoetako batzarretan eskatutako jarduketa horiek, herritarrentzat 1.000 metro inguruko ibilbidea oinez ibiltzeko egokitzea dakarte. Zehazki, San Jose auzoan, duela gutxi amaitu diren galtzada asfaltatzeko obrak egin ondoren, 2 metroko zabalera izango duen oinezkoentzako 185 metroko ibilbidea seinaleztatuko da. Ibilgailuentzako erreia 5 metrokoa izango da, eta Arenalde kalean noranzko bikoitza kentzea ekarriko du, noranzko bakarrekoa bihurtuz, Laudio/Bilborako noranzkoan.

San Rokeri eta Zabalibarri dagokienez, aurretik dauden lerroak fresatuko dira eta, ondoren, oinezkoentzako ibilbidearen seinale horizontalak jarriko dira. San Rokeren kasuan, 530 metro luze eta 1,5 metro zabal izango da, eta Zabalibarren, 270 metro luze eta 2 metro zabal. Era berean, seinale bertikal berriak jarriko dira, eta, besteak beste, oinezkoen pasabideak edo gelditzeko lerroak margotuko dira.

Jarduketak gauzatzeko lanak hilabete honen amaieran hasiko dira eta hilabete inguru iraungo dute, eguraldiaren baldintzen arabera.

Amurriok ‘Bizitza basoetan’ erakusketa hartuko du urtarrilaren 23ra arte La Casonan

Ostiraletik aurrera, Amurrioko La Casonan Muskerrak ingurumen elkarteak antolatutako ‘Bizitza Basoetan’ lehiaketan saritutako argazkien erakusketa izango da ikusgai. Erakusketaren gaia animaliak, landareak, onddoak eta horiek gure basoetan dituzten portaerak dira, eta urtarrilaren 23ra arte ikusi ahal izango da.

‘Bizitza Basoetan’ ekimena Muskerrak ingurumen elkarteak jarri du martxan, Eboluzioari buruzko Europako Elkartearekin eta Amurrioko Udalarekin elkarlanean, baso naturalek eta haien kontserbazioak tokiko biodibertsitaterako duten garrantzia ezagutarazteko.

Erakusketak bost egileren argazkiak erakutsiko ditu: Xabier Ramos, Gustavo Abascal, Oier Virizuela, Enrique Arberas eta Maider Iglesias-Carrasco. Erakusketa asteartetik ostiralera 10:00etatik 14:00etara eta 17:00etatik 19:00etara eta larunbat eta igandeetan 10:00etatik 14:00etara bisitatu ahal izango da.

 

Hasi dira ludoteka egokitzeko lanak

Aste honetan hasi dira Dionisio Aldama kaleko 1 zenbakiko lokala ludoteka gisa egokitzeko lanak. Obrek 5 hilabete inguru iraungo dute, eta 163.749 euroko inbertsioa egingo da.

Gune horretarako diseinatutako proiektuak jasotzen duenez, ludoteka berriak banaketa fisikorik gabeko espazioa izango du, jolasteko 3 gunerekin, eta, gainera, komunak eta aldagelak egongo diren gune zentrala izango du. Amurrioko ludoteka berria udaberrirako egongo da prest, 171,15 m2-ko azalera izango du eta Dionisio Aldama kaleko 1. zenbakian dagoen lokalean egongo da.

Proiektuak aisialdirako gune berria emango die udalerriko haurrei, eta hainbat jolas-jarduera egiteko aukera emango du. Ludotekaren proiekzioa Amurrioko herritarrek 2019ko Amurriokoekin aurrekontu parte-hartzaileen programan aukeratutako ekintzetako bat izan zen.

148 obra aurkeztu dira Gabonetako pintura lehiaketara

Aiur Esteban, Naroa Dueñas eta Lucía González dira Amurrioko 2021eko Gabonetako Pintura Lehiaketako kategoria bakoitzeko hiru irabazleak. Guztira 148 lan aurkeztu dira eta abenduaren 28tik urtarrilaren 7ra arte egongo dira ikusgai La Casonan, asteartetik ostiralera 10:00etatik 14:00etara eta 17:00etatik 19:00etara eta larunbat, igande eta jaiegunetan 10:00etatik 14:00etara.

6 urtera arteko kategoria:

1.- Aiur Esteban Ayala (4 años) “Gabonak”.

2.- Martina Domingues Abascal (6 años) “Gabonak”.

3.- Naroa Muguruza Santorum (6 años) “Elurrezko panpina”.

 

7 eta 10 urte bitarteko kategoria:

1.- Naroa Dueñas (10 años) “Elurra espazioan”

2.- Itsasne Basaldua (9 urte)

3.- Lucas Luna Gutiérrez (8 años)

 

11 eta 14 urte bitarteko kategoria:

1.- Lucía González (12 años)

2.- Haizea Teruelo Fernández (14 años)

3.- Maider Udaeta Martín (14 años) “Maridomingi Herri-laguntzailea