Amurrio Bidean-ek urteko azken hiruhilekoan emango diren sei prestakuntza-ekintza berri antolatu ditu

Amurrio Bidean-ek, Amurrioko Udaleko Tokiko Garapen Agentziak, hainbat tailer eta prestakuntza-ekintza diseinatu ditu, bai trebetasunak hobetu edo ezagutza berriak eskuratu nahi dituzten eta lanean dauden pertsonentzat, bai langabeentzat, lan-merkatuan sartzen laguntzeko.

Aurreikusitako prestakuntza-ekintzetatik hiru on-line emango dira, eta gainerako ikastaroak aurrez aurrekoak izango dira, osasun-agintariek ezarritako segurtasun-protokoloa betez. Programatutako prestakuntza-ekintzen artean, HAZILAN eta Okupatu: Presta zaitez enplegurako izeneko programak egongo dira.

HAZILAN

HAZILAN, enplegua aurkitzeko gaitasunak garatzeko ikastaroa da. Parte hartzeko baldintzak, 20 eta 44 urte bitartean edukitzea eta Goi-mailako edo unibertsitateko ikasketak izatea dira. Programa urriaren 4tik abenduaren 3ra bitartean gauzatuko da, 130 prestakuntza-ordurekin, eta, ondoren, urtarriletik apirilera bitartean, praktikak egingo dira. Aurkezpen eguna irailaren 27a izango da.

Excel Aurreratua: Negozio-adimen tresnak

Prestakuntza-ikastaro honen bidez, excell tresnen ezagutzan eta erabileran sakondu nahi da, datuak aztertzeko. Online formatuan egingo da, urriaren 5etik 27ra. 

Salmenta-prozesua eta bere teknikak. Tresna digitalak erabiliz

Covid-19ak bultzatu duen eta gero eta garrantzi handiagoa lortzen ari den fenomenoetako bat tresna digitalen hazkundea izan da. Horretarako, ikastaro honen helburua ingurune digital berrira egokitutako ezagutzak, tresnak eta esperientzia praktikoak eskaintzea da, bertaratzen diren pertsonei salmenta-prozesuari segurtasun eta eraginkortasun handiagoz aurre egiten laguntzeko. Ikastaroa urriaren 19tik 28ra bitartean izango da, online formatuan.

Kudeaketarako aplikazio informatikoak: Contaplus eta Nominaplus

Ikastaro honekin, parte-hartzaileek enpresetan administrazio-kudeaketako funtzio ohikoenak, hala nola kontabilitatea, nominak eta gizarte-aseguruak, eraginkortasunez betetzeko ezagutzak eskuratuko dituzte. Ikastaroa azaroaren 2tik 22ra izango da, aurrez aurre.

Nola dinamizatu online bilera eraginkorrak

Online bilerak prestatzen ikasteko ikastaro hau online formatuan egingo da azaroaren 2tik 17ra. Bertan, online bilerak prestatzen ikasiko da, elkarreragina sustatzeko dituzten berezitasunak kontuan hartuta, emankorrak izan daitezen.

Okupatu: Presta zaitez enplegurako

Azaroaren 23tik 26ra bitartean egingo den Okupatu programaren helburua eraikuntza- eta motibazio-espazio bat sortzea da, pertsonen gaitasun pertsonalak eta profesionalak eskuratzeko, enplegua bilatzen laguntzeko.

Plazak mugatuak dira eta, beraz, aldez aurretik eman behar da izena, irailaren 1ean hasita. Parte hartu edo informazio gehiago nahi dutenek Amurrio Bidean-ekin jar daitezke harremanetan, 945891721 telefono-zenbakian edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbide elektronikoan.

Prestakuntza-ekintza horiek Arabako Foru Aldundiak diruz laguntzen ditu Aiarako Kuadrillaren bidez, Hazilan programa izan ezik. Programa horren % 50 FSEk laguntzen du diruz, eta 2014-2020 aldirako EAEko Programa Operatiboaren barruan dago.

Attachments:
FileDescriptionFile size
Download this file (Euskera PROGRAMA 1..pdf)ProgramaPrograma3742 kB

Amurrioko Udal Dantza Eskolak campus bat antolatu du irailaren 13tik 24ra

Uda ostean helduko den ikasturtearen hasiera berritasunez beteta etorriko da Amurrioko Udal Dantza Eskolan. Lehena, ‘Sartu dantzaren munduan’ campusaren antolaketa izan da, irailaren 13tik 24ra, eta bertan dantzaren inguruko hainbat jarduera egingo dira.

Campusaren antolakuntzak Udal Dantza Eskolaren ateak irekiko dizkie herritarrei, bere jarduera ezagutzera emateko eta dantzarekiko interesa modu atsegin eta dibertigarrian pizteko. “Dantzak erakartzen dituen arren inoiz klaserik jaso ez duten 5 eta 18 urte bitarteko ume eta gazteei egindako deia da”, azaldu du Jon Ugarriza eskolako zuzendariak.

Campusean emango diren jardueren artean, ballet, koreografia, coaching, balleteko eta ikuskizunetako jantzi edo familian dantzatzeko teknikak daude. Parte-hartzaileen adinaren araberako lau talde ezarri dira: 5-7 urte bitarteko A taldea, 8-10 urte bitarteko B taldea, 11-13 urte bitarteko C taldea eta 14-18 urte bitarteko D taldea.

Ekimen berri hori bi astetan egingo da, irailaren 13tik 17ra eta irailaren 20tik 24ra, arratsaldez, 17:00etatik 20:15era, taldeen arabera. “Dantzaren munduan murgiltzeko une egokia da hau, izan ere, bi astez, parte-hartzaileek etorkizuneko prestakuntzan lagungarri izango zaizkien alderdi garrantzitsuak ezagutzeko aukera izango dute”, adierazi du Ugarrizak.

Izena irailaren 1etik aurrera eman ahal izango da Amurrioko Kultur Etxean. Matrikularen prezioa 22,12 eurokoa da udalerrian erroldatutako ikasleentzat eta 36,87 eurokoa erroldatu gabeentzat.

Amurrioko Udalak webgune berria eta egoitza elektronikoa estreinatu ditu

Amurrioko Udalak udal webgune berria du https://amurrio.eus/cas . Garai berrietara, gailu berrietara eta herritarren behar berrietara egokitutako gunea, eta, gainera, Yolanda Mosquera amurrioarrak Udaleko Herritarrentzako Arreta Zerbitzu berrituarentzat egindako diseinu grafikoa du. 

Atari digitalaren egitura eta informazioa berrantolatu egin dira, erabiltzaileek informazioa ahalik eta modurik eraginkorrenean eskuratu eta aurkitu ahal izan dezaten. Diseinu berri horrekin, webgunera sartzean, udalaren edukira, udal jardueren agendara edo turismo atalera sartu nahi dugun aukeratu ahal izango dugu. Gainera, udaleko sare sozialetara ere zuzenean sartu ahal izango da.

Atariaren berregituratzea nahiko moldakorra da, guztientzat atsegina izan dadin, denen itxaropenak eta interesak betetzeko. Era berean, garrantzia eman zaio nabigazio-egitura orokorra zehazteari, erabiltzaileei informazio-egituretan askatasunez mugitzea errazteko.

Egoitza elektronikoa

Webgunea berritzearekin batera, Amurrioko Udalak aurrerapauso bat eman du toki-administrazioaren bilakaera teknologikoan, egoitza elektroniko berri, arinago eta errazagoarekin. Egoitza elektroniko berriak zerbitzu guztiak herritarren eskura jarriko ditu, edozein unetan eta edozein lekutatik, urteko 365 egunetan, eguneko 24 orduetan.

Egoitza elektronikoaren bidez, nahi duten pertsona guztiek, modu erraz eta intuitiboan, prozedurak egin ahal izango dituzte toki-administrazioarekin, izapideen kudeaketa, iragarki-oholean sartzea edo ordainketa-pasabidearen bidez zergak ordaintzea, besteak beste. Espedientearen izapidetzearen jarraipena herritarren “Nire karpeta” karpetaren bidez egin ahal izango da, betiere erabiltzaileek identifikazio elektronikorako bitartekoren bat badute, NAN elektronikoa, IZENPE txartela, BAKQ txartela (udalean bertan ematen da eta erkidegoko hainbat administraziotan kudeaketak egiteko aukera ematen du), besteak beste.

“Webgune berri bat sortzea eta egoitza elektronikoa berritzea, Amurrioko Udalak 'e-Administrazioa' delakoari dagokionez emandako pauso garrantzitsua dira, gardentasuna, zorroztasuna eta kudeaketa ona sustatu nahi baititu, herritarren artean izapidetze elektronikoaren erabilera bultzatzeko”, azaldu du Txerra Molinuevo Amurrioko alkateak.

Bi tresna horien helburua informazioa eskuratzea eta herritarrek Amurrioko Udalarekin egin behar duten edozein kudeaketa izapidetzea da. Amurrioko alkateak azpimarratu duenez, “herritarrei Administraziorako sarbidea ahalbidetu eta erraztu nahi zaie, harremanak etxetik izan ditzaten eta bakoitzaren beharretara egokitutako erantzun eraginkorra, azkarra eta erabakitzailea lor dezaten”.

EIS-SIRera atxikitzea

Azkenik, Amurrioko Udaleko toki-administrazioa EIS-SIR (Erregistroen Interkonexio Sistema) izeneko erregistroen interkonexio-plataformarekin konektatuta dago jada. Plataforma horrek administrazio publikoaren eta herritarraren arteko zerbitzuaren hobekuntza- eta efizientzia-beharrei erantzutea ahalbidetuko du. Atxikitze horrek 'leihatila elektroniko bakarra' dakar, hau da, herritar batek behar duenean, Amurrioko Udalean beste administrazio bati zuzendutako dokumentuak erregistra ditzake, eta honek berehala eta modu telematikoan erregistratuko du hartzailea den administrazioan, aurkeztu duen dokumentazioa herritarrari itzuliz.

EIS-SIR ezartzeak administrazioen arteko paper-zirkulazioa ezabatzea ahalbidetzen du, eraginkortasuna areagotuz eta papera manipulatzeko eta igortzeko kostuak ezabatuz, erregistro-idazpenetan aurkeztutako dokumentazioaren benetako kopia elektronikoak sortuko direlako. Gainera, izapideak arinago egiteko aukera ematen du, erregistroa azkarra delako. Hori egin ahal izateko eskatzen den gauza bakarra eskaera edo dokumentazioa zuzentzen zaion administrazioa ere EIS-SIR sareari atxikita egotea da.

‘Udako kultur tantak-Cultura a pie de calle’ programak kale antzerkia, kontzertuak eta umeentzako jarduerak antolatu ditu abuzturako

Kultur programazio zabal eta anitzaren aldeko apustuak indartsu jarraituko du abuztuan ‘Udako Kultur tantak - Cultura a pie de calle’ programarekin. Programa horren barruan kaleko antzerkia, kontzertuak eta umeentzako jarduerak jasoko dira.

“Ekainean eta uztailean egindako bidea jarraitzen dugu udalerriko bizilagunen artean oso harrera ona izaten ari den ‘Udako Kultur tantak - Cultura a pie de calle’ kultur programazioarekin. Osasun-egoera dela eta, uda honetan ere kalitatezko eta doako programazio askotarikoaren aldeko apustua egin dugu, osasun-protokoloetara egokituta. Orain, inoiz baino garrantzitsuagoa da kultur sektorearen ondoan egotea, laguntzen jarraitzeko eta haien lanaren aldeko apustua egiteko”, adierazi du Txerra Molinuevo Amurrioko alkateak.

Programatutako jarduera guztiak, uneoro osasun-agintariek ezarritako neurriak eta gomendioak errespetatuz gauzatuko dira, eta neurri berriak hartuz gero, aurreikusitako jarduera bakoitza egokitu egingo da. Ikuskizun seguruak betetzeko, jarduera guztiek edukiera jakin bat izango dute, eta bertaratzen den jendeak eserita egon beharko du.

Mendiko Eskolan egingo diren kontzertuen kasuan, parte hartu nahi dutenek gonbidapen bat eskuratu beharko dute, gehienez ere lau sarrera jaso ahal izango dira pertsonako eta, hori egitean, beharrezkoa izango da bertaratzen den pertsonaren izen-abizenak ematea. Amurrion erroldatutako pertsonek abuztuaren 2tik 6ra, 19:00etatik 21:00etara, jaso ahal izango dituzte. Gainerako jende guztiak, turismo-bulegoan jaso ahal izango ditu gonbidapenak, abuztuaren 7an eta 8an 10:00etatik 14:00etara, eta abuztuaren 10etik aurrera, 10:00etatik 14:00etara eta 17:00etatik 19:00etara. Gehienez lau sarrera emango dira pertsonako eta, hori egitean, sarrerak jasotzen dituen pertsonaren izen-abizenak eman beharko dira.

“Kultura bultzatzea eta aisialdiko jarduera seguruak sortzea udako apustuaren erdigunean dago, baina Covid-19ak sortutako pandemia oraindik amaitu ez dela ahaztu gabe. Herritarrok inplikatuta egon behar dugu egoera horren konponbidean; horregatik, dei berezia egiten diet Amurrioko herritarrei, erantzukizunez jokatzeko eta osasun-neurriak betetzeko”, gaineratu du Molinuevok.

 

Abuztuko programazioa

Abuztuak 6: “FUTBOLARIAK ETA PRINTZESAK”, Kale antzerkia. 19:00etan Juan Urrutia plazan.

Abuztuak 7: “LA BELLA TOUR”, Kale antzerkia. 20:00etan, Juan Urrutia plazan.

Abuztuak 11: Umeen jolasak 17:00etatik 21:00etara. Juan Urrutia parkean egurrezko jolasak, xaboi-ponpa eta puzgarrien tailerra eta San Anton plazan kart-zirkuitua eta balan-bike zirkuitua egongo dira.

Abuztuak 12: “DEABRU BELTZAK”. 21:30ean Juan Urrutia parkean.

(Eguraldi txarra zela eta uztaileko programaziotik atzeratutako ikuskizuna)

Abuztuak 13: “AMANECER RANCHERO”, Roberto Urrutia eta bere mariatxien kontzertua. 20:00etan, Juan Urrutia plazan.

“CHIKI LORA” 22:30ean Mendiko Eskolan.

Abuztuak 14: Baserritarren azoka goizean Juan Urrutia plazan.

Umeen herri kirolak 19:00etatik 21:00etara Juan Urrutia plazan.

“ZEA MAYS” 22:30ean Mendiko Eskolan.

Abuztuak 15: Aiara Dantza Taldea, dantza ikuskizuna. 19:00etan Juan Urrutia plazan.

“SKAKEITAN”, 22:30ean, Mendiko Eskolan.

Abuztuak 16: Aiara Dantza Taldea, jota eta aurresku lehiaketa. 12:30ean, Juan Urrutia plazan.

Abuztuak 21: “SIN OJANA”, flamenko zirko txitxarroia, kale antzerkia. 20:00etan, San Anton plazan.

Abuztuak 28: “NUDO”, Rojo Telón konpainia, kale antzerkia. 20:00etan, Juan Urrutia plazan.

Hainbat ordenantza fiskal aldatzeko proposamen teknikoari entzunaldi publikoa

Hainbat ordenantza fiskal aldatzeko proposamen teknikoari entzunaldia emateko eta Administrazio Publikoen Administrazio Prozedura Erkidearen 39/2015 Legearen 133. artikulua Udalaren web-atarian argitaratzen da iragarki hau. Entzunaldia 10 egun baliodunekoa izango da, eta 2021eko abuztuaren 4an hasi eta 19an amaituko da. Hauek dira entzunaldian dauden ordenantzak:

Attachments:
FileDescriptionFile size
Download this file (Borrador anexo 2 de la Ordenanza Fiscal nº 5 recogida de residuos 2021.pdf)7.2 ERANSKINA - HIRI-HONDAKIN SOLIDOAK BILDU, GARRAIATU ETA EZABATZEKO ZERBITZUA7.2 ERANSKINA - HIRI-HONDAKIN SOLIDOAK BILDU, GARRAIATU ETA EZABATZEKO ZERBITZUA41 kB
Download this file (Borrador Anexo 5 de la ordenanza fiscal nº 7 reguladora del Cementerio municipal 2021.pdf)HILETA-ZERBITZUAK EMATEAGATIKO TASA ARAUTZEN DUEN 7. UDAL ORDENANTZA FISKALAREN HILETA-ZERBITZUAK EMATEAGATIKO TASA ARAUTZEN DUEN 7. UDAL ORDENANTZA FISKALAREN 27 kB
Download this file (Borrador ordenanza general nº 1 2021.pdf)1. ORDENANTZA FISKAL OROKORRA, KUDEAKETA, BILKETA ETA IKUSKARITZARI BURUZKOA1. ORDENANTZA FISKAL OROKORRA, KUDEAKETA, BILKETA ETA IKUSKARITZARI BURUZKOA298 kB
Download this file (Borrador ordenanza nº 2 BI 2021.pdf)ONDASUN HIGIEZINEN GAINEKO ZERGA ARAUTZEN DUEN 2. UDAL ORDENANTZA FISKALAONDASUN HIGIEZINEN GAINEKO ZERGA ARAUTZEN DUEN 2. UDAL ORDENANTZA FISKALA347 kB
Download this file (Borrador ordenanza nº 3 IVTM  2021.pdf)TRAKZIO MEKANIKOKO IBILGAILUEN GAINEKO ZERGA ARAUTZEN DUEN 3. UDAL ORDENANTZA FITRAKZIO MEKANIKOKO IBILGAILUEN GAINEKO ZERGA ARAUTZEN DUEN 3. UDAL ORDENANTZA FI110 kB
Download this file (Borrador ordenanza nº 5 IIVTNU 2021.pdf)5. UDAL ORDENANTZA FISKALA, HIRI-LURREN BALIOAREN GEHIKUNTZAREN GAINEKO ZERGA AR5. UDAL ORDENANTZA FISKALA, HIRI-LURREN BALIOAREN GEHIKUNTZAREN GAINEKO ZERGA AR95 kB
Download this file (Borrador ordenanza nº 6 IAE 2021.pdf)6. UDAL ORDENANTZA FISKALA, JARDUERA EKONOMIKOEN GAINEKO ZERGA ARAUTZEN DUENA6. UDAL ORDENANTZA FISKALA, JARDUERA EKONOMIKOEN GAINEKO ZERGA ARAUTZEN DUENA315 kB

Amurrioko Udalak aurrekontua aldatu du proiektu berriak bultzatzeko

  • Aurrekontu orokorra onartzeko osoko bilkuran erabaki zen bezala, aurrekontu-mahai bat sortu da gastu-partiden soberako zenbatekoekin egin beharreko inbertsio berriak erabakitzeko
  • Guztira, aurrekontu orokorraren doikuntza 440.150 eurokoa da.
  • Atzo IV. Euskara Plana eta Amurrioko Hiri Antolamenduko Plan Orokorra onartu ziren, azken hori behin behinekoz

 

Amurrioko Udaleko osoko bilkurak aurrekontu orokorraren 440.150 euroko doikuntza onartu zuen atzo, eta kopuru hori proiektu berriak bultzatzeko eta jada udal arloetan dauden partidak indartzeko erabiliko da.

“Joan den martxoaren 11ko osoko bilkuran, 2021eko aurrekontu orokorra onartu zenean, aurrekontu-mahai bat sortzeko konpromisoa hartu genuen. Mahai horretan, udalean ordezkaritza duten alderdi politiko guztiak egon dira, eta, bertan, beharrezko ekintzak egin ondoren, hainbat arlotan soberakin gisa geratu den diruarekin zer egin aztertu da”, azaldu du Txerra Molinuevo Amurrioko alkateak.

Guztira, 440.150 euro banatuko dira. Ingurumen arloaren kasuan, 104.150 euroko birdoikuntza egingo da arloko partiden barruan. Bestalde, 100.000 euroko kreditu transferentzia egingo da tenis eta padel pistetako lanak batera egiteko. Azkenik, aurrekontu-mahaian egindako ekarpenen ondoren, 236.000 euro hainbat inbertsiotara bideratuko dira, Udaltzaingorako ekipamendu informatikoa hobetzera, Amurrio Antzokirako makineria eta ekipamendu berriak erostera, autobus-geltoki bat sortzera eta eszenatoki bat eta aparkatzeko orube bat eskuratzera, besteak beste. Gainera, gazteen enplegua sustatzeko partida (20.000 euro), sustapen ekonomikoaren arlokoa (30.000 euro) eta herritarren parte-hartzearen arlokoa (18.000 euro) handitu egingo dira.

 

HAPOren behin-behineko onarpena

Atzoko osoko bilkurako beste erabakietako bat Hiri Antolamenduko Plan Orokorraren behin-behineko onarpena izan zen. Udal-plangintzako arau subsidiarioak berrikusteko eta plangintzaren irizpideak eta helburuak onartzeko aurretiazko azterlanekin hasi ziren eta jadanik gauzatuta dauden faseen ondoren, Amurriok Planarekin aurrera egiteari ekin zion, eta herritarrek iradokizunak aurkez zitzaten epea ireki zuen. Prozesu hori amaitu ondoren, 2015ean hasierako onarpena eman zitzaion plan orokorrari, eta gero alegazioak aurkezteko epea ireki zen. Epe hori 2018ko osoko bilkuran ebatzi zen, zegozkion Azterlan Akustikoarekin, Ingurumen Ebaluazio Estrategikoaren dokumentuarekin eta Genero Eraginari buruzko Aurretiazko Txostenarekin batera.

HAPOa gauzatzeko faseetan, herritarrek parte hartzeko prozesu bat onartu zen, eta horretan Udal Plangintzako Aholku Batzordeak ere esku hartu du. Horri esker, gizarteak parte-hartze handia izan du hirigintza-plangintzan, herritarren partaidetzarako, ingurumenerako eta jarduera ekonomikoetarako foroen bitartez.

Atzo behin-behineko onarpena eman ondoren, dokumentua Eusko Jaurlaritzari bidali behar zaio, ingurumen-organoaren bitartez bi hilabeteko epean informazioa eman eta Euskal Autonomia Erkidegoko Lurralde Antolamendurako Batzordeak hiru hilabeteko epean txostena egin dezan. Txosten horien ondoren, Amurrioko Udalak behin betiko onarpena eman ahal izango dio.

 

IV. Euskara Planaren onarpena

Amurrion euskararen erabilera eta ezagutza sustatzeko asmoz, atzo IV. Euskara Plana onartu zen. Dokumentu berri horrek Udaleko sail bakoitzaren diagnostikoa jasotzen du, eta, bertan, euskararen erabilera areagotzeko arlo bakoitzerako hainbat ekintza planteatuko dira.

 Gainera, planak ekintza hauek biltzen ditu, besteak beste: Udal Musika Eskolan, Kiroldegian eta Amurrio Antzokian euskara planak gauzatzea; herritarrei eta udal langileei zuzendutako komunikazio elebiduneko ereduak sortzea; “Hauxe Da” aldizkariko hizkuntzaren erabilera aztertzea; Administrazio- edo udal-kontratuetan hizkuntza-klausulak txertatzea; antzokietako eta jaietako euskarazko eskaintza aztertzea eta areagotzea; elkarteen diru-laguntzetan euskara sustatzeko ekintzak sartzea; Mintzalagun udal-taldea sortzea, euskara, zerbitzu-hizkuntza izateaz gain, lan-hizkuntza bihurtzeko; udal-langileek euskara ezagutzea eta ulertzea erraztea, ikastaroen eta beste baliabide batzuen bidez; euskararekiko motibazio- eta kontzientziazio-saioak antolatzea kirol eta kultur hezitzaile eta entrenatzaileekin; euskarazko zerbitzuak indartzeko kontratuetan hizkuntza-klausulak txertatzea; edo administrazio elektronikoa sozializatzeko euskarazko multimedia-baliabideak sortzea.