berriak

Suizidioa osasun publikoko arazo garrantzitsua da, eta ondorio sozial, emozional eta ekonomiko handiak ditu. Kalkulatzen da gaur egun urtean 700.000 suizidio baino gehiago gertatzen direla mundu osoan, eta horietako bakoitzak askoz pertsona gehiagori eragiten diela.
Irailaren 10a Suizidioa Prebenitzeko Munduko Eguna da. Jardunaldi honen helburua arazoan arreta jartzea, arazoari lotutako estigma murriztea eta erakundeen, gobernuen eta publikoaren artean kontzientzia sortzea da, suizidioaren alternatiba bat dagoela eta gure ekintzen bidez itxaropena sustatu eta prebentzioa indartu dezakegula adieraziz.

Gure ekintzek, eskala gorabehera, itxaropena eman diezaiekete gaizki pasatzen ari direnei. Horregatik, egun honetan San Antongo igogailu panoramikoa hori kolorez argiztatuko dugu.

Amurrioko ludoteka, Amurrioko Udalak, 0-10 urte bitarteko haurrentzat zuzendua dagoen zerbitzu bat da, aisialdira egokitzen den espazioa, integrazioa, kooperazioa, tolerantzia eta aniztasunarekiko errespetua sustatzen den tokia. Amurrioko ludotekaren helburua, haurrei herrian, euskarazko aukera ludiko bat eskaintzea da.

Herriko ludotekak zerbitzu desberdinak eskainiko ditu urritik uztaila arte, hauen artean.

• Ludoteka dinamizatua, 3-10 urte bitarteko haurrentzat zuzendua, zerbitzu honetan, langile espezializatuek ekintza desberdinak bideratuko dituzte, hiruhileko txanda desberdinetan: urritik abendua arte, urtarriletik martxoa arte eta maiatzetik ekaina arte.
• Ludoteka librean, 0-7 urte bitarteko haurrentzat zuzendua, haurrek ludotekan dagoen materiala erabili dezakete heldu arduradun batekin lagunduta, urritik ekaina arte aurrera eramango da, astean zehar, hiru egun desberdinetan.
• Oporretako zerbitzuak, Neguleku, Udabarrileku eta Udaleku.

Izen-ematea irailean irekitzen da

Irailean zehar, izen-emate prozesua irekita mantenduko da Amurrioko Herri ludotekak eskaintzen dituen zerbitzu desberdinetan apuntatzeko.

Ludoteka dinamizatua. Lehenengo txanda (urria-abendua)

Apuntatu ahal izateko, lehendabizi aurretiko izen-ematea ezinbestekoa da, behin plaza lortuta, behin betiko izen-ematea egiten da.

• Aurretiko izen-emate aldia, irailaren 9tik 20a arte
• Aurretiko izen-ematea modu presentzialean ludotekan edo e-mail bidez, umearen izena eta bi abizenak idatziz, Amurrion erroldatua dagoen edo ez, jaiotza data eta telefonoa
• Zozketa (beharrezkoa bada) irailaren 23an
• Behin betiko izen-emate epea, irailaren 24tik 30a arte
• Izen-emate presentziala ludotekan, dagokion inprimakiarekin
• Inprimakiarekin batera, ordainketa justifikantea aurkeztu beharko da, Udaleko kutxan egin daiteke, edo banku-transferentziaren bidez haurraren izena eta abizenak aipatuz
• Aurretiko izen-ematearen ordutegi presentziala
  • Irailaren 9tik 30a arte, 17:00tik 20:00ak arte

Ludoteka librea

• Izen-emate epea: irailean irekiko da eta ikasturte osoan irekita jarraituko du
• Izen-emate presentziala ludotekan, dagokion inprimakiarekin
• Inprimakiarekin batera, ordainketa justifikantea aurkeztu beharko da, Amurrioko Udalean dagoen kutxan egin daitekeena, umearen izen-abizenak adieraziz
• Izen-emate presentzialaren ordutegia
  • Irailaren 9tik 30 arte, 17:00tik 20:00ak arte
  • Urritik ekaina arte, ostegunetan, ostiraletan eta larunbatetan 17:00tik 19:30ak arte

Irailaren 11an, Amurrioko ludotekan, 17:30tan informazio bilera bat egingo da, ordutegiei buruz, ekintzei buruz eta ludotekaren funtzionamenduari buruz informazio gehiago emateko

Attachments:

File	Description	File size	Created
Ludotekako zerbitzuen informazioa		4370 kB	05-09-24 08:16

• Erdi-mailako eta adin-mugarik gabeko heziketa-zikloetako prestakuntza duten pertsonei zuzenduta dago
• Zeharkako konpetentzietan, lana bilatzeko tekniketan eta enpresetan praktikak egiteko formakuntza eskaintzen du. Gainera, Amurrion erroldatutakoentzat praktikak 6 hilabetekoak izango dira eta bekadunak 830€ hilean

Amurrioko Udalak, Amurrio Bideanen bitartez, bere lan programa nagusia jarri du martxan berriro ere: Hazilan, erdi-mailako, goi-mailako eta unibertsitate-mailako heziketa-zikloetako ikasketak dituzten pertsonei (adin-mugarik gabe) lana bilatzen laguntzeko programa, hain zuzen ere.

2016an hasi zen Hazilan, eta, ordutik, urtean edizio bat egin da. Gainera, programa hau Amurrioko Udalaren enplegu-planarekin indartzen da, udalerrian erroldatuta dauden pertsonek egiten dituzten praktikak diruz laguntzen baititu.

Hasieratik 67 lagunek parte hartu dute, eta programa amaitzean %40k enplegu bat zuen. Era berean, pertsona horietako 35-ei 113.700 €-ko bekak esleitu zaizkie.

Hazilan programa malgua izan da bere edizioetan, eta lan-merkatuaren egoera desberdinei erantzuten jakin izan du. Ez dezagun ahaztu denbora-tarte horretan pandemia bat eta langabeziaren paradigmaren aldaketa bat bizi izan direla, tasa altuekin programaren hasieran eta txikiagoekin amaieran. Hori dela eta, edizio batetik bestera, parte-hartzaileen kopurua oso desberdina izan da, 2018ko 14 pertsonetatik 2022ko edizioko 4 pertsonetara, eta zerbitzu oso pertsonalizatua izan da.

Gaur egun, Hazilan+ programa erdi-mailako heziketa-zikloetatik prestakuntza duten pertsonei eta adin-mugarik gabe eskainiko zaie. Hain zuzen ere, lan-merkatuan sartzeko edo berriro sartzeko orduan desabantaila-egoeran egon litezkeen kualifikazio txikieneko eta/edo adin handieneko pertsonei laguntzeko.

Hazilan+ek zeharkako konpetentzietan, lana bilatzeko tekniketan eta enpresetan praktikak egiteko formakuntza eskaintzen du. Gainera, Amurrion erroldatutakoentzat praktikak 6 hilabetekoak izango dira eta bekadunak 830€ hilean. Praktikak egin ahal izateko enpresek ez dute muga geografikorik, nahiz eta Amurrio Bideanen helburua, ahal den neurrian, talentua hurbiltasun geografikoan geratzea den.

Interesdunek honako estekan eman beharko dute izena:

https://amurrio.tganet.net/amurrio_bidean_ikastaroak/amurrio_bidean_ikastaroak.php

Informazio gehiagorako: Amurrio Bidean / 94 589 17 21 (telefonoz edo WhatsAppez) /  Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko..

Hazilan+ programaren % 40 EGFk finantzatzen du, eta Garapenek, garapen agentzien elkarteak, koordinatzen du. Euskadi mailan egiten da, bere lurraldean eskaintzen eta kudeatzen duten agentzien artean.

Guztira 1.304 lagunek, horietatik 772 neskatoak eta 532 mutikoak, erabili dute uda honetan Txoko Laranja, Amurrioko Udal Liburutegiak haurrentzat koordinatutako proiektua.

Horrela, 6 astez (ekainaren bigarren hamabostalditik uztaila amaitu arte) bertaratutakoek udal parkeko etxolan, haur liburutegi zerbitzuaz (liburuak mailegatuz), mahai-jokoez eta maskara, apaindutako pintza eta papiroflexia tailerrez gozatzeko aukera izan dute.

• Eguneratzean sexu-generoen aniztasuna sartu da prozeduran, bai eta sexu-indarkeriaren biktimei laguntzeko foru zentro berria ere: Tximeletak Zentroa.
• Araban honako 4 administrazio-erakundek sinzatzen duten lehen protokoloa da: Udalak, Arabako Foru Aldundiak, Osakidetzak eta Ertzaintzak

 Amurrioko Udalak, Arabako Foru Aldundiarekin, Osakidetzarekin eta Ertzaintzarekin lankidetzan, indarkeria matxistaren aurkako jarduera-protokoloa sortu du, sexu-aniztasun generikoa barne. Araban honako 4 administrazio-erakundek sinzatzen duten lehen protokoloa da: Udalak, Arabako Foru Aldundiak, Osakidetzak eta Ertzaintzak. Izan ere, orain arte, indarkeria matxistari aurre egiten dioten LGTBIQA+ kolektiboko pertsonak (etxekoa, genero barrukoa edo LGTBIQA+fobiak eragindakoa) ez dira behar bezala aztertu. Protokoloak ez-egite hori zuzentzea du helburu, indarkeria matxistaren eraginpean dauden guztiek beharrezko babesa jasoko dutela ziurtatuz.

Protokolo berriak Tximeletak Zentroa ere barne hartzen du, joan den apiriletik Araba osoko emakumeei zerbitzua ematen dien foru baliabide berria, eta lurraldean sexu-indarkeriaren biktimei arreta integrala emateko dagoen lehen zentroa da.

Gaur goizean, dokumentu berri horren xehetasun guztiak azaldu dira, eta protokoloa bera sinatu dute Txerra Molinuevo Amurrioko alkateak, Gorka Urtaran
Gizarte Politiketako foru diputatuak, Jon Guajardo ESI-Barrualde Galdakaoko zuzendari kudeatzaileak eta Alfonso Martínez Sainz Laudioko ertzain-etxeko komisarioak. Aurkezpenean Amurrioko Udaleko Berdintasun zinegotzi Ixone Saratxagak ere hartu du parte.

Azken urteotan, aurrerapen garrantzitsuak ikusi dira, bai gizartean, bai legedian, indarkeria matxistaren aurkako borrokan. Aurrerapen horiek berriki onartu diren zenbait legetan islatu dira; lege horiek zuzenean eragiten diete terminologiari, jarduteko jarraibideei eta esparru horretan esku hartzeko prozedurei. Indarkeria matxistaren aurrean erantzuna hobetzen jarraitzeko, funtsezkoa bihurtu da indarrean dagoen protokoloa berrikustea eta berria sortzea, eta, horrela, esku-hartze eraginkorra eta gizarte-errealitate berrietara egokitua bermatuko da.

Protokolo horren helburu nagusien artean biktimei laguntzen zuzenean inplikatuta dauden erakundeen arteko jarduera eta koordinazioa hobetzea dago. Gainera, ahalegin horretan beste erakunde publiko batzuk eta gizarte zibileko elkarteak integratzearen garrantzia nabarmentzen da, indarkeria matxistaren eragina bizi duten emakumeei, adingabeei eta LGTBIQA+ kolektiboko pertsonei laguntzeko sarea zabaltzeko helburuarekin.

Horrela, Amurrioko Udalak indarkeria matxistaren aurrean erantzun inklusiboagoa eta eraginkorragoa emateko konpromisoa berretsi egiten du, biktima guztien esperientzien eta beharren aniztasuna aitortuz eta helduz.

Attachments:

File	Description	File size	Created
AMURRIOKO II. PROTOKOLOA		3050 kB	05-09-24 11:11

Ingurumen-zarataren arloko arau-esparruak ezartzen duenez, 10.000 biztanletik gorako Euskal Autonomia Erkidegoko udalek zarata-mapa bat egin behar dute, beren lurraldeari eragiten dioten soinu-mailen ebaluazio orokorra egin ahal izateko eta hots-kutsadurari dagokion ekintza-plana onartzeko. Amurrioko udalerriak zaraten mapa estrategiko hori onartu zuen Udalaren osoko bilkuran, 2016ko uztailaren 28ko osoko bilkuran, eta, era berean, Zaraten Ordenantza onartu zen, EAEko hots-kutsadurari buruzko urriaren 16ko 213/2012 Dekretuan ezarritako mugetara jotzeagatik. Dekretu honek adierazten du zarata-mapak eguneratu egingo direla, administrazio eskudunak egokitzat jotzen duen

datan eta aldizkakotasunarekin, baina inola ere ez da gaindituko Ekintza Plan bat onartu eta berrikusi arteko 5 urteko epea, eta, beraz, 2021 eta 2022 urteetan dokumentua eguneratzeko lanean aritu gara. Amurrioko udalerriko zarataren mapa estrategikoaren eguneratzea eta ekintza-plana jendaurrean jarri ondoren, Amurrioko Udalbatzak, 2024ko urtarrilaren 25ean, behin betiko onartu zituen Amurrioko zarataren mapa estrategikoaren eguneratzea eta bere ekintza-plana: https://www.araba.eus/botha/Boletines/2024/022/2024_022_00465_E.pdf

Informazioa https://labur.eus/Ptz9I udal-webgunean kontsultatu ahal izango da, Ingurumena eta Klima Aldaketa atalean.