Amurriok bi tarte egokituko ditu Frontoi kalean eta Aiara etorbidean, hiri-espazio inklusiboak sortuz

Amurrioko Udalak ekintza berritzaile bat proposatu du, Amurrioko espazio publikoak hirigintza taktikoaren bidez biziberritzea ahalbidetzeko. Helburua, herritar guztientzat, modu inklusiboan erabilgarriak izango diren eta hainbat kolektiboren beharrak bete ahal izango dituzten espazio publiko nahikoak eta seguruak sortzea da.

Helburu horiek lortzeko, Projecta Contract enpresari esleitu zaio proiektuaren idazketa, hiri-espazio inklusiboak, zaintzaileak, osasungarriak eta jasangarriak egokitzeko plana sortzeko oinezkoek lehentasuna duten tarteetan, Frontoi kalean, Armurubentatik, eta Aiara etorbideko lehen zatian.

Ekonomia zirkularra sustatuko duten negozio-lerro berriak ezartzeko laguntzak eskatzeko epea ireki da

Amurrioko Udalak diru-laguntzak eskatzeko epea ireki du, udalerrian ekonomia zirkularra, konponketa eta autokonponketa sustatzeko negozio-lerro berriak ezartzeko. Eusko Jaurlaritzak ekonomia zirkularra sustatzeko diruz lagundutako proiektu baten barruko laguntza-lerro bat da hau. Eskabideak Udaleko Herritarrentzako Arreta Zerbitzuan (HAZ) aurkeztu beharko dira, eta epea azaroaren 30ean amaituko da.

Laguntzaren zenbatekoa egindako inbertsioaren % 75era artekoa izan daiteke, eta gehienez 4.000 euro enpresa bakoitzeko. Bestalde, diru-laguntza jasotzen duen erakundeak laneko lerro berrian 1.000 euroko inbertsioa egin beharko du gutxienez.

20.000 euroko aurrekontua duen laguntza-lerro horren bidez, Udalak “udalerriaren garapen sozioekonomikoan eta jasangarrian lagundu nahi du, eta, aldi berean, ekonomia zirkularra, konponketa eta auto-konponketa sustatu nahi dira, negozio-lerro berriak abian jartzeko diru-laguntzaren bidez”, azaldu du Txerra Molinuevo Amurrioko alkateak.

Diru-laguntza eskatzeko baldintzak

  • Laguntza hori eskatzeko, autonomoek, sozietate zibilek edo ondasun-erkidegoek, pertsona juridikoek eta irabazi-asmorik gabeko elkarteek baldintza hauek bete beharko dituzte:
  • Ekonomia zirkularreko, konponketako edo auto-konponketako negozio-lerro berri bat ezarri edo abian jarri beharko dute 2021eko urtarrilaren 1etik 2021eko azaroaren 30era bitartean.
  • EJZn alta emanda egon beharko dute.
  • Gizarte Segurantzarekiko, Arabako Foru Ogasunarekiko eta Amurrioko Udalarekiko betebeharrak egunean izan beharko dituzte.
  • Laguntzaren xede den jarduera Amurrion egin beharko dute, eta egoitza soziala eta fiskala udalerri horretan izan. Jarduerari lotutako establezimendu bat udalerrian duten pertsona fisikoak ere izan daitezke laguntzaren onuradun.
  • Jardueren udal-erregistroan alta emanda egon beharko dute.
  • Gehienez 25 langile (kontratatutako pertsonen eta autonomoen batura) dituzten enpresak izan beharko dute, baldin eta aurretik deskribatutako baldintzaren bat betetzen ez duten enpresetan ehuneko 25 baino gehiagoko partaidetza/lotura ez badute.
Attachments:
FileDescriptionFile size
Download this file (aprobacion convocatoria BOTHA_E.pdf)Laguntzaren inguruko informazioa 142 kB
Download this file (I Eranskina_Eskaera.pdf)Eskaera  69 kB
Download this file (II Eranskina_Enpresa_Informazioa.pdf)Enpresa informazioa  54 kB
Download this file (III Eranskina_Datuen_Alta_Hirugarren_Interesatua.pdf)Hirugarrenei alta ematea 465 kB
Download this file (IV Eranskina_Zinpeko_Aitorpena.pdf)Zinpeko aitorpena 62 kB
Download this file (V Eranskina_Datuak_Egiaztatzea.pdf)Datuen egiaztapena 71 kB
Download this file (VI Eranskina_Dokumentazioa.pdf)dokumnetazioa 57 kB

Amurriok Asteklima ospatuko du, Euskadiko Klimaren eta Energiaren Astea

Amurriok Euskadiko Klimaren eta Energiaren Astea ospatuko du irailaren 24tik urriaren 4ra bitartean. Asteklimaren helburua klima-aldaketaren aurka borrokatzearen garrantziaz kontzientziatzea da eta herritarrak konpromiso batera mugiaraztea. Horretarako, zinema saioak, ipuin kontalariak eta eskola-tailerrak programatu dira astebetez.

Zinema

  • Irailaren 26an, 17:30ean, umeentzako “Bikes: The Movie” filma proiektatuko da, klima-aldaketaren eta munduko kutsaduraren arazoak zuzenean jorratzen dituen animazio eta abenturazko filma.
  • Urriaren 3an, 19:30ean, eta urriaren 4an, 20:00etan, “Aguas oscuras” filma proiektatuko da, produktu kimikoen arrisku kutsatzailearen adibide bat.

Zinema emanaldiak Amurrio Antzokian izango dira eta sarrerak doan leku guztiak bete arte.

Ipuin kontalaria

Irailaren 29an, 18:00etan, “Inguru Minguru. Naturarekin bat” ipuin kontalari musikatu saioa egingo da Amurrio Antzokian. Bertan, biotopo bat zelan sortzen den ikusiko dugu, eta ingurumena zaintzearen garrantzia, birziklapenaren balioa eta klima-aldaketaren aurkako borroka ezagutuko ditugu, Irango, Afrikako eta itsasoko kostaldeko istorioen bitartez. Sarrerak doakoak izango dira leku guztiak bete arte.

Tailerrak ikastetxeetan

Irailaren 27tik urriaren 1era bitartean, klima-aldaketari buruzko hainbat tailer egingo dira udalerriko ikastetxeekin, 2021-2022 ikasturteko lehen ekimen gisa. Eskolako 2030 Agendaren barruan, bigarren urtez jarraian landuko da Garapen Jasangarriko 13. Helburua, Klimaren aldeko ekintza.

Klima-aldaketaren inpaktuen artean, hauek nabarmentzen dira: ekosistemen aldaketa, desertifikaziorako joera, poloetako izotz-masaren urtzea (horrek, aldi berean, itsas mailaren igoera eragiten du, uholdeak eragiten ditu eta kostaldeko itsasertzak mehatxatzen ditu), fenomeno meteorologiko bortitzagoen agerpena, lehorteak, suteak, ozeanoen azidotzea, espezie jakin batzuen desagerpena, ibaiak eta lakuak gainezka egitea, klimaren ondoriozko gero eta errefuxiatuak gehiago eta bizirauteko baliabideak eta baliabide ekonomikoen suntsiketa, garapen-bidean dauden herrialdeetan, batez ere.

Udalak Haurren Elkargunea ekimena jarri du martxan, umeen parte-hartzea sustatzeko

Amurrioko Udalak Haurren Elkargunea ekimena jarri du martxan, herriko umeen parte-hartzea sustatzeko. Euren borondatez parte hartu nahi duten udalerriko 20 umek osatuko dute taldea, eta ikasturtean zehar 9 aldiz bilduko da.

“Ekimen honen bitartez, umeen parte-hartzearen hainbat alderdi landu, eredu horretan prestatu eta haurrak ahaldundu nahi dira, erantzunkidetasunean oinarritutako parte-hartzea sustatuz. Horretarako, udal mailan ahotsa emango zaie”, azaldu du Txerra Molinuevo Amurrioko alkateak.

Elkarguneak umeen interesen eta gaien inguruko proposamenak egingo ditu, komunitatearekin eta Udalarekin lankidetzan. Umeek aukeratuko dituzte landuko diren gaiak, eta askotarikoak izan daitezke, horien artean ingurumena, kultura, espazio publikoa edo inguruan sor daitezkeen beste gai batzuk.

Elkargunea Amurrion bizi eta ikasten duten 20 ume boluntariok osatuko dute. Taldea udalerriko ikastetxe guztietatik datozen Lehen Hezkuntzako 4. eta 5. mailako ikasleek osatuko dute. Ikasturtean zehar 9 aldiz bilduko dira eta saio horietan hausnartu, ikertu eta hainbat gairi buruzko proposamenak egingo dituzte. Udalak, taldeak egindako lana eta proposamenak kontuan hartzeko eta erantzun tekniko eta politikoa emateko konpromisoa hartu du.

Haurren Elkarguneko kideen aukeraketa

Haurren Elkargunearen lehen edizioak 20 umek osatutako boluntarioen taldean parte hartzeko deialdia zabaldu du. Taldean parte hartu nahi dutenek euren ikastetxean bertan edo Udaleko Herritarrentzako Arreta Zerbitzuan eman dezakete izena.


Izena emateko bi baldintza bete behar dira: udalerrian bizitzea eta 2021/22 ikasturtean Lehen Hezkuntzako 4. edo 5. mailan egotea. Hautaketa zozketa bitartez egingo da, izena eman duten pertsona guztien artean. Izena emateko epea irailaren 22tik 29ra egongo da zabalik, eta epe horretan ekimenaren inguruko informazio gehiago jasoko dute ikastetxeetan bertan.

Proiektu honen lehen edizioa den arren, ikasturte bakoitzean garatzeko asmoarekin abiatu da. Horren harira, Elkarguneak ikastetxeekin, elkarteekin eta udalerriko beste eragile batzuekin batera egin nahi du bere ibilbidea.

 

 

Attachments:
FileDescriptionFile size
Download this file (Eskuorri_eus.pdf)Eskuorria 2723 kB

Bihar asfaltatze lanak egingo dira Aldai kaleko aparkalekuan

Amurrioko Udalak Aldai kaleko aparkalekua asfaltatuko du ostegun honetan, irailak 23. Lanak egun batez luzatuko dira, beraz, biharko egunez ezin izango da aparkalekuan aparkatu.

Asfaltatze-lanei esker, ibilgailuak bide bat sortu ahal izango dute hautatutako aparkalekura modu ordenatuan iristeko, sarrera eta irteera desberdinekin. Jarduera honek aparkalekua nabarmen hobetzea dakar, aparkalekuaren barruko zirkulazioa ibilgailuentzat egokia izatea ahalbidetuko baitu. Guztira, 870 m2 zolatuko dira biharko egunean, 5 zentimetroko lodierako geruzarekin.

Goikomendik ikaztegiarako estalki berria izango du

Amurrioko Udalak Goikomendiko ikaztegia prest izango du Gabonetarako. Iaz pago adar bat teilatu gainera erori ondoren, ingurua zigilatuta geratu zen, erortzeko arriskuagatik.

Aukera desberdinak aztertu ondoren, eta neguan zehar, elurraren pisuagatik, azkenean egitura apurtu egin zela kontuan hartuta, Amurrioko Udalak Goikomendiko ikaztegiaren estalkia osorik aldatzea erabaki du.

Kaltetutako egitura desmuntatzeko eta kentzeko eta instalazio berria jartzeko epea bi hilabetekoa izango da; beraz, abendurako eginda egongo da. Instalazio berriak 9.978 euroko inbertsioa eskatuko du.