Amurrio Kintoak ostiral honetan irtengo dira errondan

  • Udalerriaren erdialdean, Lezaman, Larrinben eta Izorian banatuko diren hainbat taldetan abestuko dute; aurten, Covid-19a dela eta, ez dute dirurik jasoko, diruaren bidezko kontaktua saihesteko

 

Amurrioko kintoak errondan irtengo dira ostiral honetan, Covid-19ak sortutako egoeraren ondorioz otsailean Santa Ageda bezperako ohiko ekitaldia atzeratu ostean. 2003an jaiotako gazteak, hau da, 2021ean 18 urte betetzen dituztenak (aurten 75 inguru), hainbat taldetan abestuko dute, eta udalerriaren erdialdean, Lezaman, Larrinben eta Izorian banatuko dira.

Ostiralean, ibilbide guztiak egin ondoren, kintoak 13:30ean elkartuko dira Juan Urrutia parkean abesteko. Arratsaldean, Guk plazan, udaletik bi kontzertu antolatu dira: Ilargiak herriko taldea 19:00etan arituko da, eta Fan&go kontzertua 20:00etan izango da, agintariek ezarritako neurriak betez, edukiera mugatua aulkiekin, pertsonen arteko tartea eta sarrera eta irteera antolatuta.

Errondan irten arren, aurreko urteekin alderatuta egongo den alde nagusia kintoak kantatzera aterako diren arren, ez dutela dirurik jasoko izango da, diruaren bidezko kontaktua saihesteko.

"Emakumeen Aztarnak. Amurrioko Memoria Historikora Hurbilketa (1940 - 1975)" liburua aurkeztuko dute asteazkenean Amurrion

  • Ekitaldia 18:00etan hasiko da; lekua mugatua da, beraz, joan nahi dutenek, Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera idatziz edo udaletxera, 945891161 telefono-zenbakira, deituz eman beharko dute izena.

 Asteazken honetan, ekainaren 2an, “Emakumeen aztarnak: Amurrioko memoria historikora hurbilketa (1940-1975)” liburua aurkeztuko da Amurrio Antzokian. Ekitaldia 18:00etan hasiko da. Lekua mugatua da, beraz, parte hartu nahi dutenek Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera idatziz edo udaletxera deituz (945891161) eman beharko dute izena.

Amurrioko 16 emakumek lehen pertsonan kontatutako bizipenak biltzen ditu liburuak, emakumeen partaidetza biltzeko eta berridazteko, udalerriaren garapen historiko, ekonomiko eta sozialean duten protagonismoa agerian utziz. Liburuak, 1960ko hamarkadatik aurrerako frankismoan hasi eta landa-gizarte tradizionaletik gizarte moderno industrialaren berezko forma sozioekonomiko eta kulturaletara igaro den garaia hartzen du.

Liburuaren protagonistak hauk dira dira: Maria Arberas, Begoña Mendieta, Maria Tejada, Isabel Castro, Kontxi Aguillo, Mari Paz Echevarria, Mertxe Perez, Angelines Paniego, Begoña Álava, Loli Almanchel, Mar Deli Perez, Kontxi Plaza, Marisa Bitorika, Amaia Aldama, Nieves Irabien eta Charo Irabien. Liburuaren 200 ale egingo dira, eta aurkezpenaren egunean erosi ahal izango da. Ondoren, udaletxeko Herritarrentzako Arreta Zerbitzuan eskatu ahal izango da.

Amurriok "Amurrion gehiago irabazi euskararekin" proiektuarekin jarraitzen du

Amurrioko Udalak, bere euskara arlotik, euskararen erabilera sustatzearen alde egiten jarraitzen du kultur programazioaren eta aisialdiko jardueren bidez edo merkataritzaren, ostalaritzaren, enpresen, elkarteen eta herritarren artean hainbat kanpaina bultzatuz. Ildo horretan, Udalak datozen 5 urteetarako akordioa berritu du Ahize aholkularitza-enpresarekin, eta, horrela, 15 urtetik gorako ibilbidea duen “Amurrion gehiago irabazi euskararekin” proiektuarekin jarraituko du.

Udalerriko denda, ostalaritza, elkarte eta enpresa txikietan kontzertatzaileen sarearen bidez euskararen erabilera sustatzea da proiektuaren helburu nagusietako bat. Horretarako, urtean zehar, hizkuntzaren erabilera bultzatzeko hainbat kanpaina egingo dira.

Kanpaina horiekin batera, urte osoan zehar abian da langile euskaldunak identifikatzeko aukera ematen duen eta itzulpen-zerbitzua eskaintzen duen “nirekin euskaraz” ekimena, establezimenduetako kartelak eta dokumentazioa ele bitan jartzeko aukerarekin, eta baita euskarriak euskaraz emateko zerbitzua ere. Azken horren bidez, Udalarekin hitzarmena sinatuta duen edozein enpresak, elkartek edo establezimenduk euskarazko kartelak eska ditzake, bere negozioan erakusteko. Azken urte honetan, hitzarmen kidearen argazkia duen 25 euskarri berri eskatu dira eta ikusgai jarri dira establezimendu ezberdinetan.

Akordioaren berritasunak

Datozen urteetan, “Amurrion gehiago irabazi euskararekin” proiektu barruko ekintza berriak jarriko dira martxan. Sare sozialak indartzeko plan berezi bat eta proiektuarekin bat egiten dutenen webguneak euskaratzeko kanpaina berezi bat egingo dira. Era berean, hitzartutako establezimenduak binilo batekin identifikatuko dira, beraien konpromiso-mailaren arabera, eta urte bakoitzean sektore jakin batean eragiteko neurriak hartuko dira.

Oporretan ere Euskaraz

Urtebetez “Oporretan ere Euskaraz” udalekuak egin ezinik egon ondoren, eta neska-mutilen artean euskara modu ludikoan sustatzeko asmoz, gaur hasiko da programaren edizio berria. Guztira 356 plaza izango dira, bi hamabostalditan banatuta, 222 lehenengoan eta 134 bigarrenean.

Egungo osasun-egoerak jarduera baldintzatu du eta erakundeek ezarritako neurrietara egokitu da. Horretarako, 25 begirale baino gehiago izango dira eta 10 pertsonako burbuila taldeak beteko dira. Saioak astelehenetik ostiralera izango dira, 10:00etatik 13:30etara, eta hainbat gunetan egingo dira, Mendiko ikastetxean, Bañueta kiroldegian, parkean eta pilotalekuan, umeak pilatzea saihesteko.

 

Informazio gehiago:

Maite González Bilbao

679 933 356

Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Amurrioko Udako Udal Igerilekuak ekainaren 19an irekiko dira

  • Joan den udan bezala, segurtasun-distantziak gordetzeko neurriak hartu eta instalazioko higiene-neurriak zorroztu egingo dira.
  •  Udako igerilekuetarako abonuak, altak, bajak eta horien aldaketak igerilekuetan bertan egingo dira, 10:00etatik 13:30era, ekainaren 9, 10, 11, 14 eta 15ean; abonu horiek ekainaren 15ean bertan kobratuko dira; aurten, eguneko sarrerak erosteko aukera ere egongo da.

 Amurrioko udal-igerilekuak ekainaren 19an, larunbatean, irekiko dira, irailaren 12ra, igandera, arte, Eusko Jaurlaritzako Osasun Sailak ezarritako neurriak betez. Iazko udan egin zen bezala, erabiltzaileen segurtasuna indartu egingo da segurtasun-distantziak gordez eta instalazioko higiene-neurriak zorroztu egingo dira.

Amurrioko udal-igerilekuetan agintariek ezarritako jarraibideak betetzeko hartutako neurriak iazkoen antzekoak izango dira. Horien artean edukierari dagokiona dago, % 50ekoa izatea aurreikusten da, hau da, 1.000 laguneko edukiera gaindituz gero, normalean lortzen ez den zifra, instalaziora sartzeko beharrezkoa izango da, barrutik jendeak irtetea.

Instalazioak dituen 7.000 m²ko berdeguneak hainbat lurzatitan banatuta egongo dira, horietako bakoitza dagokion edukierarekin markatuta eta mugatuta, eta horri esker erabiltzaileen arteko 1,5 metroko distantzia gorde ahal izango da. Gainera, egun osoan zehar, pertsona bat, distantziak gordetzen direla kontrolatzeaz eta segurtasun-neurriak gogoratzeaz arduratuko da.

 Eremu komunak garbitzea eta desinfektatzea

Uda honetan ere higiene- eta desinfekzio-neurriak indartu egingo dira. Eremu komunetan garbitasuna areagotuko da, batez ere gehien ukitzen diren elementuetan, heldulekuetan, barandetan edo eserlekuetan, eta komunetan, besteak beste. Gainera, erabilerari dagozkion gomendioak jasotzen dituzten kartelak jarriko dira. Ezingo dira aldagelak, dutxak eta armairuak erabili.

Igerilekuetako uraren kontrola ere zorrotza izango da, uraren kalitatea kontrolatzeko ohiko analisiak areagotu egingo dira eta ura eguneko 24 orduetan iragaziko da eta birzirkulatzen egongo da.

 Aldez aurreko hitzordurik gabe sartzea

Igerilekuetara joateko ez da beharrezkoa izango aurretik hitzordua izatea. Ohiko sarbidearekin jarraituko da, baina edozein objektu fisikorekin kontakturik ez izateko, ateak kendu egin dira eta hurbiltasun-txartel baten bidez sartuko da. Horrela, kontaktua hutsera murriztuko da. Gainera, sarreran tenperatura kontrolatuko da eta desinfektatzailea duten banagailuak egongo dira.

 Abonatuen kanpaina eta banakako sarrerak

Abonuak, altak, bajak eta horien aldaketak udal igerilekuetan bertan egin ahal izango dira ekainaren 9, 10, 11, 14 eta 15ean, 10:00etatik 13:30era. Ekainaren 15ean kobratuko dira eta 12 egun egongo dira itzulketak egiteko. 2021eko urtarriletik Bañueta kiroldegiko bazkide direnek dohainik izango dute instalazioetarako sarrera. Aurtengo berrikuntzarik nagusia, iazko udarekin alderatuta, egunero txartelak erosteko aukera egongo dela da, eta horietarako hainbat prezio aurreikusten dira:

 

Lanegunak

Larunbatak, igandeak eta jaiegunak

18 urtetik gorakoak

3,5€

6€

14-17 urte bitartekoak

2,5€

4€

6-13 urte bitartekoak

2€

3€

65 urtetik gorakoak eta aniztasun funtzionala duten pertsonak

1€

2,5€

 

 

 

Uda honetan Amurriok kalera aterako du kultura, 'Udako kultura tantak - Cultura a pie de calle' programarekin

Jarduerak, antzerkia, zinea eta formatu txikiko kontzertuak, ekainetik irailera programatuko dira

“Osasun egoera dela eta ekitaldi eta jai handirik gabeko urte honetan, iaz hain harrera ona izan zuen aire zabaleko kulturaz betetako uda baten aldeko apustua egiten dugu”, azaldu du Txerra Molinuevo Amurrioko alkateak

Jarduera guztiek edukiera mugatua izango dute, eta jendeak eserita egon beharko du, segurtasun-arauak betez, 6 urtetik gorakoek maskara nahitaez erabili beharko dute eta higiene- eta osasun-neurrien protokoloa bete

 

Amurrioko Udalak udako hilabeteetan kultura kalera ateratzeko apustuari eusten dio. Iaz bezala, ekainetik irailera, ‘Udako Kultur tantak - Cultura a pie de calle’ ekimenak antzerkia, udako zinema eta formatu txikiko kontzertuak programatuko ditu, bertako eta eskualdeko artistei babesa emateko.

“Osasun egoera dela eta ekitaldi eta jai handirik gabeko urte honetan, iaz hain harrera ona izan zuen aire zabaleko kulturaz betetako uda baten aldeko apustua egiten dugu. Gainera, horrela, gure artistak ere babestu nahi ditugu”, azaldu du Txerra Molinuevo Amurrioko alkateak

Programatutako jarduera guztiak osasun-agintariek ezarritako neurriak eta gomendioak errespetatuz egingo dira une oro. Ikuskizun seguruak izateko, jarduera guztiek edukiera jakin bat izango dute, eta bertaratzen den jendeak eserita egon beharko du. Gainera, eremuan sartuaz batera derrigorrezkoa izango da maskara erabiltzea 6 urtetik gorakoentzat, eta higiene- eta osasun-neurrien protokoloa beteko da, eskuak garbitzea, besteak beste.

 

Ekaineko programazioa

Ekainak 5: “URBASA”, Kale antzerkia. 20:00etan Juan Urrutia parkean.

Ekainak 10: “MATRAKA MA NON TROPO”, kontzertua. Musika-ikuskizuna, birziklatutako instrumentuekin. 18:00etan Juan Urrutia parkean.

Ekainak 18: “MARIA RIVERO eta TRIBU BANDA”, pop esperimental kontzertua. 20:00etan Juan Urrutia parkean.

Ekainak 19: “BALDIN BADA”, kale antzerkia. 20:00etan Juan Urrutia parkean.

Ekainak 24: “FROZEN II”, udako zinema. 22:00etan Juan Urrutia parkean.

Ekainak 25: MUSIKA ESKOLAKO KONBOAK, kontzertua. 19:00etan Juan Urrutia parkean.

Ekainak 27: “AMURRIO WHISTLES & CO + CLOVERWIND”, folk kontzertua. 12:30ean Juan Urrutia parkean.

 

Uztaileko programazioa

Uztailak 1: “AMURRIOKO TXISTULARIEN KONTZERTUA”. 19:30ean Villa Fe-n.

Uztailak 2: “LOMOKEN HOBOKEN”, Blues rock kontzertua. 20:00etan Juan Urrutia parkean.

Uztailak 8: “LA LLAMADA DE LO SALVAJE”, udako zinema. 22:00etan Juan Urrutia parkean.

Uztailak 9: “GUILLERMO TRUJILLANO Y LOS OTROS”, kontzertua. 20:00etan Juan Urrutia parkean.

Uztailak 16: “GWA YA”, reggae kontzertua. 20:00etan Juan Urrutia parkean.

Uztailak 17: “2.984, EL PROGRAMA”, kale antzerkia. 19:00etan Juan Urrutia parkean.

Uztailak 22: “HASTA QUE LA BODA NOS SEPARE”, udako zinema. 22:00etan Juan Urrutia parkean.

Uztailak 23: “KEU AGIRRETXEA”, pop akustiko kontzertua. 20:00etan Juan Urrutia parkean.

Uztailak 29: “4 BANCOS”, rap eta rock kontzertua. 20:00etan Juan Urrutia parkean.

Uztailak 30: “ERIZ P & LAINOPILAK”, rock kontzertua. 20:00etan Juan Urrutia parkean.

Uztailak 31: “LES TAMBOURS DE FEU”, Deabru Beltzak taldearen kontzertua. 22:00etan Juan Urrutia parkean.

 

Informazio gehiago:

Maite González Bilbao

679 933 356

Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Amurriok ekonomia zirkularra sustatuko duten negozio-lerro berriak ezartzeko ordenantza arautzailea onartu du

20.000 euroko aurrekontua duen laguntza-lerro bat arautuko du, udalerrian konponketa- eta auto-konponketa-negozioak sortzeko.

Amurrioko Udalak udalerrian ekonomia zirkularra, konponketa eta auto-konponketa sustatzeko negozio-lerro berriak ezartzeko diru-laguntzak arautzen dituen ordenantza onartu du osoko bilkuran. Eskabideak aurkezteko epea deialdia ALHAO-BOTHAn argitaratu eta hurrengo egunean hasi eta 2021eko azaroaren 30ean amaituko da.

Laguntzaren zenbatekoa egindako inbertsioaren % 75era artekoa izan daiteke, eta gehienez 4.000 euro enpresa bakoitzeko. Bestalde, diru-laguntza jasotzen duen erakundeak laneko lerro berrian 1.000 euroko inbertsioa egin beharko du gutxienez.

20.000 euroko aurrekontua duen laguntza-lerro horren bidez, Udalak “udalerriaren garapen sozioekonomikoan eta jasangarrian lagundu nahi du, eta, aldi berean, ekonomia zirkularra, konponketa eta auto-konponketa sustatu nahi dira, negozio-lerro berriak abian jartzeko diru-laguntzaren bidez”, azaldu du Txerra Molinuevo Amurrioko alkateak.

Diru-laguntza eskatzeko baldintzak

  • Laguntza hori eskatzeko, autonomoek, sozietate zibilek edo ondasun-erkidegoek, pertsona juridikoek eta irabazi-asmorik gabeko elkarteek baldintza hauek bete beharko dituzte:
  • Ekonomia zirkularreko, konponketako edo auto-konponketako negozio-lerro berri bat ezarri edo abian jarri beharko dute 2021eko urtarrilaren 1etik 2021eko azaroaren 30era bitartean.
  • EJZn alta emanda egon beharko dute.
  • Gizarte Segurantzarekiko, Arabako Foru Ogasunarekiko eta Amurrioko Udalarekiko betebeharrak egunean izan beharko dituzte.
  • Laguntzaren xede den jarduera Amurrion egin beharko dute, eta egoitza soziala eta fiskala udalerri horretan izan. Jarduerari lotutako establezimendu bat udalerrian duten pertsona fisikoak ere izan daitezke laguntzaren onuradun.
  • Jardueren udal-erregistroan alta emanda egon beharko dute.
  • Gehienez 25 langile (kontratatutako pertsonen eta autonomoen batura) dituzten enpresak izan beharko dute, baldin eta aurretik deskribatutako baldintzaren bat betetzen ez duten enpresetan ehuneko 25 baino gehiagoko partaidetza/lotura ez badute.