Txibiarteren eta Askurenen (San Pedro) goialdeak errepublikar bandoek gotortu zituen, Iñabarraga, San Martín eta Uzkianoko gainaldetik hurbil matxinatutako bandoek egiten zituzten erasotik defendatzeko. Kota horiek guztiek duela 80 urte baino gehiago eraikitako babesen aztarnak dituzte oraindik.

Hainbat boluntariok eta erakundek egindako lanari esker (horien artean dago Amurrioko Udala), asko dira ahanzturatik salbatzen ari diren tokiak, gure lurraldea defendatzeko funtsezkoak izan zirenak.

Toki horietako bakoitzeko gertakariak ikertu eta ezagutaraztearen bidez, Euskadin gerraren azken egunetara arte askatasuna defendatu zuten pertsonen memoria berreskuratu nahi da.

2016an Askuren median (San Pedro) lehenengo indusketak egin zirenetik, aurkikuntza asko egin dira. Horiei esker, mendi horiek okupatu zituzten babeslekuak berreraiki eta ezagutzera eman ahal izan dira.