Auzoko Batzarrak partaidetzarako guneak dira, informaziorako, kontsultarako, kontrolerako eta proposamenak egiteko, eta herritarrek Amurrioko auzoen kudeaketan parte hartzeko aukera ematen dute. Beraz, lurralde-mailako partaidetza-organoak dira.

Herritarren Partaidetzari buruzko Araudiaren 22. artikuluan ezartzen den bezala, Amurrioko Udalak egun dauden auzo-batzarrak eta -elkarteak bultzatuko ditu, eta auzoetako ordezkari legitimo gisa aitortuko ditu, erregelamenduan agertzen diren partaidetza-organoei eta mekanismoei dagokienez.

Auzo bakoitzeko auzo-batzar bakarra eratuko da, eta haren funtzionamendua auzotar guztien parte-hartzera irekitako prozesuetara eta ordezkari demokratiko soilak funtzionatzeko eta hautatzeko mekanismoetara mugatuko da. Auzotarren batzar izaera edo auzotarren elkarte izaera zonalde desberdinetako auzotarrek erabakiko dute. Batzarren kasuan, udalaren aldetik jarduerak garatzeko dirulaguntza jasotzea eragozten du, baina batzarrak, nolanahi ere, herritarren parte-hartzearekin lotutako gaietan eragile  baliozkotzat eta auzotarren borondatearen ordezkaritzat hartuko dira.

Auzo-batzar guztiak hala inskribatu ahal izango dira udal-erregistroan, udalerriko edozein bizilagunek ezagutu ditzan.

Gaur egun 10 auzo-batzar daude udalerrian: Bañuetaibar, Goikolarra, Juan de Aranoa (Alkinar), Landako, Larrabe, San José, San Roque, Aldaiturriaga, Ugarte, Lexarraga eta San Roque. Horiek Amurrioko ia kale eta auzo guztiak hartzen dituzte, "hirigunetzat" jotzen dena eta administraziobatzarrak izan ezik.

Auzoen Batzarrak informatzeko partehartze-espazioak dira