Rossini Abesbatzak Zarzuela On Air 2.0 aurkeztuko digu, Zarzuelako unerik onenak modu berrituan, freskoan, dibertigarrian eta adin eta publiko guztien eskura dagoen ikuskizun musikal eta teatrala. 50eko hamarkadan girotutako irratsaio entretenigarri eta originala da, Iñaki Maruri eta Mitxel Santamarina aktoreen gidaritzapean.

Zarzuela On Air 2.0k zartzuelen zenbakiak biltzen ditu, hala nola La Paloma, El Dúo de la Africana, La del Soto del Parral, El Rey que rabió, Luisa Fernanda, besteak beste.

Bere bigarren bertsioan, Zarzuela On Air 2.0 Rossini On Air proiektu handiago baten parte da, Rossini Abesbatzak sortua, eta egitura komuna duten hainbat ikuskizun monografikok osatzen dute: irratsaio musikal bat, garai eta gai jakin batzuetan girotua, ikuskizun desberdin bat eszenaratzeko markoa da, musika onez, umorez eta ikusleentzako une ahaztezinez beteriko musikal koral bat.

Antzezleak: Bilboko Rossini Abesbatza.
Moldaketak, konposizioa eta zuzendaritza musikala: Carlos Imaz.
Musika zuzendaritza eta prestakuntza: Ana Begoña Hernández.
Pianoa: Juan José Ortega.
Eszena zuzendaritza eta aktorea: Iñaki Maruri.
Eszena zuzendaritza eta aktorea: Mitxel Santamarina.