Amurriok Gabonetako Merkatuarekin hitzordua du abenduaren 24an, ostiralean, Juan Urrutia plazan, 10: 00etatik 14: 00etara. Edizio honetan baserriko 35 produktu egongo dira: ogia, eztia, barazkiak, gaztak, pastelak, turroia eta artisautzako hainbat gai.

Segurtasun-neurriak

Segurtasun-neurri desberdinak aplikatuko dira. Zirkuitu bat markatuko da jendea norabide berean eta bakarrean joan dadin eta pertsonak gurutzatzea saihesteko. Sarreran eta irteeran gel hidroalkoholikoa emango da. Hala ere, segurtasun-neurriak aldatuko dira pandemia-egoeran oinarrituta eta une horretan indarrean dauden jarraibideen arabera.