2024ko ediziorako Arte Eszenikoen proposamena "LORATEGIAN/EN EL JARDÍN" da, Charlotte Fallon belgikarrak zuzendua. Ibilbide luzeko ikuskizuna da, eta Estatuko jaialdi esanguratsuenetan egon da. Nazioarteko hainbat jaialditan parte hartu izana ere azpimarratu behar da.
Topaketan: Interpreteen eta haurren arteko lehen kontaktuaren unea da. Baita horien eta antzerkiaren, argien eta abarren artean ere. Dena dago prest komunikazioa ahalbidetuko duen konfiantzazko giroa sortzeko.
Lorategian: "Emakume bat bere lorategian eserita, amets egiten du. Gizon bat iristen da eta irudien munduan barrena bidaia bat egitera gonbidatzen du. Elkarrekin zuhaitzen arteko oihal bat deskubritzen dute, irudiak sortzeko eta eraldatzeko orri zuri bihurtzen dena... jolasteko eta emozioak islatzeko leku batean.
Adin samurrenetik, haurrak irudien munduan murgilduta daude, baina gehienetan modu pasiboan. Gure lorategian antzerkia, bideoa, itzalak eta marrazkiak nahasten dira, haurrei ikusizko esperientzia ludiko eta aktiboa proposatzeko. "
Agurra: Entzuteko denbora amaitzean, haurrei espazio eszenikoaren eta erabilitako objektuen azterketa pertsonala egiteko aukera ematen zaie. Jolasa da, non txikien eta handien arteko egoera interaktiboak gertatzen diren.
Horrela, apurka-apurka abiatzeko unea iristen da, interpreteek haurrei irteeraraino laguntzen diete eta agur esaten diete.