Datorren urtarrilean Amurrioko gazteei zuzendutako sexu heziketari buruzko tailer irekia eta parte-hartzailea egingo da. Guztira 4 ordu emango dira, bi ostiraletan banatuta, urtarrilaren 20an eta 27an 18: 00etatik 20: 00etara Kultur Etxean. Diana Ibargutxi psikologo eta sexologoak dinamizatutako saioetan, sexu-osasunari, sexu-aniztasunari, orientabideei, identitateei, adierazpenei eta abarri buruzko gaiak jorratuko dira, sexualitateari buruzko ikuspegia zabaltzeko eta zalantzak edo galderak argitzeko gune seguru bat sortzeko helburuarekin. Tailerrean izena emateko epea urtarrilaren 9tik 18ra irekiko da, WhatsApp edo telefono bidez, 621291957 zenbakian. Tailerrean egindako lanari jarraipena emateko, sexu-aholkularitza zerbitzu anonimo bat jarriko da martxan WhatsApp bidez, gazteei laguntzeko eta aholkuak emateko, profesional bati galderak kontsultatzeko aukera izan dezaten.