Abuztuaren 12tik 17ra bitartean, Amurriok herriko jaiak ospatuko ditu, alaitasun eta gozamen egunak komunitate osoarentzat. Hori dela eta, Udaltzaingoak zenbait aholku eta prebentzio neurri sinple helarazi nahi dizkie Amurrioko herritarrei, guztioi gorabeherarik gabeko jaiak ospatzen edo ahal den neurrian murrizten laguntzeko.
1.- Udal Bandoetan emandako jarraibideak eta gomendioak jarraitu, bai eta Udaltzaingoaren oharrak eta informazio-oharrak ere.
2.- Taldean bazoazte, elkargune bat zehaztu, banantzea gertatuz gero non elkartu jakiteko.
3.- Aire zabaleko esparru hesituetan edo esparru itxietan, egiaztatu ebakuazio-bide posibleak.
4.- Ez igo markesina, balkoi, aldamio eta abarretara.
5.- Ez erabili material piroteknikorik.
- Ez eraman poltsikoetan material piroteknikorik ezta horrekin jolastu.
7.- Piroteknia erabiltzen den emanaldiren bat egiten bada, segurtasun-distantzia gorde eta Udaltzaingoaren eta Babes Zibileko boluntarioen gomendioak jarraitu.
8.- Kontuz ibili adingabeekin atrakzioetan.
- Erne egon, lurrean kable solteak edo zurituak, farolak eta abar ote dauden, batez ere haurrekin joanez gero. Horrelako arazoak edo gorabeherak ikusten badituzu udaltzaingoari jakinarazi.
10.-Gatazkaren bat hautematen baduzu, urrundu zaitez. Ez zaitez inoiz gatazka egon daitekeen lekuetara hurbildu.
11.- Kolaboratu eta Udaltzaingoaren, Ertzaintzaren, suhiltzaileen, Zerbitzu Medikoen eta Babes Zibilaren lana erraztu.
12.- Gidatu behar baduzu, ez edan alkoholik eta ez hartu bestelako substantziarik.
13.- Kontu handiz ibili zure gauzekin, batez ere telefono mugikorrekin eta dokumentazioa daramazun zorroekin. Ez galdu inoiz begi-bistatik zure gauzak.
- Ez galdu begi-bistatik inoiz zure edaria edo/eta kontsumizioa pertsona-pilaketa handiko eremuetan.
15.- Larrialdi-kasuan, deitu Udaltzaingoaren telefono-zenbakira 636 469 288 edo 112 larrialdietarako zerbitzura.