1. txanda

2. txanda (zozketaren emaitzak)

OHAR GARRANTZITSU BATZUK

• Lehenengo txanda apirilaren 3an goizeko 9: 30etan hasiko da Armurulanda Plazako udal
• Bigarren txanda apirilaren 11n hasiko da goizeko 9: 30etan Armurulanda Plazako udal
• Puntualtasuna beharrezkoa da. Izan ere, berandu etortzeak talde-dinamika haustea dakar. Nolanahi ere, umeren bat berandu etorriko bada, telefonoz jakinarazi, mesedez, 621196804 telefonora
• Haur bat ezin bada etorri, ipinitako telefonoari abisatu beharko dio eta askotan gertatzen bada justifikaziorik gabe, plaza galtzea eragin
• Ludotekara EZIN DA JANARIA

Amurrioko haurrek euskaraz jolasteko eta harremanak izateko aukera izango dute Aste Santuko oporretan.

Amurrioko Udalak doako ludoteka zerbitzua antolatu du apirilaren 3an, 4an, 5ean eta 11n, 12an, 13an eta 14an, udal ludoteka berrian (Armurulanda). 2019tik 2013ra (biak barne) jaiotako haurrek (4 eta 10 urte bitartekoak) hartu ahal izango dute parte. Ordutegia 9:30etik 13:30era izango da.

Jasotako inskripzioen arabera erabakiko da erabiltzaile guztiak nahastuta arituko diren edo adin-tarteen arabera taldeka banatuko diren.

Plazak mugatuak dira, eta Amurrion erroldatutakoek izango dute lehentasuna. Erroldatu gabeek hutsik geratzen diren plazak bete ahal izango dituzte. Izen-emateak plaza-kopurua gainditzen badu zozketa egingo da.

Parte hartzeko beharrezkoa izango da izena ematea. Horretarako, izen-emate orriak daude udal webgunean, Kultur Etxean eta Udaletxean.

Inskripzioan, zein txandatara joan nahi den eskatu ahal izango da; txanda bakarra aukeratu ahal izango da.

1. TXANDA: APIRILAK 3-4-5
2. TXANDA: APIRILAK 11-12-13-14

Aste Santuan ez da ohiko ludoteka zerbitzurik egongo, ezta horren erabilera librerik ere.

Izena emateko epea: Martxoaren 20tik 27ra (biak barne)

• Beharrezko dokumentazioa: Izen-emate orria beteta

Matrikulatzeko lekua:

• On line, izena emateko orria udalaren webgunean deskargatuta eta Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera bidaliz.
• Paperean Udaletxean edo Kultur Etxean

Zozketa (beharrezkoa balitz): martxoak 28

Onartuen zerrenden argitalpena: martxoak 28

Attachments:

File	Description	File size	Created
Inscripciones Udabarrileku	Inscripciones Udabarrileku	211 kB	17-03-23 12:49

• Gainera, haurrentzako lehiaketa bat antolatu da jaietako programaren kontrazala aukeratzeko.
•  Lanak Kultur Etxean jasoko dira martxoaren 31tik apirilaren 15era

Udalak 2023ko Amurrioko jaiak iragarriko dituen kartela aukeratzeko lehiaketa jarri du martxan. Gainera, haurrentzako lehiaketa bat ere deitu da, eta irabazleak jaien programaren kontrazala irudikatuko du.

Kartel lehiaketan parte hartzen dutenek gehienez ere bi lan aurkeztu ahal izango dituzte, originalak eta argitaragabeak, eta ez dira onartuko aurreko edizioetan aurkeztutako lanak. Kartelek formatu bertikalean egon beharko dute, eta Amurrioko armarria eta “Amurrioko jaiak 2023. Abuztuaren 12tik 17ra” testua izan beharko dituzte. Bertan, aukerako testu hau ere sartu ahal izango da, euskaraz eta gaztelaniaz: “Andra Mari eta Done Errokeren ohorez. En honor de Ntra. Sra. y San Roque”.

Lanak jasotzeko epea apirilaren 31tik 15era izango da, Amurrioko Kultur Etxean. Proposamen irabazleak 800 euroko saria jasoko du.

Haurrentzako lehiaketa

Haurrentzako lehiaketari dagokionez, 2023ko Amurrioko jaietako programaren kontrazala aukeratzea du helburu. 2009tik aurrera jaiotako edonork parte hartu ahal izango du, eta parte-hartzaile bakoitzak lan original eta argitaragabe bakarra aurkeztu ahal izango du. Kontrazalak Amurrioko armarria eta “Amurrioko jaiak 2023” testua eraman beharko ditu, eta, kartelean bezala, aukerako testu hau ere sartu ahal izango da euskaraz eta gaztelaniaz: “Andra Mari eta Done Errokeren ohorez. En honor de Ntra. Sra. y San Roque”.

Lanak martxoaren 31tik apirilaren 15era aurkeztu ahal izango dira Amurrioko Kultur Etxean. Proposamen irabazleak 60 euro jasoko ditu eskola-materialean, eta eskola-materialeko 30 euroko bi akzesit ere emango dira.

Kartel irabazlea eta kontrazala aukeratzeko epaimahaia diseinuan eta artean adituak diren hiru pertsonak osatuko dute. Sari banaketa 2023ko maiatzaren 12an egingo da, 19:00etan, “La Casona” udal erakusketa aretoan. 2023ko Amurrioko jaietako kartelen erakusketa maiatzaren 2tik 12ra izango da erakusketa-areto horretan bertan.

Attachments:

File	Description	File size	Created
Bases euskara contraportada 2023.doc	Oinarriak kontraportada	37 kB	30-03-23 09:30
Bases euskera carteles fiestas 2023.doc	Oinarriak Kartela	37 kB	30-03-23 09:29

Amurrio Bidean elkarteak, GAIA teknologia-klusterrarekin lankidetzan, prestakuntza aitzindari hau antolatu du eskualdean, formatu mistoan, parte-hartzaile bakoitzak bere erritmoan egin ahal izan dezan.

Gamifikatutako prestakuntza da, erronketan eta jokoan oinarritua, programazio eta pentsamendu konputazionalean trebatzeko, gaitasun digitalen esparruan trebetasun berriak eskuratu nahi dituzten 16 eta 65 urte bitarteko pertsonei zuzendua.

Programazioari eta pentsamendu konputazionalari buruzko esperientziazko prestakuntza izango da, aukera bikaina teknologian trebetasun baliotsuak eskuratu eta lan-aukerak hobetu nahi dituzten pertsonentzat. Beren lan-trebetasunak hobetu nahi dituzten pertsonentzat, etorkizunerako prestatu nahi duten gazteentzat edo lan-aukera berriak bilatzen dituzten langabeentzat.

Programazioa eta pentsamendu konputazionala funtsezko trebetasuna da gaur egun, gero eta ohikoagoa baita sistema informatikoak bizitzako esparru guztietan erabiltzea. Prestakuntza honek aukera paregabea eskaintzen du programazio-lengoaiak ikasteko eta problemak ebazteko trebetasunak garatzeko.

Prestakuntzan zehar, parte-hartzaileek programazioari, algoritmoei, programazio-logikari eta bestelako trebetasun teknikoei buruz ikasiko dute. Halaber, trebetasun horiek mundu errealeko egoeretan nola aplikatu esperimentatuko da, web programazioaren esparruan arazoak konpontzeko eta soluzio berritzaileak sortzeko.

Prestakuntza hibridoa izango da; normalean online eta aurrez aurre hilean behin, zalantzak argitzeko, kezkei erantzuteko eta programazio-lengoaiak aurkezteko. Prestakuntza 2023ko apirilaren 17an, astelehenean, hasiko da, 17: 00etan, Amurrio Bidean-en, aurrez aurreko lehen prestakuntza-saioarekin.

Zalantzak argitzeko, 2023ko martxoaren 30ean, 18: 00etan, azalpen-jardunaldi bat egingo dugu. Bertan, prestakuntzaren helburuak, izango dugun lan-metodologia eta prestakuntza jasotzen dutenei emango dizkien onurak azalduko ditugu.

Informazio gehiago nahi izanez gero, deitu Amurrio Bidean-era 945891721 telefonora edo emaila Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.  helbidera. Izena emateko bete formulario hau: https://forms.office.com/e/YqTtHs39BF

• Legealdi Planean sartutako 82 ekintza-ildoetatik 57 amaituta daude

Amurrion, 2023ko martxoaren 30ean. 2019ko XX(e)an, Amurrioko Udaleko Gobernu Taldeak 2019 - 2023 legealdirako programa aurkeztu zuen, eta guztira 82 lan-konpromiso hartu zituen. Horietatik, lau urte geroago, % 85a inguru bete da.

“Urte hauetan zehar, inoiz aurre egin gabeko egoerei egin behar izan diegu aurre, Covid-19ak eragindako pandemiari eta duela urtebete baino gehiago hasi zen Errusiaren Ukrainako inbasioari, gertakari horiek eragin duten prezioen igoera ez aipatzeagatik. Hala eta guztiz ere, Amurrioko Gobernu Taldeak 2019an hitzemandako ekintzetara egokitzea eta lanean jarraitzea lortu du”, adierazi du Txerra Molinuevo Amurrioko alkateak.

2019-2023ko Amurrioko Legealdi Plana hiru arlotan egituratu da: antolaketa, herritarrak eta lurraldea. Eguneroko jardunean egin beharreko lanak osatzen dituzten 10 helburu estrategikotan eta 82 ekintzatan hedatzen dira. Amurrioko Udaleko Gobernu Taldeak adierazi duenez, Legealdi Planean sartutako 82 ekintza horietatik 57 (ia % 70a) erabat amaituta daude, eta 11 jarduera-ildok lan-prozesuan jarraitzen dute. Beraz, 4 urte hauetan, 14 ekintza baino ez dira baztertu.

“Badakigu hobetzeko tartea dagoela, eta, horregatik, Amurrioko Udalak lanean jarraituko du gure udalerriko bizilagunekin hartutako konpromisoak betetzeko”, gaineratu du Molinuevok.

Ekintza nagusiak

Amurriok urteak daramatza Garapen Jasangarriaren alde lanean, tokiko 2030 Agendaren eta beste plan sektorial batzuen bidez, ongizate orokorrari laguntzen dioten Berdintasun Plana edo Euskara Plana, besteak beste. Legealdian gauzatutako ekintzen artean, Antolaketa arloan hauek daude:

1. Administrazio elektronikoa DBLren arabera ezartzeko plana.
2. Batzordeak antolatzeko era berriaren jarraipena
3. Dokumentazioaren digitalizazioa eta espedienteen garbiketa
4. Ordenantza fiskalen berrikuspena, errentaren araberako presio fiskala ezartzeko.

Bestalde, Herritartasunaren arloan jasotako ekintzen artean, hauek azpimarra ditzakegu:

1. Udalerriko elkarte eta ekimen sozialek bizikidetza, kulturartekotasuna eta elkartasuna sustatzeko gauzatu dituzten jarduerak diruz laguntzea.
2. Aingurak, Amurrioko V. Berdintasun Plana, egitea eta ezartzea.
3. Herritarrek parte hartzeko udal-sare egonkorra garatzea (lurralde-eremuko partaidetza-organoetan oinarritua, Auzoko Asanbladetan eta Haurren Elkargunean eta Emakumeen Sarean, besteak beste), beharrezkotzat jotzen diren beste lurralde-eremu edo/eta eremu sektorial batzuetara hedatzeko asmoz.
4. Gazte Zerbitzu integrala sortzea, betiere bere autonomia errespetatuz.
5. Kultura-plana diseinatzea, arte plastikoen garapenari lehentasuna emanez.
6. Soropil artifizialeko bigarren eremua eraikitzea El Reforren.
7. Partaidetza-kirola bultzatzea, kirol-klubetara edo kiroldegiko eskaintzara hurbiltzen ez diren herritarrei kirola egiteko beste aukera batzuk eskainiz, Mugiamurrio ekimenaren bidez.

Azkenik, Lurralde arloan jasotako ekintzetatik hauek nabarmentzen dira:

1. Hiri Antolamenduko Plan Orokor berria behin betiko onartzea.
2. Eusko Jaurlaritzarekin lankidetza bultzatzea Amurrioko SAPUR 1ean alokairu sozialeko 102 etxebizitza sortzeko.
3. Gasolindegi zaharraren eremua egokitzea, bide-segurtasuna hobetzeko biribilgune bat eraikiz.
4. Etxegoienbidean disuasio-aparkalekua sortzea.
5. Amurrioko tren-geltokiaren irisgarritasun-proiektua bultzatzea.
6. Nerbioi ibaiaren saneamendua. Ibai garbia izateko beharrezkoak diren kolektoreak eta araztegiak behin betiko bultzatzea.
7. Udal ibilgailuen flota ibilgailu elektrikoetara berritzea.

“Amurrioko Udaleko Gobernu Taldeak pertsonen ongizatea, ingurunearen zaintza eta udalerriaren oparotasuna hobetu nahi izan ditu uneoro. Horretarako, azken lau urteotan egindako Legealdi Planak Garapen Jasangarrirako 18 Helburu eta 2030 Agendaren 39 helburu betetzen lagundu du”, amaitu du Alkateak.

Iaz bezala, Aiara inguruko sugeen argazkiak bidali beharko dizkiguzue, haien ekologiari eta gure bailarako kontserbazio-egoerari buruz gehiago jakiteko. Kanpainari buruzko informazioa, argazkiak bidaltzeko oinarriak eta iaz jasotako argazkien emaitzak topa ditzakegu www.muskerraknatura.eus weborrian. Nobedade gisa, 2023an Muskerrak-eko Instagramen argitaratuko ditugu bidalitako argazkiak (izena eta lekua jarrita, egilea ados badago), gure sugeen ikusgarritasuna areagotzeko eta pertsona orok gugandik gertu bizi diren izaki zoragarri eta mehatxatu hauek ezagutzeko.

Lorategi Jasangarriak: Argazki maratoia Instagramen

Lorategi Jasangarriak proiektuaren barruan, argazki maratoi bat jarriko dugu martxan, zeuen lorategi, terraza eta balkoietan ikusten dituzuen animalia basatien, landare basatien eta onddoen argazkiak guri bidaltzeko. Animalia bizien eta erauzi gabeko landare eta onddoen argazkiak baino ez ditugu onartuko.

Maratoi honen helburua gure inguruko bizitza basatia hobeto ezagutzea da, bertan dauden espezieei buruz ikastea eta espezie horiek babesteko gure esku dauden neurriak ezartzea.

Bidalitako argazkiak gure Instagramen ipiniko ditugu (zuen izena eta gutxi gorabeherako kokapena adierazita), zuen Lorategiak Jasangarritasuna erakutsiz.

Argazkiak gaurtik uztailaren amaierara arte jasoko ditugu, beraz, bidali ahal dituzun guztiak instagram kontura @muskerraknatura edota Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. emailera eta lagun iezaguzu Aiarako bizitza basatia hobeto ezagutzen!

Parte-hartzaileen artean hegaztientzako habia-kaxak, intsektu-hotelak eta abar dituzten bi kit zozketatuko dira, basa-bizitzarekiko espazio jasangarriagoa eta adiskidetsuagoa izaten lagunduko dizutenak.

* Oparia fauna eta flora motaren eta espazioaren arabera aukeratuko da.