“Elkar ezagutzearen onena. Lo bueno de conocernos” lelopean, azaroaren 20an, igandean, Amurriok aurten ere bat egingo du Bizilagunaken ekimenarekin. Amurrion izango da, Juan Urrutia plazan, eta parte hartu nahi duten guztiak bildu eta mahai baten inguruan kultur jatorri desberdinetako bizilagunek lurretik botako dituzte zurrumurru arrazistak eta xenofoboak, kulturarteko bizikidetzaren alde egiteko. Parte hartu nahi dutenek Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidean edo 688 800 337 telefono-zenbakian eman beharko dute izena.
Hau ekimenaren seigarren edizioa izango da Araban. Urte bakarrean geratu zen egin barik, 2020. urtean, pandemiaren ondorioz. Bizilagunak izeneko Zurrumurruen Aurkako eta Kulturarteko Bizikidetzarako lurraldeko taldeen ekintzen barruan dago, biztanleria migratuarekin eta erradikalizatuarekin zer ikusia duten zurrumurru, aurreiritzi eta estereotipoei aurre egiteko, izan ere, askotan, zurrumurru, aurreiritzi eta estereotipo horiek bizikidetza zailtzen dute.
Bizilagunak ekimenetik mahaia, janaria eta elkarrizketa partekatzeko keinuak duen gaitasun eraldatzailea nabarmendu nahi da. Hori guztia familiarekin eta bazkari baten intimitatean ospatu ohi den egun batean, igandean. Ekintza horren helburua askotariko pertsonekin elkartzeko espazioak eskaintzea da. Auzokideak ezagutzeko interesa eta jakin-mina erakusten duten arren pausoa emateko bultzada behar duten pertsonak. Hori da ekimen honen benetako funtsa, askoz gehiago dira hurbiltzen gaituzten gauzak urruntzen gaituztenak baino.
Iaz, 32 nazionalitate inguruko 600 bat pertsona elkartu ziren Arabako zortzi udalerritan. Aurten, Arabako kuadrilla guztiek inplikatu nahi izan dute Bizilagunak programan parte hartzera, eta helburua Gorbeialdea, Aiaraldea, Lautada, Mendialdea, Añana eta Arabako Errioxako bizilagunak elkartzea da.
