"Emakumeen aztarnak. Amurrioko Memoria Historikora Hurbilketa (1940-1975)" liburuak Amurrioko 17 emakumeren bizipenak biltzen ditu

  • Proiektu hau, Udaleko berdintasun arloak bultzatutako ‘Amurrioko Emakumeen Memoria Historikoa Berreskuratzeko Ikerketa bekatik’ sortu da.

Datorren apirilean, Olga del Castilloren eta David Beorleguiren “Emakumeen aztarnak. Amurrioko memoria historikora hurbilketa (1940-1975)” liburua argitaratuko da. Udalerriko emakumeen memoria historikoa ikertzeko eta berreskuratzeko Udaleko berdintasun sailak 2019an bultzatutako bekatik sortu zen, eta Gogora Institutuaren babesa du.

Amurrioko 17 emakumek lehen pertsonan kontatutako bizipenak biltzen ditu liburuak, emakumeen partaidetza jaso eta berridazteko, udalerriaren garapen historiko, ekonomiko eta sozialean duten protagonismoa agerian utziz. Frankismoko hirurogeiko hamarkadan hasi eta landa-gizarte tradizionaletik gizarte moderno industrialen berezko forma sozioekonomiko eta kulturaletara igaro den garaian kokatzen da.

Maria Arberas, Begoña Mendieta, Maria Tejada, Isabel Castro, Kontxi Aguillo, Mari Paz Echevarria, Mertxe Perez, Angelines Paniego, Begoña Álava, Loli Almanchel, Mar Deli Perez, Kontxi Plaza, Marisa Bitorika, Amaia Aldama, Nieves Irabien eta Marivi Marigorta dira protagonistak.

Proiektua Amurrioko Udaleko berdintasun sailak 2019an bultzatutako bekatik abiatzen da, eta genero-ikuspegiaren aldarrikapena bilatzen du, emakumeen eginkizuna ikusezina izatea ezaugarri duen une historiko batean. Lan horren bidez, hainbat emakumek berdintasunezko gizarte plurala eratzen lagundu duten moduak aztertu dira, hainbat balio, posizionamendu, esperientzia, itxaropen eta bizi-proiektu oinarri hartuta.

 “Gure ustez, memoria historikoa berreskuratzea ezin da datuetara mugatu, eta liburu honetan jasotzen diren kontakizunak beharrezkoak dira. Liburuak, oraina ulertzeko eta aurrera jarraitzeko gako asko ematen ditu. Bide horrek, emakumeen eta gizonen arteko eskubide-berdintasunaren alde guztien artean egituratutako aldarrikapen-estrategia eta -ekintzak eskatzen ditu. Amurrioko mugimendu feminista, eraldaketa subjektibo, sozial eta politikoen ondare historikotik kartografiatu nahi dugu”, azaldu du Ixone Saratxaga Berdintasun zinegotziak.

Liburuaren 200 ale argitaratuko dira, eta aurkezpenaren egunean erosi ahal izango dira. Aurkezpen ekitaldia datozen hilabeteetan egingo da, Covid-19ak sortutako egoera globala hobetzen denean eta ekitaldia berme guztiekin antolatu daitekeenean, proiektuan parte hartzen duten emakumeak eta herritarrak bildu ahal izateko.

Amurriok Emakumeen Etxea eta Haur Kontseilua diseinatzeko lehen pausoak eman ditu

  • Emakumeen Etxearen diagnostikoaren bidez, Emakumeen Etxerako egon daitezkeen eredu posibleak ezagutu nahi dira, Amurriori ondoen egokitzen zaizkion alderdiak zentratu ahal izateko.
  • Haur Kontseilua oinarrien diseinuaren eta finkapenaren bidez bultzatuko da.

Amurrioko Udala bi proiektu zehazten hasi da, Amurrioko Emakumeen Etxea eta Haur Kontseilua diseinatzeko laguntza teknikoa esleituz.

Etorkizuneko Amurrioko Emakumeen Etxea sortzeko lehen pausoa diagnostiko-prozesua izango da, eta Sortzen Consultoría S.L.-ren eskutik egingo da. Lehen pauso horretan, Emakumeen Etxeen eredu posibleak ezagutu nahi dira, Amurriori ondoen egokitzen zaizkion alderdiak zentratu ahal izateko.

Amaitutakoan, Emakumeen Etxearen diagnostikoak udalerriko emakumeekin partaidetza-prozesu batean kontrastatu ahal izango den Kudeaketa Plana izango du.

“Tipi Gara S. Coop Pequeña”-ren bidez martxan jarritako beste ekimen bat Amurrioko Haur Kontseilua sortzea bultzatzea izango da. Horretarako, Amurrioko Haur Kontseiluaren oinarriak diseinatu eta finkatuko dira, kontseiluaren eredua zehazteko, haren helburuak eta funtzionamendua kontuan hartuta.

Emakumeen Nazioarteko Eguna ospatzeko egitarau zabala antolatu du Amurriok

Amurrioko Udaleko Berdintasun Saila buru-belarri aritu da martxoaren 8aren inguruko programazioa antolatzen. Jarduera guztiak Covid-19aren pandemiaren ondorioz erakundeek ezarritako murrizketetara egokituta daude.

“Beste urte batez, emakumeen eta gizonen arteko berdintasun erreal eta eraginkorraren sentsibilizazioarekin eta bilaketarekin konprometitutako programazioan murgilduko da Amurrio. Gaur egun bizi dugun osasun egoera oso berezia den arren, askotariko programazioa landu da ingurune seguruetan egingo diren jarduerekin”, azaldu du Ixone Saratxaga Berdintasun zinegotziak.

Programatutako jarduerak:

Martxoak 3: Berdintasunaren aldeko standa. 11:00etan, ekoizleen merkatuan. Maskara moreak banatuko dira. Ekintza hori Sartu Alavaren eskutik etorriko da, Arabako Foru Aldundiak eta Europako Gizarte Funtsak diruz lagundutako Oinez programaren barruan.

Martxoak 6: “Orain emakumeek jotzen dute” kontzertua, 19:00etan, Amurrio Antzokian. Sarrera doakoa izango da, baina gonbidapena jaso beharko da Kultur Etxean.

Martxoak 8: Elkarretaratzea 18:30ean Juan Urrutia plazan.

 “Emakumeak Musikan” kontzertu birtuala, Youtubeko “Amurrioko Udal Musika Eskola” kanalean.

Martxoak 10: Zineforuma “La fuente de las mujeres” Nagusi Etxean 18:00etan.

Martxoak 14 eta 15: “Entre nosotras” filmaren proiekzioa Amurrio Antzokian. Prezioa: 14 (5 €), 15 (3,75 €).

Martxoak 18: “Muga zeharkatzen duten bizitzak. Hegoaldeko Mugari buruzko azterketa feminista” hitzaldia, 18:30ean, Katekesiko aretoan. Hizlaria Beatriz de Lucas Cear-Euskadiko gorabeheren teknikaria izango da.

Gainera, Laia Eskolak hainbat jarduera antolatuko ditu #LaiaBirtuala-n. Esteka honetan jarraitu ahal izango dira:

 http://www.laiaplazara.eus/aurkezpena/laiaeskola-virtual