Amurrioko Udalak uztailean ekingo dio berriro hondartzara bidaiatzeko kanpainari

COVID-19aren pandemiaren ondorioz bi urteko geldialdiaren ondoren, Amurrioko Udalak hondartzara irteerak egiteko kanpainari ekingo dio berriro. Kanpaina uztailean zehar egingo da, herritarren artean udako aisialdia errazteko. Horretarako, lau irteera programatu dira, datorren hilabeteko astearteetan:

Uztailak 5: Hondarribia

Uztailak 12: Zarautz

Uztailak 19: Donostia

Uztailak 26: Donibane Lohizune

Autobuserako paseak Kultur Etxean erosi ahal izango dira irteera bakoitzaren aurreko ostiralera arte. 14 urtetik gorako helduek 8,50 euro ordaindu beharko dute irteera bakoitzeko, eta 14 urtetik beherakoek 6,50 euro.

Programatutako bidaia bakoitzaren irteera 09:00etan izango da Araba kaletik, Amurrio Antzokitik gertu, eta itzultzeko ordua 20:00etan izango da irteera bakoitzaren helmugatik.


Inprimatu   E-maila