- Horrez gain, eragindako ondasunen zerrenda onartu da eta bere okupazioaren premura deklaratu da, expropiatzeko espedientea abiatuz
Gaur egindako osoko bilkura berezian, Amurrioko Udalak "Goikolarra auzoko urbanizazio obren proiektua" onartu du, EGITU SLP enpresak idatzia, 1.573.303,32 euroko exekuzio aurrekontuarekin. Hitzarmen honek auzoko urbanizazioaren eraldaketarako prozesuan urrats garrantzitsu bat ematen du, eta horri esker, Goikolarra auzoko bizilagunek egin duten parte-hartze aktiboari esker posible izan da.
Proiektu honek, ingurune urbanoaren irisgarritasuna eta kalitatea hobetzeaz gain, auzotarrek egindako eskari bati erantzuten dio, azken hilabeteetan garatutako parte-hartzearen bidez islatua. Prozesu honetan, komunitateak bere auzoko beharrizan eta lehentasun nagusiak identifikatu ditu, eta proposamenak egin ditu azken diseinuaren barruan txertatutakoak.
Amurrioko osoko bilkura berezian, Goikolarra auzoko urbanizazio proiektua onartu da, hiri espazioaren berritze eta hobekuntzarako beharrezko jarduerak ezarriz. Horrez gain, eragindako ondasunen eta eskubideen zerrenda onartu da. Ondasunen eta eskubideen okupazioaren premura deklaratu da eta expropiatzeko espedientea hasi da proiektua gauzatzeko beharrezko ondasunak eskuratzeko. Era berean, 15 eguneko informazio publikoko epea ireki da, eta interesdunek alegazioak aurkezteko aukera izango dute, ALHAO eta probintziako egunkarian argitaratutako iragarkian.
Parte-hartzearen eredua
Goikolarra urbanizatzeko proiektua ez da soilik udal-ekimen bat, baizik eta herritarren parte-hartzearen prozesu baten emaitza, auzoko bizilagunek parte hartze handia izan dutena. 2024ko ekaina eta azaroa artean garatutako prozesu honek, auzotarrek auzoaren inguruko kezka eta proposamenak bildu ahal izan ditu hainbat parte-hartze dinamiken bidez. Lehen fasean, 2024ko ekainean, saio parte-hartzaile bat eta karpa herritar bat antolatu ziren, auzoaren diagnostikoa egin eta lehenengo proposamenak bildu ziren mugikortasunari, irisgarritasunari eta espazio publikoaren erabilerei buruz. 2024ko uztailan, informazio eta parte-hartze saio bat egin zen, lehenengo emaitzak aurkeztu eta herritarrekin kontrastatu ziren. Azkenik, 2024ko azaroan, azken proposamena aurkeztu zen, auzotarrek egindako ekarpenetara egokitua.
“Amurrioko Udaletik herritarren parte-hartzearen aldeko konpromisoa berresten dugu, erabaki urbanistikoen ardatz nagusi gisa. Goikolarra urbanizatzeko proiektua adibide bat da nola komunitatearen parte-hartzeak hiri ingurunea eraldatu dezakeen, eta, horrela, hobekuntzak benetan auzoan bizi diren pertsonen beharrizanetara egokitzen direla bermatzen du”, adierazi du Amurrioko alkate Txerra Molinuevok.
Auzoko hobekuntza garrantzitsuak
Proiektuan txertatutako auzotarrek egin dituzten eskari nagusien artean, berdeguneen mantentze eta hobekuntza nabarmentzen da, plazako zuhaitzak kontserbatzeko eta lorategietako irisgarritasuna bermatzeko. Era berean, haur-parkea berrituko da, irisgarritasuna eta modernizazioa bermatuz. Argiteria hobetuko da bai plazan bai etxebizitzen sarreretan, segurtasun sentsazioa areagotuz. Aparkalekuak futbito pistan berrantolatuko dira, plazan oinezkoen zirkulazioa lehentasunez jarriz. Segurtasun bidegorria eta irisgarritasuna hobetuko dira, sarrerak hobetuz eta oinezkoentzako pasagune berriak gehitzeko aukera aztertuz. Horrez gain, auzotarentzako lokalaren erabilera mantenduko da eta haren kokapenean hobetzeak aztertuko dira.
Egun hauetan, informazio publikoko epea irekiko da, interesdunek alegazioak aurkezteko aukera izan dezaten. Udaletik herritarrei animatzen zaie ingurunea eraldatzeko prozesuan aktiboki parte hartzen jarraitzeko.
