Maiatzaren 25ean egindako Tokiko Gobernu Batzarrak udal igerilekuetako ostalaritza lokala administrazio emakida erregimenean okupatzeko lizitazioa arautuko duen baldintza agiria onartu du. Kontratuak 3 hilabeteko iraupena du, 2023ko ekainaren 17tik irailaren 16ra. Hasierako hileko errenta 200 eurokoa da, eta lizitatzaileek hobetu ahal izango dute. Lizitazioan parte hartzeko eskabideak Amurrioko Udaleko Erregistro Orokorrean aurkeztu beharko dira, bost egun naturaleko epean, hau da, ekainaren 5ra arte.