berriak

Aurkezpen-jardunaldia 10:00etan egingo da Amurrio Bidean-en, eta programaren prestakuntza, lan-orientazioa eta enpresetako praktikak ezagutzeko aukera emango du.

Amurrio Bidean-ek HAZILAN+ programaren hamargarren edizioa aurkeztuko du datorren irailaren 21ean, 10:00etan. Programa langabezian dauden eta Erdi Mailako edo Goi Mailako Lanbide Heziketa edo unibertsitate-titulazioa duten pertsonei zuzenduta dago.

HAZILAN+ programak prestakuntza, lan-orientazioa eta banakako laguntza uztartzen ditu, pertsona bakoitzari bere helburu profesionala definitzen, gaitasunak identifikatzen eta enplegua bilatzeko estrategia hobetzen laguntzeko.

Lehen fasean, Aktibatu izenekoan, 30 orduko prestakuntza egingo da. Bertan, gaitasun pertsonal eta profesionalak, lan-merkatuan kokatzeko modua eta enplegua bilatzeko tresnak landuko dira. Programak, halaber, curriculuma eta lan-elkarrizketak prestatzeko baliabideak eta enplegu-bilaketan adimen artifizialeko tresnak erabiltzeko edukiak jasotzen ditu.

Amurrion erroldatuta dauden pertsonek, gainera, banakako lan-orientazioa jasotzeko eta inguruko enpresetan sei hilabeteko praktikak egiteko zortzi beketako bat eskuratzeko aukera izango dute. Aurreikusitako zenbatekoa 830 euro gordin hilean da, oinarri arautzaileetan ezarritakoaren arabera.

Prestakuntza urriaren 1ean hasiko da eta abenduaren 11ra arte luzatuko da, taldeko saioak 9:00etatik 14:00etara eginez. Praktikak 2026ko abendutik 2027ko ekainera bitartean egitea aurreikusten da.

Aurkezpen-jardunaldia

Eguna: irailaren 21a
Ordua: 10:00
Lekua: Amurrio Bidean – ReforAmurrio Enpresaldea

Izen-ematea zabalik dago. Parte hartzeko, beharrezkoa da Amurrio Bidean-eko Pertsonen Atarian erregistratzea eta, Prestakuntza atalean, HAZILAN+ hautatzea. https://amurrio.tganet.net/amurrio_pertsonen_ataria/

Informazio gehiago eskatzeko, 945 891 721 telefonora edo WhatsAppera jo daiteke, edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera idatzi.

Ekintza 2021-2027 Euskadiko FSE Programa Operatiboaren HAZILAN+ esparruan garatzen da, Europako Gizarte Funtsak %40an kofinantzatuta, eta GARAPEN Euskadiko Garapen Agentzien Elkarteak koordinatuta.

• Lehen Hezkuntzako 1. mailara arteko adingabeei zuzendutako zerbitzua ostiral eta larunbat guztietan eskainiko da ekainaren 26ra arte, 17:00etatik 19:45era.

Amurrioko Ludotekak ikasturte berri bat hasiko du datorren ostiralean, irailak 25. Zerbitzua, Ludoteka Librea izenekoa, ostiral eta larunbatero egingo da ekainaren 26ra arte, 17:00etatik 19:45era, eta Lehen Hezkuntzako 1. mailara bitarteko haurrei zuzenduta dago. Haur horiek heldu batekin egon beharko dute beti. Zerbitzuaren prezioa 26 eurokoa izango da ikasturte osorako.

Izen-emateak irailaren 25etik aurrera egin ahal izango dira ikasturte osoan zehar, ludotekan bertan, dagokion inprimakiaren bidez. Formularioarekin batera, ordainagiria aurkeztu beharko da.

Gainera, hilean behin, Ludotekak jarduera berezi bat hartuko du, adingabeek esperientzia berriak ezagutzeko eta proposamen desberdinez gozatzeko pentsatua, dagokion gaian espezializatutako profesional batek zuzenduta eta antolatuta hilero. Urtean zehar hainbat jarduera eskainiko dira, hala nola eskulanak, dantza, magia, ipuin kontalariak eta beste hainbat proposamen. Ludotekan izena emandako adingabeek doan parte hartu ahal izango dute, eta izena eman ez dutenek, berriz, 5 euroko kuota ordaindu ahal izango dute jarduera bakoitzeko.

Ekimen horren bidez, Amurrioko Udalak berretsi egiten du familien ongizatearekin eta haurrentzako aisia hezitzaile, seguru eta irisgarriarekin duen konpromisoa, eta Ludoteka erreferentziazko udal-baliabide gisa sendotzen du ikasturte osoan.

La jornada tendrá lugar a las 10:00 horas en Amurrio Bidean y permitirá conocer el programa, su formación, el acompañamiento laboral y las prácticas en empresa.

Amurrio Bidean celebrará el próximo 21 de septiembre, a las 10:00 horas, la jornada de presentación de la décima edición de HAZILAN+, dirigida a personas desempleadas con Formación Profesional de Grado Medio o Superior o titulación universitaria.

Durante la sesión se explicará cómo se desarrollará el programa y las distintas posibilidades de participación. HAZILAN+ combina formación en competencias socioprofesionales, orientación laboral y acompañamiento individual para ayudar a cada persona a definir su objetivo profesional, identificar sus competencias y mejorar su estrategia de búsqueda de empleo.

La primera fase, Aktibatu, incluye 30 horas de formación para trabajar competencias personales y profesionales, el posicionamiento en el mercado laboral y herramientas útiles para la búsqueda de empleo. El programa incorpora también recursos para preparar el currículum y las entrevistas y el uso de herramientas de inteligencia artificial aplicadas a la búsqueda de empleo.

Para las personas empadronadas en Amurrio, HAZILAN+ ofrece además orientación laboral personalizada y la posibilidad de optar a una de las ocho becas para realizar prácticas durante seis meses en empresas del entorno, con una cuantía prevista de 830 euros brutos mensuales, según las bases reguladoras.

La formación comenzará el 1 de octubre y se desarrollará hasta el 11 de diciembre, mientras que las prácticas están previstas entre diciembre de 2026 y junio de 2027.

Jornada de presentación

Fecha: 21 de septiembre
Hora: 10:00
Lugar: Amurrio Bidean – ReforAmurrio Enpresaldea

Las inscripciones ya están abiertas. Para participar es necesario registrarse en el Portal de Personas de Amurrio Bidean y seleccionar HAZILAN+ dentro del apartado Formación.  https://amurrio.tganet.net/amurrio_portal_personas/

También se puede solicitar información a través del teléfono y WhatsApp 945 891 721 o escribiendo a Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko..

La actuación se desarrolla en el marco del POPV FSE 2021-2027 HAZILAN+, está cofinanciada al 40 % por el Fondo Social Europeo y coordinada por GARAPEN, la Asociación Vasca de Agencias de Desarrollo.

• Ekimena Lehen Hezkuntzako ikasleei zuzenduta dago eta udalerriko lau ikastetxeetan 585 agenda banatzea aurreikusten du

Ikasturte berriaren hasierarekin batera, Amurrioko ikastetxeak Lehen Hezkuntzako ikasleen artean eskola-agendak banatzen hasi dira. Mendiko Eskolatik sortu zen ekimena, eta, ondoren, udalerriko gainerako ikastetxeetara zabaldu zen.

Amurrioko ikastetxe guztiei zuzendutako ekimena zenez, Udalak proposamenarekin bat egitea eta agenden kostuaren zati bat bere gain hartzea erabaki zuen, Lehen Hezkuntzako ikasleen artean banatu ahal izateko. Agendak joan den astean hasi ziren banatzen, ikasturtea hastearekin batera, eta guztira 585 agenda banatuko dituzte.

Ekimen honek ikasleei tresna erabilgarria ematen die eskolako lanak eta jarduerak antolatzeko eta planifikatzeko, eta, horrez gain, familiei eskolako egunerokotasunaren jarraipena egiten laguntzen die.

“Udaletik positiboki baloratzen dugu ikastetxeetako batean sortutako ekimen bat hezkuntza komunitate osora zabaldu izana. Amurrioko Lehen Hezkuntzako ikasle guztiei zuzendutako proposamena denez, garrantzitsua iruditzen zaigu bat egitea eta kostuaren zati bat bere gain hartuz laguntzea”, adierazi du Monika Arbaiza Hezkuntza zinegotziak. “Ikasleei euren zereginak antolatzen laguntzen dien tresna erraz eta praktikoa da, eta ikasturtean zehar baliagarria izan daiteke familientzat ere”, gaineratu du.

Ekimen horren bidez, Amurrioko Udalak udalerriko ikastetxeekin lankidetzan jarraitzen du, eta ikasleei eta hezkuntza-komunitateari zuzendutako jarduerak babesten ditu.

• Udalak, Gizarteratze Mahaia osatzen duten erakundeekin batera, dauden baliabideak identifikatzen eta konektatzen eta gizarteratzeko ibilbideak hobetzen lan egingo du.

Amurrioko Udalak, Gizarteratze Mahaia osatzen duten erakundeekin batera, elkarlanerako prozesu bat jarriko du abian, gizarteratzeko baliabideen tokiko ekosistema identifikatu, antolatu eta ikusarazteko, eta pertsonen arretan eta laguntzan esku hartzen duten eragileen arteko koordinazioa hobetzen jarraitzeko.

Amurriok baliabide eta zerbitzu ugari ditu, besteak beste, enplegua, etxebizitza, osasuna, hezkuntza eta gizarte-zerbitzuak. Ekimenari esker, erakunde bakoitzak eskaintzen dituen baliabideak identifikatu eta sistematizatu ahal izango dira, eragile bakoitzak gizarteratze-ibilbideetan betetzen duen zeregina hobeto ezagutu ahal izango da, eta baliabideak, zerbitzuak eta laguntzak nola erlazionatzen diren aztertu ahal izango da.

"Amurrio kohesionatuago batean aurrera egiten jarraitu nahi dugu, dauden baliabideek eta zerbitzuek gero eta modu koordinatuagoan eta pertsonen beharretatik hurbilago lan egin dezaten", adierazi du Txerra Molinuevo alkateak. "Proiektu honek aukera emango digu geure baliabide-sarea hobeto ezagutzeko eta sarea osatzen duten erakunde eta eragileen arteko elkarlana indartzeko".

Proiektua, beraz, ez da soilik baliabideen mapa edo tresna tekniko bat egitea, baizik eta Amurrioko Gizarteratze Mahaia osatzen duten eragileen arteko lankidetza indartzeko prozesu bat.

"Inklusioak begirada integrala eta koordinatua eskatzen du. Kontua ez da soilik zer baliabide ditugun jakitea, baizik eta jakitea nola erlazionatzen diren eta nola erraztu ditzakegun pertsonen ibilbideak zerbitzu batzuen eta besteen artean", azaldu du Laura Fernández Fernández Gizarte Ekintza eta Osasuneko zinegotziak. "Amurrion egiten den lan guztiari balioa eman nahi diogu eta, aldi berean, erantzun bateratua hobetzeko aukerak detektatu", adierazi du zinegotziak.

Prozesua irailean hasiko da, eta abendura arte iraungo du. Hainbat lan-saio konbinatuko dira Gizarteratzeko Mahaiarekin, eta erabiltzaileen pertzepzioa jasoko da. Horrela, udal-langileen eta erakundeen ikuspegia txertatuko da, bai eta baliabideak eta zerbitzuak eskuratzen dituzten pertsonena ere. Horren ondorioz, tresna argi eta irisgarri bat garatzeko oinarriak ezartzea espero da, eskura dauden baliabideak eta horien loturak antolatu eta ikusarazteko, teknikarien koordinazioa eta sareko lana errazteko eta, aldi berean, herritarrei udalerrian dauden baliabideak eta laguntzak ezagutzen eta eskuratzen laguntzeko.

Ekimen honen bidez, Amurrioko Udalak Gizarteratze Mahaia indartzen du, tokiko administrazioaren eta udalerriko erakundeen arteko lankidetzarako gune gisa, lehendik dauden ezagutza, esperientzia, baliabideak eta sareak balioetsiz eta gero eta koordinatuagoa, integralagoa eta pertsonengan zentratuagoa den erantzun baterantz aurrera eginez.

• Berriro ere, lehiaketak, tokiko produktuak, erakusketak eta artzaintzaren munduari lotutako jarduerak bilduko ditu jardunaldiak, eta omenaldi berezia egingo zaie sektorean erreleboa hartzen duten belaunaldi berriei

Amurrio datorren irailaren 20an XXXII. Artzain Eguna ospatzeko prestatzen ari da. Artzain Eguna uda osteko jai egutegiko hitzordu garrantzitsuenetako bat da, eta artzaintzaren munduari, tradizioei eta ogibide hau bizirik mantentzen dutenen lanari balioa emateko jardunaldi bat.

Artzain Eguneko programazioak, goizean zehar, sektorearekin lotutako jarduera ugari eskainiko ditu, besteak beste, lehiaketak, produktuen dastatzeak, erakusketak eta gaztagintzako erakustaldiak, ohiko artzain txakurren erakustaldiez gain.

Etxeko produktuen eta artisau-produktuen azoka ere izango da jardunaldian, eta Goi Nerbioi eskualdeko produktuek presentzia berezia izango dute. Gazta, txakolina, ogia eta lurreko beste hainbat produktu izango dira protagonista, eta, horrela, bertako ekoizpenaren kalitatea eta aberastasuna gerturatuko diete bizilagun eta bisitariei.

Horren harira, Estibaliz Sasiain Ingurumen zinegotziak nabarmendu duenez, “artzain Eguna aukera bat da artzaintza sektorea bizirik mantentzen dutenen lana aitortzeko eta herritarrei bertako produktuen eta gure identitatearen parte diren tradizioen balioa hurbiltzeko”. Era berean, “etorkizunera ere begiratzearen eta erreleboa hartu eta ofizio honekin jarraitzeko apustua egiten duten belaunaldi berriak babestearen” garrantzia azpimarratu du.

Kanpai hotsak emango dio hasiera asteburuari

Ohitura den bezala, ekintzak bezperan hasiko dira. Irailaren 19an (larunbata), 10:00etatik aurrera, XXII. Kanpai Kontzertua izango da, eta aurten, proposamen berezi bat egingo da Amurrioko Musika Eskolarekin batera.

Oraingo honetan, gainera, kontzertuak sorpresazko osagai bat izango du, eta, hori dela eta, antolatzaileek herritarrak animatu nahi dituzte Amurrioko soinu-paisaia urtero eraldatzen duen hitzordu berezi honetara hurbildu eta gozatzera.

Ofizioari eta erreleboa hartzen dutenei omenaldia

Artzain Eguneko unerik hunkigarrienetako bat igandean iritsiko da, 11:30ean, aurten aitortuak izan diren artzainei egindako harrera eta omenaldiarekin.

Edizio honetan, gainera, omenaldiak begirada berezia izango du belaunaldi-erreleboaren inguruan, gure herrien nortasunari eta tradizioari estu lotutako lanbidearekin jarraitzeko apustua egiten duten gazteei balioa emanez.

Aurtengo edizioan omenduko dituzten pertsonak Mertxe Villanueva (Menoio), Pedro Martin Ajuria (Oleta), Jose Luis Olabe Martinez de Albéniz eta Rosa Mª Beitia Anda (Larrea), eta Gaizka Lopez Berasategi (Arabako Lautada) izango dira, Altsasuko errelebo gazte gisa.

Ospakizun horren bidez, Amurriok berriro aldarrikatu du garrantzitsua dela artzaintzaren sektorea mantentzea eta babestea, baita artzaintzari eta gure lurraldeko produktuen artisau-elaborazioari lotutako jakintzak, tradizioak eta bizimoduak zaintzea ere.

XXXII. Artzain Eguna familian gozatzeko, artzaintza sektorearen lana gertutik ezagutzeko eta urtez urte Amurrioren eta eskualde osoaren nortasunaren parte izaten jarraitzen duen tradizioa ospatzeko jardunaldi gisa aurkezten da.