berriak

• Emakumezkoen senior taldea Bigarren Maila Nazionalera itzultzeak kirola, berdintasuna, gastronomia eta lurraldea lotzen dituen ekimen baterako abiapuntu gisa balio du, Txakolinaren Ibilbidearen eskutik

Zaraobe Saskibaloi Klubak proiektu berri bat aurkeztu du gaur, emakumeen kirolari bultzada emateko eta, aldi berean, Aiaraldeko kultura, gastronomia eta turismoa sustatzeko. Ekimena bat dator senior nesken taldea Bigarren Nazional Mailara itzultzearekin, eta klubeko emakumezkoen sekzioaren hazkundea sendotzeko eta eskualdearen erakusleiho bihurtzeko asmoarekin sortu da.

Prentsaurrekoan erakundeetako eta erakunde laguntzaileetako ordezkariak izan dira, besteak beste, Txerra Molinuevo Amurrioko alkatea, Jon Pinedo Ortiz de Zárate Klubeko presidentea, Imanol Arberas Zaraobeko alma máterra, Iñigo Pinedo Aiaraldeako Kuadrillako presidentea, Mariano Alava Ruta del Txakolinaren ordezkaria, Javier Abal Gildas Albizabaleko gerentea, eta taldeko jokalariak Alba Aspizua eta Maialen López.

Klubaren ustez, berdintasuna eta emakumea kirolean ikustaraztea erronka garrantzitsuak dira oraindik ere, eta une hau baliatu nahi du konpromiso hori indartzeko. Gaur egun, 300 jokalari inguru ditu Zaraobek, eta horietatik %70 inguru emakumeak dira. Emakumezkoen 17 taldek eta gizonezkoen sei taldek osatzen dute kluba, eta errealitate horrek agerian uzten du emakumezkoen saskibaloiak erakundean duen garrantzia.

"Senior nesken taldea Bigarren Nazional Mailara itzultzea aprobetxatu nahi genuen, emakumezkoen kirolarekin dugun konpromisoan urrats bat gehiago emateko. Kontua ez da bakarrik lehiatzea, baizik eta gure jokalariei proiektu sendo bat eskaintzea, identifikatuta senti daitezen eta, aldi berean, jokatzen dugun lekuan Aiaraldeko enbaxadore bihur gaitezen", nabarmendu du Jon Pinedo Ortiz de Zaraobe taldeko presidenteak.

Proiektu honekin, Zaraobek klubaren barruan hazten diren gazteak epe luzera finkatu nahi ditu, identifikatuta sentituko diren ingurune bat eskainiz, beste norakorik bilatu behar izan gabe beraien kirol garapenean jarraitzeko aukerekin. Kirol emaitzetatik haratago, emakumezkoen saskibaloiaren egitura sendotzea eta kluba belaunaldi berrientzako erreferente bilakatzea da helburua.

Taldeak Euskadi osoko lehiaketetan parte hartzen duela aprobetxatuz, Zaraobek Aiaraldeako enbaxadore ere izan nahi du, eskualdeko aberastasun kultural, gastronomiko eta enologikoa erakutsiz. Ideia horretatik sortu da Aiaraldeko Txakolinaren Ibilbidearekin elkarlana, markak ekipazioetan duen presentziatik askoz harago joan nahi duen aliantza.

Elkarrekin egingo duten lehen ekintza gisa, klubak irailean bere talde guztien aurkezpen ofiziala antolatuko du, lagunarteko partida batekin batera. Gainera, Zaraobe dagoeneko etorkizuneko ekimen berrietan lanean ari da. Horien artean, aipagarria da emakumezkoen erreferentziazko txapelketa bat antolatzeko aukera, kirol-osagaiaz gain, kultura-, musika- eta jai-jarduerak izango dituena. Helburua da ekitaldi hau urteen poderioz sendotu ahal izatea eta egoitza nagusia Amurrio izatea, aldi berean Aiaraldeko Txakolinaren Ibilbidearen parte diren zazpi udalerriak inplikatuz.

Proiektu honekin, Zaraobek emakumeen kirola sustatzen jarraitu nahi du, kirolari gazteen kide izatearen sentimendua indartu eta Aiaraldea erreferentziazko lurralde gisa kokatzen lagundu, bai berdintasunarekiko konpromisoagatik, bai bere aberastasun gastronomiko eta kulturalagatik.

• Ekimena Gizarte Ekintza eta Osasun Sailak antolatu du, eta bildutako dirua elikadura-jokabidearen nahasteen aurka borrokatzeko erabiliko da

Amurrioko Udalak, Gizarte Ekintza eta Osasun Sailaren bitartez, Herri Krosa 2026 lasterketa solidarioaren edizio berri bat egingo du martxoaren 28an. Aurten, bildutako dirua ACABE Araba elkartera bideratuko da. Elkarte hori elikadura-jokabidearen nahasmenduak (anorexia eta bulimia) dituzten pertsonen prebentzioan, sentsibilizazioan eta laguntzan lan egiten duen erakundea da.

Lasterketa Amurrio “Oinkariak” Atletismo Klubaren laguntzarekin antolatuko da. Lasterketa udalerriko erdiguneko kaleetan zehar egingo da eta Juan de Urrutia plazara iritsiko da. 5 kilometroko lasterketa izango da, adin guztietako parte-hartzaileei irekia, eta haur, gazte eta helduentzako kategoriak izango ditu.

Gizarte Zerbitzuetako zinegotzi Laura Fernandezek ekimen honen balio soziala azpimarratu du: “Herri Krosa kirola, elkarbizitza eta elkartasuna batzen dituen hitzordua da. Aurten, elikadura-jokabidearen nahasteak ikusarazten lagundu nahi dugu, eta ACABE Arabak  egiten duen lana babestu, pertsona kaltetuei eta haien familiei lagunduz”.

ACABE Álava elkarteak gogorarazi du elikadura-jokabidearen nahasteak arazo konplexuak direla, eta elikaduratik edo gorputz-iruditik askoz harago doazela. “Elikadura-jokabidearen nahasteak ez doaz elikagaietan, sentimenduetan baizik”, azaldu du Lorena Campomar erakundeko zuzendaritza batzordeko kideak. “Janaria ez da arazoaren kausa, baizik eta buruak askotan nola kudeatu ez dakigun sufrimendu bati aurre egiten saiatzeko aurkitzen duen modua baizik”.

Zentzu horretan, elkarteak azpimarratu du nahasmendu hauek ez direla borondate edo estetika kontua. “EJN batekin bizi denarentzat pentsamendu bakoitza okupatzen duen borroka isila da. Gorputz-irudia izebergaren punta baino ez da; atzean beldurra, lotsa, trauma edo esperientzia zailak daude, eta entzun eta lagundu egin behar dira”, gehitu du Campomarrek.

Amurrioko Udalak herritarrak animatu nahi ditu kirola, sentsibilizazioa eta konpromiso soziala uztartuko dituen jardunaldi solidario honetan parte hartzera.

• Izena emateko epea ekainaren 8tik 12ra irekiko da, 10:00etatik 13:00etara

Aire zabaleko udako igerilekuen denboraldia ekainaren 15ean hasiko da Amurrion eta irailaren 15era arte luzatuko da. Ordutegia: astelehenetik igandera, 10:30etik 20:30era, ekainean eta irailean; eta 10:30etik 21:00etara, uztailean eta abuztuan.

Bañueta Kiroldegian abonatutako pertsonak doan sartu ahal izango dira, gutxienez aurtengo urtarrilaren 1etik abonatuta badaude eta data horretatik aurrera baja eman ez badute.

Udal igerilekuetako harrera irekita egongo da ekainaren 8tik 12ra, 10:00etatik 13:00etara. Epe horretan abonatuen alta edo baja guztiak egin ahal izango dira.

Amurrioko Udalak, Amurrio Kirolak-en bitartez, herritarren eskura jartzen du etengabeko hobekuntzarako inkesta bat, amurriarrek Bañueta Kiroldegiaren funtzionamenduari buruz duten iritzia jasotzeko.

Ekimen honek udal kirol zerbitzuen kalitatea indartu nahi du, kiroldegia erabiltzen dutenen itxaropen eta esperientziak hobeto ulertzen dituelako. Inkestan parte hartzea funtsezkoa da hobetzeko arloak identifikatzeko eta instalazioek komunitatearen beharrak eta nahiak betetzen dituztela ziurtatzeko.

Inkesta guztiz anonimoa izateko diseinatu da, eta udalerriko bizilagunei beren iritzia modu irekian emateko aukera ematen die. Parte hartzeko, albiste honi erantsitako QR kodea eskaneatu edo https://es.research.net/r/GPRDKT8 bisita ezazu, lineako inkestara sartzeko.

• Txirrindulari-lasterketa igarotzeak zirkulazioan eragin puntualak izango ditu 14:15etik 15:15era bitartean, hirigunean

Datorren asteazkenean, 2026ko apirilaren 8an, Itzulia Basque Country 2026 txirrindularitza-lasterketa egingo da Amurrion, nazioarteko txirrindularitza-egutegiko kirol-proba garrantzitsuenetako bat.

Antolatzaileek aurreikusitako ordutegiaren arabera, lasterketak 14:15ean zeharkatuko du Amurrioko hirigunea. Probaren ibilbidea Federico Barrenengoa eta Felix Murga kaleen arteko bidegurutzean dagoen biribilgunetik sartuko da udalerrira, eta Felix Murgatik, Epaitegiko biribilgunetik, Araba kaletik, elizako biribilgunetik eta Bañuetaibar kaletik jarraituko du. Ondoren, A-625 errepidetik irtengo da Saratxorantz.

Tropela igarotzeak eta horri lotutako segurtasun-dispositiboak hainbat gorabehera eragingo dituzte ibilgailuen zirkulazioan egunean zehar, batez ere 14:15etik 15:15era bitartean. Etenak eta zirkulazio-mozketak izango dira ibilbidearen eraginpeko bideetan.

Hori dela eta, herritarrei jakinarazten zaie aldez aurretik aurreikusi beharko dituztela joan-etorriak eta, ahal den neurrian, ordutegiak egokitu —batez ere lanekoak—, edo beste ibilbide batzuk aukeratu beharko dituztela, eragozpenak saihesteko eta probaren garapen normala errazteko.

Udalak aldez aurretik eskertu nahi du auzokideen laguntza eta ulermena kirol-ekitaldi honek sor ditzakeen aldi baterako aldaketen aurrean.

Abenduaren 10ean Amurrioko Krosaren bosgarren edizioa ospatuko da El Reforreko kirol-instalazioetan, Oinkariak Atletismo Klubak antolatuta. Lasterketak 10:00etatik 14:00etara egingo dira.

Lasterketak honako hauek izango dira:

• Federatuak (lizentzia).
• Egokitua.
• Herrikoia eta eskolakoa (edozeinentzat irekia).

o 16 urtetik gorakoentzat eta 5 km. Adin nagusikoek 3 €eta adingabeek doan.

o Eskolakoa:

Sub14 Femeninoa eta Maskulinoa: 2000m.

Emakumezkoak eta gizonezkoak: 1000m

Emakumezkoena eta gizonezkoena: 1000m mistoa.

Nobedadea: 200 m-ko lekuko-lasterketa, 2016tik 2023ra bitarteko atletentzat. Mistoa.

Ikasleen lasterketa guztiak doakoak dira eta www.atletismo-oinkariak.com webgunean eman ahal izango da izena.

"Aurten ADOC elkarteko kide gara eta lasterketaren laburpena TDPn eta ETB1en izango da", azaldu du Pablo Mas Amurrioko Oinkariak Atletismo Klubeko presidenteak. Gainera, herritarrak animatzen ditu eta zera gehitzen du: "Beti bezala, El Reforrera atletismorik onenaz gozatzera animatzen dugu, korrika egitera joan zein ez, ikuskizuna ikustera eta goiz atsegina pasatzera".